رواية انا وهي الجزء الثاني الاخير 18_9
المحتويات
اوووف موافق
تلا _ اخييييرااا ساعه علي ما اقنع سيادتك
حمزه _ بكره الصبح هننزل نجيب شبكه ونروح نشوف شقتي عشان تعملي التعديلات الي تعجبك عليها
تلا_ شبكه
وشقه ليه يعني التكلفه دي كلها ما احنا حلوين اهو قاعدين مع مامتك وحنين وشبكه ايه بس يا حمزه مش من قله الدهب ال عندي مش عايزه دهب
حمزه _ شبكه تفرق عن الدهب الي عندك ديه حاجه وديه حاجه
والشقه احنا مش هننقل فيها ديه حقك
احنا هنفضل هنا مع ماما لاكن في المستقبل مش هينفع الوضع يستمر لان هيبقي في اولاد واحفاد بقي والدنيا هتبهوق مننا
وانا مش هجيب اقل من داسته
تلا_ داسته لا مش لاعبه
فيه حاجه اسمها تحديد النسل يا بابا مش دسته
مين ال هيربي الدسته
حمزه _ حضرتك
تلا_ النمره غلط يا عماد
لسه بدري علي الحجات دي نبقي نفكر ف دا بعدين
حمزه _ مليش فيه
الي اوله شرط اخره نور
هما اتنين التلات انا مش هصرف عليه اساسا
تلا_ ايوا كفايه اتنين اوي
حمزه _
اولا ده رزق
ربنا بقي رزقنا بواحد باتنين بتلات ديه من عنده انا بهزر بس
تلا_ عارفه
شكلنا هنقضيها كلام ومش هننام سيادتك الوقت اتاخر
حمزه _ مش مهم
حمزه وهو بيلعب في شعرها
حمزه _ توته
تلا_ نعم
حمزه _ بحبك
تلا _ ايه
حمزه _ بحبك
وقرب حمزه منها
وغابا العاشقين في بحر العشق
الحلقه الحادية عشر
صحي حمزه الصبح قبل
تلا
وفضل قاعد يبص عليها
ف تلا صحيت
تلا ب ابتسامه صباح الخير
حمزه صباح النور
تلا بصت في الساعه
تلا يا خبر احنا اتاخرنا ف النوم اوي
بس انا لو عليا مش قادره اقوم من السرير اصلا
حمزه حنين هتصحي ټفضحني بصفيحه دلوقتي
تلا اشمعني
حمزه المفروض كنت اصحي واصحيها بدري عشان نروح نقدم لمازن في مدرسه جديده
هتنفخني
تلا عايزين تقدمولو ف مدرسه ايه
حمزه مدرسة .....
تلا بسيطه يا سيدي نكلم مدير المدرسه واحنا ف الطريق
حمزه اشطات
انا هدخل اخد دش واغير والحقها قبل ما تقول لماما وعمتي وريهام وجرانا وقرايبهم كمان
تلا حمزه
حمزه نعم يا حبيبتي
تلا بحبك يا حمزه
حمزه باسها طب ما انا عارف
تلا تصدق انا غلطانه
رخم
طب انا هدخل اخد دوش قبلك وقامت جريت دخلت الحمام وقفلت الباب
حمزه ماشي يا تلا هتروحي مني فين
قعدلك يا جميل
دخلت تلا الحمام وخدت دش ووقفت قدام المرايه
تلا معقوله حمزه حبني
بالسرعه ديه
احنا مكملناش شهرين
معقول يكون طمعان في فلوسي
لا لا لا حمزه مش كده
وبعدين انا كمان حبيته في نفس المده
بلاش تخاريف يا تلا
انتي مستخسره في نفسك السعاده ولا ايه
وانتهي الحوار ما بين تلا قلبها
لكن الحوار مابين تلا وعقلها لسه شغال
طلعت تلا وحمزه دخل ياخد دوش ذ وتلا لبست فستان بكم وكان اوف شولدر
جابته بطلوع الروح اصلا حمزه مكنش موافق عليه بس هي اتحايلت عليه وسيبت شعرها عشان يدارب كتفها
طلع حمزه من الحمام
حمزه اه ياني من مراتي الي تعباني
تلا مالها مراتك بس يا قلب مراتك
عارفه ان الفستان مش عاجبك بس بص والله شكلو حلو اويي بجد
وانا مداريه كتفي بشعري اهو
