رواية لا للطلاق كاملة

لما اكلمك صوتك ميعلاش يا زباله هاتنسي نفسك
مي اخدت نفس طويل وبصبر على الوجع انا صوتي معليش عايز ايه يا ياسر مش عايز اروح اتصل بأبويا وقوله ولا اوقولك انا اللي هاتصل بيه اقوله وقبل ما تمسك التليفون اخده منها
ياسر بغضب والله عال يا بنت الكلب بتهدديني بدئت وصلت الضرب اليومي واخر ما تعب سابها ومشي مي قامت بدموع وكسره اتعودت عليهم طول تسع سنين اخدوا من عمرها كتيييييير اوي خدوا من عمرها كسره ووجع وضرب لحد أمته هاتفضل كده عمرها ما كانت مكسوره عمرها ما كانت ضعيفه عمرها ما كانت مستسلمه طول عمرها دلوعه ابوها ليه أبوها سايبها مكسوره ليه قابل بإهانتها وكسرة روحها وكرامتها قامت ومسحت دموعها وحلفت لتقوي وتتحدى الكل حتي أبوها حتى جوزها اللي شايف ان اهلها رموها ليه بالبخس لبست ولبست بناتها ونزلت ركبت توكتوك لبيت أهلها
اول ما وصلت كان في استقبالها أمها
مايسه اتأخرت ليه يا ميوش
مي بسخريه رفعت النقاب وباين وشها الأزرق كنت باخد نصيبي من الضرب قبل ما اجي 
مايسه بشهقه حصل ايه تاني انتوا لحقتوا 
مي بوجع وهو كان أمته بطل عشان نلحق ها عشر سنين شيفاني في عذاب أمته اتكلمتي عشان ايه عشان مرتات أعمامي ميشمتوش فيكي طيب والله كتر خيرك فضلتيهم على بنتك عارفه انا لو كنت بنت ضرتك كنت شفقي عليا من كتر الضرب اللي باخده عارفه يا أمي أنا اخري هاموت في ايد ياسر في مره من المرات ياترى ساعتها هاتحزني ولا هاتقولي ياريت اللي جرا ما كان 
مايسه بصتلها بذهول وسكتت ومي اتحركت ودخلت اوضتها
مي دخلت واترمت على سريرها تبكي بحرقه في الوقت داه رن تليفونها بصت فيه وردت ايوه يا بابا 
مصطفي انتي فين يا نور عين ابوكي فضلت مستنيكي لما اتأخرت روحت اطل على الفراشه والصيوان 
مي بوجع انا في البيت انا محتجاك اوي يا بابا
مصطفي بقلق مالك يا ضي عيني فيكي ايه قلبي متوغوش عليكي
مي بدموع خانتها بجد قلبك حس بيا دلوقتي ليه محسش بيا السنين اللي فاتت دي كلها
مصطفي بترقب ايه اللي حصل ياسر زعلك
مي بسخريه زعلني لا تعالي بنفسك وشوف 
مايسه كانت هاتدخل الاوضه لبنتها تفهم فيها إيه وقبل ما تفتح الباب سمعت كلامها مع ابوها طلعت جري على اوضتها جابت التليفون ورنت على 
مايسه بخوف ايوه يا ياسر تعالي بسرعه خد مي وهديها وصالحها في بيتك قبل ما تقول لابوها انتا عارف اني مداريه عليه من سنين ولو شم خبر هايبقى عليك وعلى اهلك يا رحمن يا رحيم لم الدور وبطل مد ايدك عليها مش معني اني سكتلك انك تسوق فيها والا والله العظيم انا اللي هاقول لابوها كل حاجه من اول الجواز لحد دلوقتي واتحمل بقى
ياسر بخوف حاضر حاضر انا جاي مسافه الطريق بس انتي عطلي حمايا لحد ما اجي اخدها 
مايسه ماشي لما نشوف اخرها 
قفلت معاه واتصلت بجوزها
مايسه بقلق ايوه يا ابو محمود بقولك ايه انتا فين كده
مصطفي انا في العربيه قربت من البيت مي اتصلت بيها وصوتها عايط البت فيها إيه يا ام محمود
مايسه بتهرب ولا حاجه زي الفل شدت هي وجوزها شويه وهي مش واخده على كده 
مصطفي بزعيق ويزعل لبنتي ليه ملهاش رجاله ولا مقطوعه طيب والله لطلع ميتين ..... 
