رواية حب عمري
البارت الأول
بإحدى الدول العربيه جرت على فونها والذي اعلن عن مكالمة فكم يشتاق قلبها الي سماع تلك المكالمة
فتحت الخط بسرعة لتستمع الي صوته الذي لاتشتاق إلى شيئ سواه اليه هو خالد.
خالد بلهفةحبيبتي وحشتيني أوي يا امل
أمل إنت اللى وحشتنى اكتر عامل إيه ياحبيبي طمنى عليك
خالد تفتكري انا ممكن اعمل ايه و انتي بعيده عني
امل هانت يا خالد كلها كام يوم و نرجع ان شاء الله
خالد أنا تعبت من سفرية كل سنه دي انتوا تروحوا تنبسطوا و انا افضل هنا بټعذب لوحدي
أمل بعد الشړ عليك من العڈاب يا حبيبي و بعدين هو انت بس اللي بتكون متضايق طب مانت عارف ان امل لا يمكن تكون سعيده و لا مبسوطه غير وخالد جمبها
بس انت عارف يا خالد ان دي زيارة كل سنه اللي لازم نعملها لبابا عشان ميزعلش مننا
خالد عارف يا ستي بس اعملي حسابك بقى اني تعبت خلاص و لازم نرتبط انتي فاهمه
امل طب سنه كمان بس اكون اطمنت على أمنيه انت عارف ان السنه دي اخر سنه ليها في الجامعه
خالد
أمل عشان خاطري بقى خلاص يا خالد هانت و الله
خالد يا خۏفي لا بعد كده تقوليلي استنى يا خالد لما أمنيه تتخطب و بعدها استنى لما تتجوز و بعدها استنى لما اطمن انها خلفت
امل ههههههه لا اطمن يا حبيبي مش حقول كده خالص هي بس تخلص السنه اللي فاضلالها دي و انا وقتها اللي حقولك شبيك لبيك أمل حبيبتك بين ايديك و يا للا يا باشا اتفصل كلم بابا
خالد يا رب صبرني بقى عالسنه اللي فاضله دي احسن انا خلاص حجيب اخري و ربنا
امل حتجيب اخرك حتعمل ايه يعني عاوزة اعرف
خالد حروح اخطب واحده غيرك مثلا
امل خالد الكلام ده مفيهوش هزار انا ممكن اقبل منك أي حاجه إلا إنك تقول حاجه زي كده حتى لو بهزار
خالد امل انتي زعلتي
امل خالد انت حبيبي انا حبيب عمري ولا يمكن تكون لحد غيري انا انت مش من حق أي واحده في الدنيا دي غير امل و بس
خالد طب و اما انتي عارفه كده زعلانه ليه بقى امل اللي لازم تكوني واثقه منه كويس إني لا يمكن حكون مع حد غيرك في يوم من الأيام انا جيت للدنيا دي عشان واحده بس عشانك انتي امل انا عايش بتنفس هواكي انا قلبي عمره ما دق و لا حيدق لغيرك انتي يا حبيبتي انتي حب عمري كله اول قلبي ما دق كان ليكي انا حعيش و حموت و انا مبحبش حد غيرك
توعديني يا امل انك مش حتكوني لغيري مهما حصل و ان مفيش حاجه ممكن تفرق بيننا حتى المۏت نفسه
امل اوعدك يا خالد اوعدك اني عمري ما حكون لحد غيرك و مفيش حيساع قلبي غير يا اما قبري هو ده الوحيد اللي حيحرمني من أنا بحبك أوي يا خالد انا مش عاوزة حاجه من الدنيا دي كلها غيرك انت انت حلم عمري انت املي الوحيد يا بن خالي
خالد و انا مفيش واحده في الدنيا دي كلها ممكن قلبي يدقلها و اللا عيني تشوفها غيرك انتي يا بنت عمتي
امل حبيبي يا خالد ربنا يخليك لية يا حبيبي ان شاء الله لما نبقى مع بعض حعوضك عن كل سنين حرماننا من بعض