حمزه امري لله
يلا عشان نلحق نفطر
تلا لا انا مش هفطر اطلع افطر انت علي ما اجيب شنطتي وحاجتي
حمزه وده ليه بقي ان شاء الله
تلا مليش نفس افطر مش جعانه
حمزه علي زومه
تلااها والله مش جعانه ومش عايزه اقعد مع عمتك كمان مش فايقالها
مودي حلو ومش عايزاه يبوظ
حمزه انا رايق وعايز العب معاها هي وبنتها
اما طفشتهم من البيت مبقاش انا حمزه
تلا هتعمل ايه طيب
حمزه تعالي نفطر سوي واقولك بعديين
تلا حاضر يلا
وطلعو يفطرو
حمزه صباح الخير
الكل صباح النور
حنين مصحتنيش ها
و متقلقيش يا حنين هصحيكي صح
حمزه قولتلك هتفضحني بصفيحه
انا قولت لتلا تصحيني عشان اصحيكي وتلا عملت المنبه عشان يصحيها عشان تصحيني عشان اقوم واصحيكي
لكن المنبه مرنش فتلا مصحيتش فانا مصحتش فبالتالي انتي مصحتيش
والسلام عليكم ورحمة الله وبركاته
حنين ايييييييييه
تلا منين بيودي علي فين
معلش يا بنتي انا ال اخرته امبارح قعدنا نتكلم في الشغل والوقت خدنا
ف صحينا متاخر
عامة متقلقيش اعتبري ابنك ف المدرسه خلاص
حنين تسلميلي يا توته
حمزه توته ديه بتعتي انا علي فكره
حنين يا شيخ اتلهي
عمته وهو مش المفروض يا حبيبتي متسهريش جوزك عشان عندو شغل
ولا هو انتي هتنفعيه لما يتخصملو
تلا بصت لحمزه ومردتش علي عمته فضلت ساكته
حمزه ما انا اجازه انهارده يا عمتي وتلا عارفه
عمته طب ومدام اجازه يا قلب عمتك مسهرتش معانا امبارح ليه ولا احنا مش قد المقام
حمزه لا العفو لكن كنتو بتتفرجوا علي فيلم سخيف مش بحبه
تلا حبيبي انا خلصت فطار هات المفتاح انزل العربيه علب ما تخلص فطارك
حمزه انا كمان خلصت وهنزل معاكي
عمته علي فين
مش اجازه انهارده يل حمزه
حمزه هوصل تلا وعندي كام مشوار كده هخلصه
عمته بالسلام يا حبيبي
حمزه سلام عليكم يا جماعه
الكل وعليكم السلام
نزلو العربيه وخدها وراحوا الشهر العقاري وتمت عملية بيع نص الشركه ده بعد اصرار حمزه ان يفضل نص بإسم تلا
وراحو الشركه والكل استغرب دخولهم مع
تلا سهام عايزه اجتماع مع الشركه كلها خلال نص ساعه
سهام حاضر يا فندم
ودخلو المكتب
تلا دا بقا يا سيدي بقي مكتبك انت يعني انا دلوقتي ضيفه عندك اتفضل بقا اقعد علي مكتبك
حمزه شكلك هتلبسيني في مصېبه
تلا لا والله ابدا الشركه ماشيه تمام متقلقش
حمزه امري لله
ما تجيبي ابت
تلا اتكسفت حمزه احنا ف الشركه عيب
حمزه ليشي دعوه
تلا حمزه عندنا شغل كتير مش وقته
حمزه بقي كده ماشي يا توته
تلا اعتبرها كدا قمص يعني مثلا
حمزه ايه في ايه
في اعتراض ولا ايه
تلا تؤهو انا اقدر اتكلم
حمزه ايوه كده هههههه
تلا يلا طيب عشان الموظفين زمانهم اتجمعو
حمزه اتفضلي
يا برنسس
ودخلو اوضه الاجتماع
وخلت حمزه هو ال يقعد مكان ما بتقعد وهي قعدت علي كرسي تاني جمبه الكل طبعا استغرب
تلا اولا احب اعرفكم علي مديريكم الجديد حمزه بيه
هو شريكي في الشركه النص بالنص وهيبقي نيابة عني في كل حاجه في الشركه
الموظفين مفهوم يا انسه تلا
تلا مدام من فضلكم
السكرتيره خضىرتك اتجوزتي