مايسه برعب طيب وحد الله بس داه انهارده حنه ابنك يا راجل وهو ما يقدرش يزعلها كلمتين ساعة زعل وهايروحوا لحالهم المهم عايزاك اعدي على السوق تجب .......... 
مصطفي هابعت حد يجيبهم 
مايسه بتسرع لالا هاتهم انتا عشان تعدي على الحلواني تستعجله يبعت الحلويات عشان الناس وتجيب الحاجه الساقعه عشان نلحق وقتنا ومي أهي موجوده مش هاتروح في حته شهل بس انتا 
مصطفي بقله حيله واستسلام ماشي يا أم محمود هاروح وخلي بالك من البت على ما أجي ويحلها الحلال واشوف البيه داه كمان بيزعقلها ليه واعرفه هي مين وبنت مين علشان شكله نسي نفسه وروحه الله في سماه لو زعلها تاني لطلع روحه في ايدي الا مي دي الغاليه نور عيني
مايسه بخوف طبعا طبعا يا اخويا متخافش دي بنتي انتا هاتوصيني عليها يلا ربنا معاك بالسلامه 
قفل محمود ودقايق وكان ياسر وصل فتحتله مايسه 
ياسر بخوف وهو عينه بتدور في البيت ها الدنيا تمام
مايسه بكزه سنان حماك عطلته على ما تاخد مراتك واسمع بقى الكلمتين دول خف على البت وحسك عينك تمد ايدك عليها تاني وإلا أنا يا ياسر اللي هاقول لابوها على عمايلك السوده خدها وطيب خاطرها 
ياسر بغل من جواه طبعا يا حماتي انا بو بقسي عليها عشان عايزها تحت طوعي ومش عايزها كل يوم والتاني علانه زسيرتنا تبقى لبانه في بق الخلق ومي كمان عصبيه ولسانها فالت وبترد الكلمه بألف وكمل بمكر حاوي وشر ابليس ومفيش راجل يقبل على كرامته مراته وتهزقه وتهينه 
قبل ما ترد كانت سنيه سابقه طبعا يا اخويا عداك العيب اكسر للبت ضلع يطلعلها اربعه وعشرين بس زي ما قولنا في المتداري ابوها حنبلي وروحه على طرف منخيره 
ياسر هز رأسه بطاعه مفتعله طيب ناديها بقى قبل ما ابوها ييجي 
مايسه وهي بتتحرك لاوضه بنتها ماشي ربنا يستر بقى
دخلت الأوضه شافت بنتها متكومه على روحها في السرير قلبها وجعها عليها بس اتمالكت روحها ونادت عليها مي يا مي
رفعت عنيها المورمه من العياط ووشها من الضرب خير في حاجه نسيتي تقوليها 
مايسه ابوكي اتصل بجوزك ييجي ياخدك علشان تحلي مشاكلكم بينكم وجوزك بره يلا البسي نقابك وروحي مع جوزك صفي الأمور 
مي بصدمه ايه بابا عمل كده 
مايسه بقلق ايوه يلا جوزك بره مستنيكي وبطلي لكاعه
مي بوجع مش رايحه واستني ابويا لما ييجي واسمع منه الكلام داه بنفسه
مايسه بخوف من موقف بنتها ومن الوقت اللي بيمر يلا يا بت ابوكي اللي لسه متصل بيا بنفسه هو مش فاضيلك ولا فاضي لدلعك الفاضي الليله ليلة اخوكي ومحدش فاضيلك انتي ومشاكلك ولا انتي قاصده ابوكي فرحه اخوكي وتكسريها 
مي بصدمه انتي بتقولي ايه قد كده انا رخيصه عندك 
مايسه بنفخه يووووه مش هانخلص من الموال المنيل بتاع كل يوم داه يلا يلا وشدت النقاب رمته عليها اللبسي ويلا 