معلش يا خالد انا عارفه اني تعبتك معايا بس انت عارف أمنيه بالنسبه لي ايه أمنيه مش مجرد اختي اللي اصغر مني بخمس سنين لا امنيه دي بنتي حته مني روحي من يوم ما وعيت عالدنيا وهي انا اللي كنت باخد بالي منها و براعيها و طول فترة تعب ماما مكنتش برضى حد غيري و لما ماما ماټت بقت هي كل حياتي عارف يا خالد رغم ان تيته عايشه معانا بس انا مبطمنش عليها غير و هي معايا انا مبقدرش انام غير لما هي تنام الأول
خالد عارف كل ده و الله يا حبيبتي ربنا يخليكم لبعض قوليلي بقى طنط هدى عامله معاكم ايه انا بحسها كويسه
امل طنط هدى كويسه اوي و الله يا خالد شايلانا من عالأرض شيل مبسوطه بوجودنا اوي فرحانه بينا و عشان هي مجابتش من بابا غير أحمد و كان نفسها فبنت فمش عاوزة اقولك طول مااحنا هنا فسح و خروجات و هدايا و فوق كل ده بتعاملنا احسن معامله و كل شويه تتحايل علينا نفضل هنا معاهم و منرجعش مصر
خالد إيه تفضلوا معاهم لا لا دي كده مش كويسه خالص
أمل هههههههه
انت عارف يا خالد ان بابا طول عمره شغله هنا و ايام ما ماما كانت عايشه كان بينزل مصر إجازات و اوقات كنا احنا بنجيله هنا و بعد ما ماما ماټت بفتره قال لتيته انه حيتجوز و ياخدنا نعيش معاه لكن تيته وقتها اتحايلت عليه انه يسيبنا معاها لأننا الحاجه اللي فاضلالها من ريحة ماما و بابا مرضاش يزعلها لكن و الله يا خالد عمري ما حسيت انه بعيد عننا او نسينا او مش فباله بالعكس دايما قريب مننا و معانا و لما بقينا نجيله هنا في الإجازات صراحه لقينا مراته اللي اتجوزها بتعاملنا زي بناتها و دايما بتقربنا من اخونا و مع انه أصغر مننا بكتير لكن كل ما نخرج معاه تفضل تقولله خللي بالك من اخواتك انت المسئول عنهم صراحه انا مبحسش انها مراة الأب اللي دايما بيحكوا عنها انها الشريره لا و الله خالص
خالد ده من حظ خالي و الله و من حظكم خالي طول عمره حنين و طيب و اكيد ربنا عوضه خير
بقولك ايه هو اسبوع و تكوني هنا انتي فاهمه انا خلاص مش قادر استحمل بعدك عني اكتر من كده
امل ههههههه وربنا انت مچنون
خالد مچنون بحبك يا املي
تفيق أمل من تلك الذكريات و التي لم يمر عليها الكثير من الوقت فقد كانت منذ عهد قريب تجد نفسها تفيق منها و هي تنتبه على تلك الدمعات التي تنحدر من عيونها
تزيل عبراتها قبل أن ينتبه عليها أحد فهي لم تعد تطيق سماع اي كلمه إليها تشعرها بالشفقه و العطف على حالها
تعود مرة ثانيه للنظر إلى ذاك الكمبيوتر الخاص بها لتقوم بما عليها من أمور تخص عملها
يمر عليها الوقت و هي تحاول ان تنهي عملها تمسح دموع عينيها ما بين الحين و الآخر تحاول ان تمنع نفسها من التفكير به و لكن دون
جدوى تحاول أن تشغل نفسها تحاول أن تسكت صوته الذي يهتف باذنها و لكن دون فائده فمهما حاولت ان تنسى مهما جاهدت نفسها ان تعيش الواقع و تمحي من ذاكرتها ذاك الأمر لا تستطيع ليس بقدرتها ان تنسى حب عمرها
تترك الكمبيوتر لتضع اصابعها في اذانها و تحدث نفسها و هي تبكي بس بقى اسكت مش قادرة بقى مش قادره
تفتح الباب و تدخل عليها فتراها بتلك الهيئه يرق قلبها لها و يصعب عليها حالها تأخذها فتبادلها امل ذلك الذي تنعم بالطمانينه بداخله فكم احتواها و واساها في محنتها
