رواية لا للطلاق كاملة

الفصل الأول 
في قريه ريفيه من القرى المصريه الاصيله تجلس جميلتنا بوجه ازرق مكدوم وورام تبكي بحرقه 
مي بإنهيار حرام عليكي دانا بنتك مبصعبش عليكي مش خايفه عليا يخبطني مره يجيب اجلي
مايسه بصوت عالي تلاقيكي عصبتيه قولنا ميت مره اسمعي واسكتي الكلام مبيلزقش والشتيمه مبتموتش بس انتي بتقفي تناطحي كلمه بكلمه
مي بذهول ودموع مغرقه وشها انتي بتقولي ايه من أمته وانا رديت عليه طول عمري بسمع واسكت واقول معلش واعدي انتي بتعملي فيا كده ليه انا بنتك ولا عدوتك عرفيني
مايسه بنفخه الراجل على حق مهما ان عمل وسدي حلقك بقي مش كل يوم والتاني جايه ومشيلاني همك
مي بدموع وكسره انتي أمي ولا أمه بتدافعي عنه كده ليه كأنك مصدقتي تخلصي مني ايه مبصعبش عليكي انا هاقول لأبويا ومش هاسمع كلامك تاني 
سنيه قامت من على الكنبه ومسكتها من شعرها من تحت الحجاب في ايه يابت اتفرعنتي وفجرتي محدش بقى قادر عليكي فيها إيه يابت لما جوزك فش خلقه فيكي بقلمين يا اختي هو انتي اول من اضرب ولا آخرهم ماكلنا اتضربنا محدش مننا لا اتغبن ولا نطق كنا بنبوس الأيادي ونحمد ربنا عايزه ايه يابنت مصطفي عايزه تتطلقي وتجيبلنا العار والفضيحه 
مي بإنهيار يا ستي حرام عليكي طول عمرك بتكرهيني من يوم ما وعيت على الدنيا ملقتش حنين غير ابويا وامي اللي من بعد جوازي كأني عدوتها وكل كلمه تقولي ولا نفس عايزه الناس تشمت فيا عايزه مرات عمك تقول بناتها عمروا وبنتي معمرتش بقى اللي فارق معاكم كلام الناس وانا اولع اتفلق مش مهم
سنيه احنا عايشين وسط الناس محناش عايشين لوحدنا في الدنيا 
مي ملعون ابو الناس اللي تخليكم لا ترحموا عبد ولا تخافوا رب بقى كل خوفكم من كلام الناس الناس بتتكلم في كل وقت وعلى كل الناس بيتكلموا على بعض من قدامهم ومن وراهم الطيب والمحترم والساحل والوادي محدش سلم من لسان الناس ارحموني الرحمه بقى ارحموا من في الأرض ليرحمكم من في السماء 
سنيه بجبروت وفيها ايه مكلنا عشنا ايه انتي احسن مني ولا من امك
مي بإبتسامه سخريه مين دول ابويا اللي بيتمنى الرضا لأمي ترضى ولا سيدي الله يرحمه اللي كان عامله تاج فوق روس الكل ليه عايزيني اعيش مكسوره ومطاطيه راسي
سنيه بصت لمايسه اللي كنت على أسنانها بغيظ انتي كنتي عيله متوعيش ابوكي اول الجواز كان ولا ابليس وكملت بوجع مصطنع يالهوووي يالهوووي على تالي كان بيعمله فيا طيب اسألي ستك تقولك كان بيننا العلقه من دول بكسر عضمي في لحمي وكنت اسكت واقول اهو ضل راجل ولا ضل حيطه وعشان تعيشوا تتربوا وكلام الناس زيي السكاكين بيقطع في الجسم 
مي بصت لأمها بوجع وميلت رأسها في الأرض ودموعها غلبتها
مايسه لما حست بهدوء بنتها كملت بمكر يا بنتي انا بوعيكي لمصلحتك طيب فرضنا

انا شجعتك واطلقتي مصيرك ايه 