مي بصالها وساكته والدموع نزلت من عنيها زي الشلال
مايسه بصتلها وغمضت عنيها ثواني وقربت منها مسكت النقاب وعدلته وشدت مي اللي حست وكأنها انفصلت عن الواقع وطلعت بيها الصاله وزقتها على جوزها
مايسه بحسم مراتك أهي حماك بيقولك صفي امورك بين حيطان بيتك يلا مع السلامة 
مي بصت لأمها بكسره وقربت منها وكأنها حاسه ان الوشوش مش هتتقابل تاني عمري مهسامحك ولو مت مش عايزاكي حتي تقفي على غسلي ولا حتي جوزك يدفني روحي ربنا مايسامحك على حق كسرتي انتي وجوزك وسابتها واتحركت مع جوزها بصمت
ياسر وهو بيشد مي من دراعها ماشي يا حماتي متخافيش خلي بس البنات معاكي واحنا اخر النهار هانكون عندك
خدها ونزل من بيت ابوها وقابله محمود اخوها
محمود بفرحه ميوش القمر حقي يا ناس فينك يا واطيه كده متسأليش على اخواتك يا بت
مي بصتله وعنيها ثابته عليه وكأنها بتحفظ ملامحه
محمود بإستغراب مالك يا مي فيكي ايه شارده كده ليه 
رد ياسر بسرعه معلش بقى يا ابو حميد مراتي وحشتني رايحين البيت ساعتين زمن 
محمود فهم قصد ياسر وابتسم ربنا يسعدكم حافظ عليها مي جوهره وهي عنينا كلها وحذاري تزعلها 
مي بصتله بصدمه وكانت لسه هاتنطق ياسر بسرعه متخافش يا محمود يلا بقى علشان مستعجلين 
وشد مي ونزل وسط صدمه مي من كلام اخوها ومن وسط خوف ياسر اللي ظهر في صوته من اخوها ونزل وركب بسرعه علشان يوصل بيته
وصل ياسر ومي لشقتهم......
يا تري ني هاتعمل ايه وياسر هايتغير ولا لاء 
يتبع
الفصل الثالث
وصل ياسر ومي لشقتهم وأول ما دخل فتح الباب وزق مي اللي مقدرتش تتمالك نفسها ووقعت على الأرض
ياسر وهو بيسكع الباب بعنف وعنيه كلها شرار عليها بقى انا يا بنت الكلب بتخوفيني بأبوكي اهو اول واحد اتصل وراكي زي الكلبه زيك زي كيس الزباله مالكيش تمن الكل ما بيصدق يخلص منه
مي بنظره كره اخرس كداب الخوف اللي شوفته في عنيك ورعشه صوتك وانتا بتتكلم مع محمود بتأكد انه في حاجه غلط واوعي تفتكر يا ياسر اني خايفه منك هزت رأسها بنفي تبقى غلطان اووووي لاء دانا انهارده بس اتأكدت ان ليا ضهر وضهر صلب يوم ما يحط عليك هايمحيك لان اللي زيك يخاف ميختشيش
ياسر بصدمه من جراءه مي وكلامها والقوه اللي في عنيها واتكلم بسخريه ضهر مين يا ام ضهر وريني ضهرك داه يابت
مي بنفس القوه ماشي انا هاتصل بمحمود واجيبه واجيب ابويا واشوف كلام مين اللي صح مسكت شنطتها وطلعت التليفون وقبل ما تفتحه وترن على حد ياسر شده منها بعنف ورماه على الأرض كسره
مي اتاكدت فعلا أن في حلقه مفقوده ايه خفت اتصل بيهم ليه عارف ليه لأنك جبان ياسر وكداب ومن النهارده انا مش هاسكتلك وحق السنين اللي ضاعت من عمري وشبابي على إيدك لدفعك تمنها غالي اوي ومي اللي كسرتها ماتت واللي قدامك دي مي بنت مصطفي الرشيدي اللي اتربت على ايد ابوها اضرب وكسر براحتك وانا هاعرف اجيب حقي منك متني ومتلت وادفعك فاتوره السنين اللي فاتت