تطبطب على ظهرها و تحدثها بكلمات بسيطه لعلها تعود لرشدها و ترضى بما رضته لنفسها و بعدين بقى يا امل كده مينفعش يا حبيبتي حرام عليكي نفسك بقى انتي مش شايفه شكلك بقى عامل ازاي هو احنا مش اتكلمنا كتير مع بعض و انتي كل مرة توعديني انك حتبقي كويسه و بردو ترجعي تاني لنفس الحاله طب لحد امتى بس يا حبيبتي
امل مش عارفه يا طنط و الله ما عارفه انا اسفه حقك علية تعبتك معايا بس ڠصب عني و الله مش بأيدي كل ما اخد القرار و اقنع نفسي اني لازم انسى مقدرش مقدرش
هدى و هي بتمسح لها دموعها انتي ايه اللي بتقوليه ده يا امل هو انا مش زي ماما و احنا صحاب و بعدين ما نا بشتكيلك اوقات من باباكي بتزهقي مني بقى انتي كمان
امل لا و الله ما بزهق منك خالص بالعكس و الله يا طنط هدى ده حضرتك اللي مصبراني عالقعده هنا و الله لولا حضرتك انا عمري ما كنت حفكر اني اسيب مصر و اجي اعيش هنا علطول
هدى طب بقولك ايه بقى في فيلم نازل جديد في السينيما بيقولوا حلو اوي ايه رأيك تيجي انا و انتي ننزل نشوفه و بعد كده نتعشى في اي مكان و نشتري شوية حاجات و نرجع هاه ايه رايك
امل هو بابا لسه مجاش
هدى بابا جه من بدري يا حبيبتي و كالعاده اكل و صللى و دخل اخد السرير و حبقى اشوفه عليكي بخير بقى بكرة الصبح ان شاء الله
امل و احمد فين
هدى احمد مع أصحابه يا اموله و جاي كمان شويه
بقولك ايه يا للا بقى متاخريناش عاوزين نلحق الحفله من اولها
امل حاضر يا طنط
هدى حبيبة قلبي انا
بعد مرور ساعه امل و هدى كانوا في السينما و لسه الحفله ما بدأتش و كان في اغاني فيديو كليب شغاله لحد ما الحفله تبتدي و جت اغنيه مكنش وقتها خالص
كانت اغنيه للمطربه يارا بتقول فيها
انا سيبتك و انت مني ندمانه للنهارده لو حتى ڠصب عني مكنش لازم ارضى انا بطمن عليك و انا من بعيد لبعيد بخاف لو رحت ليك الاقيك حبيت جديد مش من حقي العتاب مانا سيبتك للعذاب لكن ربي اللي عالم اخلاصي و حبي ليك
انا حبعد عنك و انا وياك قلبي حتحمل تعبي بعدك الله يعينني لو صدفه قابلتك صبرني يا ربي ليبان لك حبي و انت قريب مني
حاولت انا اداري حبك و اضحك على روحي و انسى صورتك ماغابتش عني شيلاك فقلبي لسه الليل علية طال و انا بسأل نفسي ليه بخبي حنيني ليك و لا يوم بقدر عليه يمكن جنيت عليك لكن انت الله يجازيك
خلتني اعيش عمري عشان اعيشه ليك
تنتهي الاغنيه و تبدأ أحداث الفيلم و تسيبه
امل و ترجع لذكرياتها مرة
تانيه تفتكر بعد ما قفلت مع خالد التليفون و هي الدنيا مش سايعاها من الفرحه تروح أوضة اختها عشان تطمن عليها تلاقيها نايمه ترفع عليها الغطا و تنتبه على المفكره اللي جمبها عالمخده امل و تفتحها تلاقي فيها من الكلمات الجميله ما يدل على أن اختها بتحب لاء دي مش بتحب بس دي عاشقه
تقعد امل على حافة الفراش و تتصفح اللي في المفكره خۏفها على اختها اجبرها على أنها لازم تعرف هي بتحب مين و عرفته امتى و ازاي و ليه مقليتلهاش مع انها مبتخبيش عنها حاجه