مبروك يا هانم
تلا اه اتجوزت
انا ابقي حرم حمزه بيه
الموظين الف مبروك يا فندم الف مبروك يا هانم
حمزه الله يبارك فيكن
تقدروا تتغضلوا علي شغلكم
ومشي كل الموظفين
تلا شفت الحوار بسيط ازاي
حمزه ربنا يهون
يلا نمشي ونشوف بقيت المشاوير
تلا اممم ماشي يلا
وراحو مع بعض واشترالها شبكه حلوه واشترو دبل
دبله تلا مكتوب عليها اول حرف من اسم حمزه ودبله حمزه مكتوب عليها اول حرف من اسم تلا
وخلصو وركبو العربيه وروحو
ودخلو لقو الكل قاعد
تلا بهمس يا حلاوه عمتك وبنتها هيدونا عين هنطلق بعدها
حمزه وقع علي نفسه من الضحك
حنين جت عندهم
حنين بصوت واطي وفضولي بتضحكو علي ايه يا حلوييين
تلا اصل كنت بقولو ان احنا هنتاخد عين وهنطلق انهارده بعد ما جبنا الدهب
حنين مراتك صريحه جدا يا زمه الله يكون في عونك يا بني
حمزه حظي
تلا ماله
حمزه زي العسل علي قلبي
حنين ايوه كده الادب حلو
وريني وريني جبتوا ايه
تلا حاضر
وفتحت علبه الدهب ووريتهالهم كلهم
تلا ب ابتسامه ها ايه رايكم
الام بسم الله ما شاء االه
ربنا يباركلكوا يا حبايبي
تلا ربنا يخليكي يا ماما
عمته مش بطاله لو كانت ريهام معاكم كانت اختارت حاجه احسن من دي
ديزوقها بلدي شويه
تلا بلدي
وبصت لحمزه بعصبيه هو حس انها هتقتلهم
حمزه والله يا طنط تلا هي الي هتلبسهم
ولازم تبقي مرتاحه في الي هتلبسه ميهمش رأي الناس
انتي
دايما كنتي بتقولي راح او جه هيفضل دهب حافظ قيمته مش كده
عمته اه يا حبيبي طبعا
تلا عن اذنكم عشان راجعين تعبانين
وعايزين نرتاح
عمته اتفضلي يا حبيبتي
مسكت تلا ايد حمزه ودخلو الاوضه
تلا لا يا حمزه بجد انا شويه ومش هعمل حساب انها عمتك
حمزه متعمليش
تلا بخجل ا ااا. احم المهم حلوه الشبكه صح
حمزه طبعا
مش توته الي مختراها
تلابدلع طيب ممكن يعني عشان خاطر توته بعد الصفقه الجديده ما تنتهي نسافرلنا يومين لوحدنا
حمزه امممم موافق
تلا وحاجه كمان ياريت يعني لحد ما عمتك تمشي متقعدش برا كتير طول ما ريهام موجوده
حمزه ده احنا بنغير بقي
تلا حقي ولا مش حقييي
حبيبي وبغير عليه فيه مانع
حمزه طبعا مفيش يا توته
تلا ايوا كدا بحسب
ممكن تسيبني بقا عشان اغير هدومي
حمزه اتفضلي
ودخلت تلا غيرت هدومها وطلعت لقتو قاعد سرحان
تلا رمت نفسها علي السرير جمبه ف هو اتخض
تلا ضحكت جااامد
تلا بتتخضي يا بطه
حمزه اه بنخض يا خفه
تلا طب قولي بقا كنت سرحان ف ايه
حمزه كنت بفكر في الشركه
ما انتي سبتيلي الهم وجريتي
تلا لا هم ولا حاجه يا حبيبي
والله الشركه ماشيه زي الفل مفيهاش اي مشاكل ف مفيش هم ولا حاجه
حمزه انا هخربها واقعد علي تلها
تلا فداك يا حبيبي مليون شركه
حمزه ايه الكلام الجامد ده
يابختك يا سي حمزه
تلا مش يا بختو ولا حاجه يا بختي انا بيه
عشان هو احلي حاجه ف الدنيا
حمزه اوبا لا لا لا تلا الهلالي بتقول كده
ده انا امي دعيالي بقي
تلا ههههههههههه
حمزه باسها
حمزه وانتي احلي حاجه في حياتي يا قلب زومه
تلا انت بقيت بتستغل المواقف هااا نبقي بنتكلم وبتغفلني ها