ياسر وقف مبهوت والدم انسحب من وشه من قوة كلامها
مي بسخريه ايه خفت متخافش خاف من اخواتي ولما احط عيني في عين ابويا واعرف اصل الحكايه إيه وانا ياقاتل يا مقتول الليله دي وهاطلق منك وهاقدر اجبر كسرتي واعيش انا وبناتي بأمان يا ياسر وانتا هاتعيش طول عمرك تبص علينا من بعيد وتتحسر
ياسر بخوف عندك حق وهاتبقى مقتول يا مي قبل ما تفكري حتي تنطقي
وفي لحظه شيطان سحب الحزام ونزل ضرب فيها وصوت صراخها مسمع كل اللي حواليهم واللي تقريبا اتعودوا على كده كل يوم من سنين فمحدش أتدخل
مي من وسط المها بصتله بعنين بتلمع بالكره اضرب براحتك خلي حسابك يكمل لما اخواتي يشوفو كل داه وزياده على جسمي
ياسر اتصدم مش هاتلحقي يا مي سامعه مش هاتلحقي ومسك دماغها وفضل يخبط فيها في الأرض كذا مره ورا بعض
مصطفي خلص اللي وراه ورجع البيت بعد ساعه ونص كان تعبان من كتر المشاوير اترمي على الكنبه وغمض دقايق وفجاءه قلم منطور افتكر بنته اتحرك بسرعه على اوضتها فتح الباب واتلفت حواليه بسرعه ملقاش غير محمود ابنه بيلعب لين وليان
مصطفي بإستغراب بتعمل ايه يا إبني
محمود بلعب مع القمرات دول
قبل ما مصطفي يسأل
مايسه بقلق مالك يا ابو محمود
مصطفي اومال فين مي دانا خلصت اللي ورايا بسرعه بسرعه وجيت على مالا وشي عشان اشوفها صوتها مكانش مريحني
محمود بشك هي كلمتك يعني ولا إيه
مصطفي ايوه اتصلت بيا وكان منهاره وكنت جاي وأمك قالتلي على كام حاجه اظبطهم قبل ما الدنيا تليل والناس تيجي كفايه الهيصه اللي تحت
مايسه بسرعه جوزها جه واخدها واعتذر وخدها يراضيها
محمود ليه هو كان في بينهم زعل
مصطفي بص لمايسه منتظر يسمع اللي حصل
مايسه بقلب قرب يقف من الرعب داه بس كان شادد معاها والبيوت يا ما بيحصل فيها يا ابني
محمود وهو يزعلها بتاع ايه ليه عندها إيه اللي بينهم يعاملها بالمعروف وهي تعامله بما يرضي الله اختي وانا ادري الناس بيها طول عمرها طيبه ومتعىفش تزعل نمله يبقى ليه ملهاش رجاله ولا فاكرها مقطوعه
مايسه بمحاوله لكسب ودهم يا ابني متخافش داه ياسر بيتمنى لاختك الرضا ترضى
مصطفي مسك تليفونه يرن عليها
نزل التليفون بسرعه وهو قليه مقبوض
محمود خير يا حاج
مصطفي هز رأسه أختك تليفونها مقفول وقلبي متوغوش عليها
محمود بقلق مشابه انا كمان قلبي مشابه مرتاح وهي نازله جوزها كان بيقفل في الكلام وزي ما يكون مش عايزها يرد وخدها ونزل
مصطفي طيب يلا بينا نروح نشوف اختك فيها إيه
مايسه بسرعه يا حاج وحد الله قافله تليفونه يعني راجل وجاي يراضي مراته يبقى ايه وانتا ابو