كم احببتك و عشقتك منذ نعومة اظافري كم رأيتك فارس أحلامي الذي تملكني هواه و طغى على قلبي عشقه
صفحه أخرى مكتوب بها
يالك من اجدب كيف لا تراني مثلما أراك كيف لا تعشقني و قد تملك قلبي هواك
صفحه أخرى
اانت قدري ام قدري عڈاب هواك فيا يارب ان كان لي فيه نصيبا فعجله لي قبل أن ينتهي عمري و تنتهي دنياي
اخذت تتصفح صفحه بعد أخرى و هي تؤنب نفسها كيف لها ألا تشعر بتلك المشاعر التي تحتل قلب اختها و التي هي بمثابة ابنتها كيف لها ان تكن اختها بداخلها كل ذاك الحب و هي في عالمها الذي تعيشه مع خالد غير منتبهه على تلك المسكينه التي ليس لها سواها في تلك الحياه
اكنت انانيه لتلك الدرجه حتى تحب اختي و تعشق دون علم مني الهذا الحد لم انتبه لك يا ابنتي الصغيره لا و الله فلن ادعك تشعري باليتم و انا مازلت على قيد الحياة
تطوي تلك الصفحات و تضعها إلى جانبها مرة أخرى حتى لا تتضايق اختها من انها عرفت ما بداخلها قبل الإفصاح لها و لكنها قررت بينها و بين نفسها انها لابد من ان تنتبه لها حتى تفهم كل شئ
تمر الأيام و تحاول امل ان تلمح لأمنيه عن الحب و المشاعر التي تطغى على كل من حالفه القدر بأن يكون عاشقا او معشوقا و لكنها لم تجد من اختها سوى الصمت التام
اذن هل ما رايته كان مجرد كلمات كتبتها على الورق فقط دون ان تكن تعني لها أي شئ فلانتظر و سوف يأتي الوقت الذي اعلم فيه كل شيء
تنتبه امل على صوت زوجة ابيها التي تتحدث إليها لتعيدها من ذكرياتها التي احتلت كل كيانها هههههههه هههههههه مش ممكن يا امل الممثل ده دمه زي العسل ملهوش حل بيموتني من الضحك
الله مالك يا حبيبتي هو الفيلم مش عاجبك
امل إيه لا يا طنط ده حتى حلو اوي
هدى ده انتي
امل ماشي
هدى ياللا بينا
يروحوا يقعدوا في مطعم و يطلبوا اكل و هدى تحاول تتكلم و تحكي موضوعات كتير عشان تخرج امل من حالتها و أمل بتحاول تسمعها و ترد عليها عشان متشيلهاش همها اكتر من كده
لكن ده ميعديش على هدى و برغم انها شايفاها بتتكلم و بتضحك لكن هيا فاهمه كويس انها بتعمل كده عشان متضايقهاش و انها بتمثل مش اكتر
تسيب هدى المعلقه من ايدها و تكلمها امل مش ناويه ترتبطي بقى يا حبيبتي و تفرحينا بيكي
امل ارتبط
هدى ايوة طبعا ترتبطي العمر بيجري يا امل و باباكي نفسه يفرح بيكي و يطمن عليكي
امل بس انا مش عاوزة ارتبط يا طنط
هدى ليه يا
حبيبتي مش عاوزة ترتبطي منفسكيش تبقي زوجه و ام و تكون ليكي حياتك اللي تعيشيها و تفرحي بيها زي اي بنت في الدنيا
امل أكيد نفسي يا طنط بس مش حينفع
و حضرتك عارفه السبب من غير اقول
هدى مفيش حاجه اسمها مش حينفع في حاجه اسمها نقطه و من اول السطر انتي خدتي قرار و لازم تكوني اده و لازم تنسي و تفتحى قلبك للدنيا من تاني و تبدئي حياة جديده و ان شاء الله ربنا حيعوض عليكي بالحب االي تتمنيه
امل و هو اوديه فين يا طنط
هدى حيروح مع الوقت صدقيني يوم ما تلاقي اللي يحبك و يصون قلبك حتنسيه و يوم ما يبقى عندك ولاد مش حتلاقي وقت تفكري في اي حاجه تانيه خصوصا لو ربنا ابتلاكي بواد زي احمد اخوكي اصلا هو حيكون كفيل انه يكرهك في الدنيا كلها