حمزه مراتي وبراحتي علي فكره
في اعتراض
تلا اة فيه اعتراض
حمزه احب اسمعه
تلا اممممممم ان زوما زمانو جاع ولازم اقوم احضر الغدا مع ماما
صح ولا ايه
حمزه لا ونبي ونبي مش هنعيده تاني
حنين تتعلم الطبخ تجرب فيا
ريهام تتعلم الطبخ تجرب فيا
ماما تعمل اكله جديده تجرب فيا
حرااااااااااااااام معدتي اشتكت
تلا حنين تتعلم فيك الطبخ وقلنا ماشي مامتك ماشي ريهام تجرب فيك ليه ان شاء الله
واكملت بزعل خلاص متقلقش مش هتعلم فيك انا هقف معاهم بس كفايه عليك ريهام اتعلمت فيك
وقامت تمشي بس هو شدهت
وقعت عليه
حمزه انا تحت امر تلا هانم يا سلام هو معدتي تطول تاكل من ايد تلا هانم يا خراشي
بس تلا وحياة الغلين عندك اعملي حاجتين مهمين جدا
اولا البت المقرفه الي اسمها ريهام ديه متحطش اديها في اكلي
ثانيا ابقي ونبي تدوقي
الاكل قبل ما انا اكله
يعني عشان تتأكدي من الطعم
مع
تلا ليه. ريهام متحطش ايدها ف الاكل مش جربت فيك وزمانك حبيت اكلها
ثانيا قلت مش هعمل اكل يا حمزه مش هتعلم اصلا انا هساعدهم بس عشان معدتك متوجعكش
وسع يا حمزه لو سمحت
حمزه يا بت اقعدي بقي
اصلي اكتشفت حقيقه مقرفه اوي عن ريهام
تلا حقيقه ايه
حمزه مابتغسلش اديها قبل ما تعمل الاكل
وسبق وقولتلك اني بقرف
تلا ياااااع هههههههه
مغيش فايده فيك
علي طول هزار هزار هزار
حمزه ابدا مش هبطل
تلا طب تحب تاكل ايه
حمزه توته يا توته اممممم
انا نفسي في رز معمر وبطاطس في الفرن وفراخ مشويه
شوفي ماما عامله منهم ايه
واعمليلي انتي يا حبيبتي الباقي
ممكن
تلا مع اني زعلانه منك بس حاضر هشوف طنط عامله ايه واعملك الباقي حاضر
ومتقلقش هغسل ايدي قبل ما اعمل حاجه
حمزه تلاااااااا
وبسها
متزعليش بقي كنت بهزر الله
انتي كنتي هتقبليها لو كانت ماما وحنين بس صح يا توته
تلا انت بتثبتني كدا يعني يا حمزه ان انت عارف اني مبطيقش ريهام
وعارف كويس ان عينها عليك وبردو جبتها ف وسط الكلام
حمزه مقصدش اديق يا حبيبتي
قولتهت بحسن نيه والله
وبعدين ايه يعني جبتها في وسط الكلام المهم مين الي قاعد ومربع في وسط قلبي
تلا اممممممم طب ازعل منك ازاي دلوقتي
حمز ه الله عليك يا واد يا زومه
ثبت تلا هانم بذات نفسها لا لا لا ده انا عديت
تلا هنعمل ايه بقا ما انت ملكت قلب تلا هانم ومبقتش تقدر تزعل منك لاكتر من خمس دقايق
حمززه كدا هنفضل نتكلم ومش هقوم اساعد مامتك سيبني بقا عشان الحق اعملك الاكل ال انت عايزه
حمزه ايوه ايوه جبيها فيا
تلا ايوا
ياريت بقي متطلعش من الاوضه لحد ما اجي اناديلك عشان الغدا
ولو طلعت تيجي علي المطبخ علطول
حمزه بطريقه مضحكه امرك يا فندم
تلا هههههههههه
الحلقه الثانية عشر
تلا طلعت ودخلت المطبخ
تلا بطريقه كوميديه بتعملوو اييه
شامه روايح حلوه
حنين خضيتيني
انتي اتعديتي من جوزك ولا ايه
تلا من عاشر القوم يا أوختشي
الكل هههههههه
تلاعاملين اكل ايه يا طنط عشان حمزه موصيني علي اكله معينه
الام رز معمر وباميه باللحمه
تلا اممممم طيب طنط