امل هههههههه هههههههه
هدى هههههههه ايوة كده يا امل عاوزة اشوف ضحتك الحلوة اللي بقالي كتير مبشوفهاش امل إياد زميلك في الشغل ابن حلال اوي و اهله ناس محترمين بيحبك اوي و كلم باباكي اكتر من مرة عشان يتقدملك هاه ايه رايك
امل
هدى عشان خاطري يا امل اديه و ادي لنفسك فرصه يمكن تلاقي معاه الحب الجديد اللي ينسيكي حب قديم
امل تفتكري يا طنط ممكن انسى
هدى حتنسي ان شاء الله حتنسي يا حبيبتي
هاه ايه رأيك آقول لبابا يقولله ييجي هو و اهله بكره
امل كده علطول
هدى علطول إيه بس يا اموله ده الولد بقاله اكتر من سنه متشحتف عليكي
امل اللي تشوفيه يا طنط
هدى انا اللي شايفاه احلى و اجمل عروسه في الدنيا كلها
يرجعوا البيت و تدخل امل غرفتها و تدخل البلكونه و ڠصب عنها تفتكر اللي حصل بعد كده
خلاص يا حبايبي حتسافروا
امل ماهي الاجازة خلصت يا بابا لازم نرجع عشان جامعة امنيه
امنيه خلاص يا بابا اخيرا اخر سنه لية في الجامعه انا مش مصدقه نفسي
باباهم ان شاء الله تخلص على خير ابقوا سلمولي على جدتكم
امل حاضر يا بابا
احمد طيب بما انكم خلاص راجعين مصر فإحنا بقى لازم نسهر مع بعض فاي مكان
باباهم و السهره دي حتكون على حساب مين يا سي احمد
أحمد على حساب حضرتك طبعا يا بابا
كلهم يضحكوا و فعلا يطلعوا يسهروا كلهم و تاني يوم ياخدهم باباهم و هدى و يروحوا بوصلوهم المطار
كانت امل مشتاقه للحظه اللي اخيرا حتشوف فيها خالد مش مصدقه انها حتقابله خلاص بقالها تلت شهور محرومه منه قلبها بيدق جامد اوي
اول ما خرجوا من المطار لقته في استقبالهم جرى عليهم و سلم عليهم و عيونه متعلقه بعيونها
الف حمد لله على سلامتكم
امل الله يسلمك يا خالد
امنيه ازيك يا خالد وحشتني اوي
خالد انتوا كمان وحشتوني اوي يا موني
ياخدهم في عربيته و يوصلهم لجدتهم اللي كانت تعبانه ومش قادرة تتكلم
تيته يا حبيبتي مالك الف سلامه عليكي يا تيته
جدتها أنا بخير يا حبيبتي اطمني
امل اطمن ازاي مالك يا تيته مالها تيته يا خالد
خالد تيته تعبانه بقالها يومين يا امل و بابا حاول ياخدها عندنا و هي مرضتش ابدا و قالت مش حتمشي من هنا
امل و متقولليش يا خالد
جدتها انا اللي حلفته ميقولكيش يا حبيبتي و بعدين انا الحمد لله بقيت احسن و الله
امنيه الف سلامه عليكي يا تيته يا حبيبتي
جدتها الله يسلمك يا امنيه يا حبيبتي
مر الوقت و جدتهم صحتها كل يوم أصعب من اليوم اللي قبله و خالد و باباه مكنوش سايبينهم لحظه طول الوقت معاهم لحد ما بدأت صحتها رجعت تتحسن تاني
تجري تفتحله الباب خالد
خالد امنيه ازيك يا موني تيته عامله ايه النهارده يا امنيه
امنيه تيته كويسه الحمد بقت احسن بكتير من الاول
خالد امل لسه مرجعتش من الشغل
امنيه لاء لسه يا خالد تعالى ادخل تيته صاحيه جوة
يدخل خالد لجدته و امنيه تروح تعمله حاجه يشربها
و خالد قاعد مع جدته بيتكلموا سوا
جدته يااه يا خالد ياما نفسي افرح بيك انت و امل قبل ما اقابل وجه كريم
خالد ألف بعد الشړ عنك يا تيته ان شاء الله حتفرحي بينا و تشوفي ولادنا يا حبيبتي
الجده يارب يا حبيبي
تيجي امنيه و هي شايله الصينيه على كلام جدتها لخالد و تسمعها و هي بتكلمه
انا طول عمري كل املى في الدنيا اني اشوفك انت و امل في الكوشه يا حبيبي
متحسش امنيه غير و الصينيه بتقع من ايدها و الكوبيات بتتكسر
البارت الثاني
في ايه يا امنيه ايه اللي حصل يا حبيبتي
أمنيه و هي تنظر ليها بأعين دامعه مفيش حاجه يا امل اطمني انا كويسه يا حبيبتي هي بس الصينيه وقعت من ايدي ڠصب عني
أمل ألف سلامة عليكي يا حبيبتي ان شالله كنت انا و انتي لاء يا حبيبة قلبي
امنيه بعد الشړ عليكي يا امل ربنا يخليكي
امل مالك يا امنيه انتي فيكي حاجه حصلت حاجه ضايقتك
امنيه حاجه لاء طبعا حاجة ايه لا مفيش حاجة و الله انا كويسه
امل بخضه عليها امنيه مالك يا امنيه انتي تعبانه حبيبتي انتي بتعرقي جامد و جسمك دافي يا أمنيه
امنيه و هي حاسه انها تعبانه امل الحقيني يا ا
متحسش امل باختها غير و هي بيغمى عليها تحاول تفوقها و هي متوترة و تتصل على خالد يجيبلها دكتور بسرعه و ييجي
الدكتور بعد ما كشف عليها متقلقوش ان شاء الله خير بس هي محتاجه تروح لدكتور قلب ضروري
امل قلب ليه يا دكتور هي اختي مالها فيها ايه
الدكتور ان شاء الله ميكونش في حاجه وحشه بس لازم تروحوا عشان نطمن ان القلب كويس
خالد ياخد الدكتور و يخرج يرجع لها يلاقيها مڼهاره إيه يا امل في ايه بس يا حبيبتي
امل مسمعتش الدكتور قال ايه الدكتور بيقول دكتور قلب ليه اختي مالها اختي فيها ايه يا خالد
خالد ان شاء الله يكون خير يا حبيبتي اهدي بقى عشان خاطري انا ححجز لها عند دكتور كويس و نروحله و ان شاء الله حتبقى بخير
امل و هي پتبكي يارب يا خالد يارب
امل طمني يا دكتور الله يخليك
الدكتور هي اختك مشتكتش قبل كده من تعب لما بتقوم بمجهود
امل مجهود لاء خالص بالعكس امنيه طول عمرها نشيطه و مبتقعدش أصلا و حركتها كتيرة
الدكتور بتلعب رياضه
امل لاء أمنيه ملهاش في الرياضه
هي مالها يا دكتور فيها إيه أختي
الدكتور عضلة القلب ضعيفه
امل عضلة القلب ضعيفه معناه ايه الكلام ده يعني حضرتك عاوز تقول إن أختي عندها القلب أختي انا أمنيه قلبها تعبان ازاي و امتى ده حصل
ازاي قلبها يكون تعبان و انا مش حسه ازاي
الدكتور قولي ازاي قلبها يكون تعبان و هي مش حسه
امل و ده معناه
ايه يا دكتور
الدكتور معناه
ان ممكن يكون التعب ده عندها من وقت قريب مش من بعيد بس واضح انها كانت متعايشه معاه بدليل انها مشتكتش من حاجه
امل طب ايه اللي خلاها تتعب دلوقتي و يبان عليها التعب
الدكتور ممكن مجهود فوق طاقتها
امل مجهود بس أمنيه معملتش اي مجهود يخليها تتعب
الدكتور المجهود
مش شرط يكون مجهود عضلي ممكن يكون مجهود ذهني او يكون فرح شديد او حزن شديد و ده اللي تعبها
امل طب هو المفروض نعمل لها عمليه و اللا حتاخد علاج و اللا الوضع حيكون ازاي دلوقتي
الدكتور مفيش عمليه لحالتها حتاخد علاج يساعد القلب يضخ بشكل أفضل عشان عضلة القلب متضعفش اكتر من كده و يحافظ على صحة القلب بوضعها الحالي