بصي حمزه طالب رز معمر وبطاطس ف الفرن وفراخ مشويه
وطبعا انا فل ف الطبخ حضرتك قوليلي بس اعمل ايه وانا هعمله ويا رب تطلع حلوه
الام سهل يا
بنتي خالص
انا عملت اصعب حاجه وهي الرز المعمر
الاول هنتبل الفراخ ونسبها شويه وبعدين هتقطعي بصل وبطاطس ولما تخلصي قوليلي وانا اقلك تعملي ايه
وانتي يا حنين نولي لمرات اخوكي تتبيله الفرخه عشان تعرفهم
تلا ب ابتسامه واسعه ميرسي يا احلي طنط ف الدنيا
وبدات تعمل الاكل وحنين ساعدتها وخلصو الاكل
تلا طب الريحه حلوه دوقو بقي وقولولي رايكم
وبذات رايك يا طنط يهمني اويي
سمعت ريهام اخر جمله وهي ډخله
ريهام متحاوليش
حمزه مش بيعجبه الا اكل طنط واكلي
تلا والله يا ريهام هنشوف رايه علي الغدا
يلا يا طنط دوقي بقا وقوليلي رايك
الام داقت الاكل
الام بسم الله ماشاء الله بتتعلمي بسرعه يا تلا
الاكل طعمه زي العسل
تلا بفرحه بجد يا طنط
الام بجد
تلا طيب انا هروح اصحي حمزه
حنين وانا هوضب السفر لحد ما تيجي
تلا تمام
دخلت تلا لحمزه الاوضه
تلا بدلع زووماا
حمزه يا نعم
تلا يلا عشان الغدا جاهز
حمزه حاضر
انا جي اهو
تلا اشطات
طلعت تلا تخلص تجهيز الاكل علي السفره وطلعت قعدت جمب حمزه وبداو ياكلو
تلا بحماس هااا ايه رايك يا حمزه
حمزه باس اديها تسلم ايدك يا حبيبتي الاكل طعمه زي العسل
تلا بفرحه بجد يا حمزه
ولسه حمزه هيرد
عمته متفرحيش اوي يا تلا انتي لسه بتتعلمي
وبعدين معلش يعني الاكل ناقص ملح شويه وكان لازم تقللي التوابل شويه وتكتري الصلصه
والفراخ كان لازم تسيبي الوش يحمر كدا
ديه ازاي مشويه مش عارفه
حمزه متجاملهاش يا حبيبي عشان تتعلم
كدا لو جاملتها مش هتتعلم حاجه وهتفكر نفسها الشيف الشربسنس
حمزه بس انا بحب الاكل كده ناقص ملح والتوابل كتير ومش متحمر
شكرا علي التعديلات يا عمتي
ريهام الله هو ال يقول الحق ف البيت دا يبقي وحش
حمزه حق !
في ايه يا ريهام
حق وباطل ايه
احنا بناخد اراء عن الاكل الي عملته تلا
مش بنعمل استفتاء علي الدستور
تلا ميلت علي حمزه
تلا
هقوم ادب السکينه ف بطنها والمصحف
حمزه امسكي نفسك مش عايزين فضايح
تلا فضايح هو انت لسه شفت فضايح
دا شعرها اللي انت متفهمش عاملاه ازاي دا هقطعهولها كمان شويه
ما هي يا تمشي يا مش هتطلع من هنا سليمه
حمزه اهدي يا تلا اهدي يا حبيبتي خلي الليله ديه تعدي علي خير
تلا مقدرتش تمسك نفسها من الضحك وضحكت جامد
حنين بمكر مش مرتاحالكم
اكيد كنتو بتنمو علي حد
حمزه ابدا ده احنا غلابه
تلا اويي
حنين بهزار علي يديي
الكل هههههههه
خلصو اكل وشالو الاكل ودخلت تلا غسلت المواعين
ودخلت غيرت هدومها و وجت تطلع لقيتو واقف حمزه قدام الباب
حمزه رايحه فين يا هانم
تلا ايه يا قلب الهانم
طالعه اقعد معاهم برا
حمزه وتسبيني انا قاعد هنا لوحدي لا لا لا
انا زعلان
تلا بدلع وانا ميهونش عليا زعل حبيبي ابدا
لو مش عايزني اطلع مش هطلع ونقعد مع بعض هنا
ال حبيبي يعوزو انا هعمله
حمزه ايوا كده ستات ما بتجيش غير ب....