تخرج امل من عند الدكتور و هي مڼهاره و خالد بيحاول يهديها لكن من غير فايده مينفعش اللي عاملاه فنفسك ده يا حبيبتي
خالد مش قادره أصدق و لا استوعب اللي سمعته ده طب انا اعمل ايه دلوقتي اتعامل معاها ازاي اعاملها بأي معامله عشان تبقى صحتها كويسه و ميحصلهاش اي مضاعفات
خالد اللي انا شايفه انك تحاولي تتعاملي معاها بشكل طبيعي جدا و كأن مفيش حاجه حصلت لازم متحسسيهاش انها مريضه عشان نفسيتها متتاثرش يا امل
امل طب انا المفروض اقولها و اللا مقللهاش
خالد ازاي متقوليلهاش و المفروض ان في علاج حتاخده بصفه مستمرة امنيه لازم تكون عارفه حالتها عشان تحافظ على نفسها من اي إجهاد و تفضل كويسه
امل يا ترى ايه اللي حصل خلاها تزعل يا حبيبتي و يحصللها اللي حصل ده
خالد انت كنت موجود في البيت و انا برة هو حصل حاجه حد زعلها فحاجه
خالد لا و الله ما حصل حاجه يا امل انا كنت قاعد بتكلم مع تيته و فجأة سمعت صوت الكوبايات و هي بتقع و عملتلها الاسعافات الاوليه و بعد كده روحت و هي مقالتش حاجه خالص
امل يارب اشفيهالي يا رب انت العالم أمنيه عندي ايه يارب انا ممكن استحمل اي وجيعه في الدنيا إلا اني اتوجع في اختي مستعده ارضى بأي ابتلاء الا ان ابتلي فيها
يا ترى انتي حسه بإيه دلوقتي يا حبيبتي يا ترى قلبك حاسس بوجعه عامله ايه دلوقتي يا أمنية
انا الحمد لله بخير يا اموله و النونو بخير كمان
امل بجد يا حبيبتي يعني الدكتور طمنك انكم انتم الاتنين كويسين
أمنيه أيوة و الله يا امل و حياتي عندك متقلقيش علية انا كويسه و الله و على فكرة انا حجيب بنوته
امل بفرحه بنت
امنيه ايوة الدكتور قاللي النهارده اني حجيب بنوته حظري بقى حسميها ايه
امل حتسميها ايه يا حبيبتي
أمنيه امل حسميها امل
امل يا حبيبتي يا امنيه ربنا يخليكي لية يا حبيبتي يارب و يقومك لية و لأمل بالف سلامه
امنيه اوعي تكوني مبتاخديش العلاج بتاعك يا حبيبتي
أمنيه باخده و الله يا اموله اطمني خالد بيديهولي بنفسه
تبتلع امل غصه في حلقها ربنا يخليكم لبعض يا حبيبتي و يفرحكم ببنوتتكم يارب
تقفل معاها السكه و هي بتدعيلها يارب اقف معاها و كملها حملها على خير و قومها بالسلامه يارب
دوامة ذكريات محاوطاها مش قادرة تنساها لحظه عايشه معاها يوم بيوم بتحاول تتخطاها و تعيش الحاضر لكن ڠصب عنها بتلاقي نفسها جواها و كأنها لسه بتحصل دلوقتي ادام عينيها
تدخل من البلكونه و تحاول تغمض عينيها و تنام
في اليوم التالي
تدخل عليها اوضتها و هي بتلبس بسم الله ماشاء الله قمر يا حبيبتي
امل يا حبيبتي يا طنط ربنا يخليكي ليا
هدى ربنا يفرح قلبك و يهنيكي يارب يا للا يا حبيبتي إياد و باباه و مامته برة
امل حاضر يا طنط
تخرج امل مع هدى و يقف إياد يستقبلها و يسلم عليها و الفرحه ماليه قلبه
تسلم عليه و تسلم على مامته اللي اول ما تشوفها بسم الله ماشاء الله قمر يا عروستنا
تبتسم امل لها و تشكرها و تسلم على باباه و تقعد جمب باباها
يتكلموا كلهم سوا