تلا غير ب اييه
حمزه اقدر انطق انا
تلا ايوا كدا
عايزنا طيب نقعد نعمل ايه
ولا اقوبك ايه رايك ننزل
لا لا
اقولك تعالي نسافر يا حمزه وسيبك من الصفقه الجديده
حمزه حيلك حيلك حيلك مفيش خروج انا حبسك هنا
تلا تعالي نسافر والنبي تعالي نروح اي حته ان شالله حتي اسكندريه
بس نسافر بليييز
حمزه طب اقنعيني
تلا قربت منو اكتر
تلا بدلع وحياه تلا عندك يلا نسافر
حمزه الحاجات قدمت
شوفي غيره
وقربت منه
وبعد شويه بعدته عنها
تلا بهمس يلا بقا هنسافر صح
حمزه ٥٠ ٪
تلا يا حمزه بقا يعني اعمل ايه تاني
عايز ايه وتخلينا نسافر
افهميها وهي طايره بقي
تلا اتكسفت
تلا انت قليل الادب علي فكرره
حمزه قديمه
تلا يا رخم طب نتفق اتفاق طيب اول ما نوصل الفندق لما نسافر هنعمل كل ال انت عايزه غير كدا مفيش حاجه خالص
حمزه بقي كده
تلا اها
حمزه امري لله
تلا بفرحه هييه حبيبي يا زوما
هروح احضر الشنط بقااا
هنطلع علي الجونه صح
حمزه ان شاء الله
السنه الي جايه
تلا السنه الجايه ايه مش هنسافر
حمزه السنه الي جايه
تلا انت رخم علي فكره
وجريت تلا مسكت المخده وبدات تضربه بيها
تلا انت اصلا رخم بعد كل دا وانا اقولك وحياتي وكل دا وف الاخر السنه الجايه رخم رخم
حمزه اه يا مفتريه
سيبيني يا مفتريه اه
تلا لااا مش هسيبك مش انت مش هتسفرني استحمل
حمزه فضل يجري في الاوضه لحد ما وقع علي السرير
حمزه بس بس اهدي يا توته
تلا ما انت بعد كل دا مش هتسفرني يا حمزه
وانا عايزه اسافر عايزه اروح مكان انا وانت لوحدنا محدش معانا
حمزه يا سلام
عونيا من جوا
تلا يعني هنسافر
حمزه عنيا
تلا هيييه ربنا يخليك ليا وميحرمنيش منك
حمزه ويخليكي ليا
انا هطلع ابلغ ماما لحد ما تخلصي تجهيز الشنط
تلا ماشي يا حبيبي
يا خلاثي
جوزي عثل يا ناس
حمزه يا بكاشه
فجأه موبيل حمزه رن
حمزه هطلع ارد علي الموبيل وبالمره ابلغ ماما وحنين
تلا ماشي يا حبيبي
طلع حمزه
وقامت تلا حضرت لبسهم ف شنطه و لبست فستان طويل وبكم وشمرت الكم تلتين
وحطت ميك اب هادي وسيبت شعرها ولبست كوتشي
وفضلت قاعده مستنيه حمزه
دخل حمزه الاوضه
تلا انا خلصت يا زومه
وكمان حضرتلك لبس اهو
خد دش وغير ويلا بينا
حمزه توته معلش
ممكن نأجل اسفر ده يومين بس
تلا بزعل ليه بس
حمزه عشان خطړي
علي الاقل اكون رتبت الدنيا هنا في البيت وفي الشركه
تلا بزعل خلاص اوك ال انت تشوفو
حمزه باسها من غير زعل
تلا ب ابتسامه مقدرش ازعل منك اصلا
حمزه ربنا يخليكي ليا يا حبيبتي
تلا ويخليك ليا يا حبيبي
وعدي اليوم
وتلا كانت مدايقه لكن ماكنتش يتخب تبين ده لحمزه
وتاني يوم صحيو من النوم ولبس
تلا انا خلصت ولسه بدري علي الشركه تعالي نفطر برا ممكن
حمزه ما بلاش بره يا تلا
ما انتي عارفه يا حبيبتي
تلا عارفه ايه
حمزه اني بقرف
تلا طيب يا حمزه خلاص
حمزه تلا
بجد مش بعرف اكل بره
ارجوكي متضيقيش
تلا خلاص يا حبيبي والله مش زعلانه نفطر هنا
حمزه ماشي يا حبيبتي يلا
تلا يلا
وخدت شنطتها وطلعو فطرو وطبعا لا يخلوا الفطار من رخامة ريهام وكلام العمه
وخلصو فطار وراحو الشركه مع بعض وكانو قاعدين في المكتب بيتكلموا في الصفقه الجديده
تلا
كانت سرحانه
حمزه توته
سرحانه في ايه يا حبيبتي
تلا عارف ايه احسن حاجه هتحصل يا حمزه
حمزه ايه يا حبي
تلا بص هي مش حاجه واحده هي حاجات
اولا انا مش هاجي الشركه الا قليل ف هرتاح بقا
ثانيا الشركه ف ايدك ف واثقه انها هتكسب مش هتخسر ثالثا هنسافر ونبقي بعيد عن عمتك حبه
حمزه
تصدقي فعلا ليكي حق تنبسطي
بقي بتتجوزيني عشان تضحكي عليا
في الاول تسرقي قلبي وبعد كده تسرقي عقلي
وانا الي كنت فكرك طيبه
تلا قامت وراحت قعدت علي المكتب جمب الكرسي بتاعة
وقربت منو شويه
تلا عندك مانع يا قلبي
حمزه اقدر انطق
تلا ايوا ش......
والباب خبط
تلا قامت قعدت مكانها
تلا ادخل
دخلت سهام
سهام الاستاذ علي اسعد بيه وعم حضرتك برا
اقولهم ايه
حمزه قوليلهم يتفضلوا
تلا اوف ناقصاهم هي
دهل عمها ومعاه علي
عمها ب استغراب سلام عليكم
ايه دا حمزه بيه
مش قولتي يا تلا انو بيشتغل برا
تلا لا ما هو حمزه مش هيسافر وهيقعد معايا هنا علي طول
حمزه اهلا وسهلا يا أسعد بيه
اتفضل
عمها قعد هو وعلي
حمزه خير يا اسعد بيه
اسعد احنا كنا عيزين نتكلم مع تلا في شغل يخص الشرمه كده
تلا اي حاجه تخص الشركه ممكن حضرتك تكلم فيها حمزه
اصله بقي شريكي في الشركه وانا سيباله كل حاجه
اسعد بغيظ بجد
مبروك عليكم الشړاكه الجديده
حمزه الله يبارك فيك يا أسعد بيه
علي بس غريبه يا تلا تثقي ف حد غريب مع ان انا ابن عمك وموثقتيش فيا
تلا ببرود اولا حمزه مش غريب ده جوزي
ثانيا بقا انا وانت عارفين كويس انكم عايزين فلوس بابا من زمان ف بلاش
حمزه ادايق بسبب مكلمة الحب الي قالتها تلا
حمزه خير ايه الشغل الجديد بتاع حضرتك يا أسعد بيه
أسعد لا بقي نبقي نخليخا وقت تاني
بعد اذنكم
تلا اتفضل
ومشي عمها وعلي وكانوا منغاظين
وحمزه كان قالب وشه
تلا مالك يا حبيبي
حمزه هو احنا مش اتفقنا ان تصرفتنا تتعدل يا تلا
تلا اة هو انا عملت ايه بس
حمزه طريقة كلامك مع عمك وابنه
تلا مالها بس المفروض اتعامل معاهم ازاي
ما انت عارف ال فيها
المفروض اطبطب عليهم يعنيي
حمزه ومن الزوق ان طول ما انا موجود وطول ما هما متطولوش متتعمليش معاهم الا بكل زوق
تلا اسفه
حمزه
متابعة القراءة