مي بصتلها واتكملت بصوت محشرج هاعيش واربي بناتي ومش عايزه من الدنيا حاجه غيرهم
مايسه بغضب داخلي ولكن اتحكمت فيه هاتترهبني ولا هاتترهبي كلمه ونص الناس هاتقول اهو اتبطرت هلى جوزها ومحدش عبرها ولو قبلتي هتاخد واحد معاه اورطة عيال عايزه تربيهم وترمي عيالك وابوهم يجيبلهم مرات اب تسقيهم المر م
سنيه بمقاطعه وتعوجه بوق ةتمصمصه شفايف ايوه يا ام محمود على رأى المثل مرات الاب خدها يارب لو كانت حوريه من الجنه
مايسه بتأكيد عند حق يا حماتي والله وكملت بخ السم في ودان بنتها يبقى العقل ايه نكن ونسكت ونعيش البيوت ياما فيها ومبتخلص اصلك لسه صغار ومتوعيش على الدنيا بكره تشكريني
مي بوجع طيب نقول لأبويا يكلمه يبطل ضرب فسا حرام عليكم انا بني ادمه 
سنيه بفزعه ابوكي لا مش هاضيع راجل وعياله عشان مرا فاهمه يابت ويلا فزي خدي محريقك في ايديك وغوري على بيت جوزك من صباحيه ربنا عمالين نادي وندادي فيكي وانتي إيه وخليها حلقه في ودنك يابت البنات عندنا تطلع من بيت ابوها بالأبيض متدخلوش الا بالأبيض 
يعني يا عين أمك طلعتي من بيت ابني بفستان فرحك مترجعيش الا في كفنك يالا غوري نبحتي قلبي كتك وجع في قلبك ال با مخلفه البنات يا شايله الهم للممات يلا يابت على بيت جوزك وحسك عينك سامعه حسك عينك ابوكي يشم خبر منا مش هاضيع ابني ورجالته عشانك يا ام .......
مي بصت لأمها بكسره وهزت رأسها بوجع 
مايسه استني
مي بصتلها بفرحه 
مايسه ببرود هاوقفلك توكتوك 
مي بسخريه كتر خيرك متتعبش روحك روحي يا أما الله يسامحك 
وسابتهم ومشيت طول الطريق وهي تايهه وعقلها بيرجع كل اللي حصلها من اول الجواز 
فلاش باك 
ياسر بصوت عالي تصميم له الأذان اللي اقوله يتسمع سامعه يا بت ولا اعيده اصل ابوكي شكله دلعك ونسي يربيكي 
مي ببكاء انا عملت ايه لكل داه حرام عليك يا شيخ مبقلناش شهرين متجوزين ونازل بهدله فيا كل يوم خناقه شكل بتلكيك شكل انا تعبت اتجوزتني ليه 
مايسه ايوه يا ميوش عامله ايه يا عروسه 
مي بإنهيار ماما الحقيني هاتي بابا وتعالي عشان خاطري انا بموت
مايسه بخوف وقلق بصت على جوزها اللي في الحمام واتحركت من مكانها عشان ميسمعهاش في ايه يا مي مالك 
مي ياسر ضربي لما زرق جسمي قولي لبابا وتعالي
مايسه بخوف طيب أقبلي وانا جايه
قفلت مايسه وهي خايفه من جوزها اللي عنده مي نور عنيه دي بنته الوحيده على 5 صبيان 
مايسه استنت لما جوزها طلع بقولك ايه يا ابو محمود انا شويه كده واروح اطل على البت مي الا وحشتني 
مصطفي بترقب في حاجه حصلت ولا إيه 
متيسه بنفي لالالا يا اخويا سلامتك انتا عارف بقى دي البت الحيله وفراقها قاطع بيا اطمن عيني بشوفتها وجايه طوالي مسافه السكه 
مصطفي طيب تحبي اجي معاكي انا كده كده فاضي كنت هاريح جسمي ساعتين قبل ما اروح اشوف الشغل اللي المحجر
متيسه بقلق لا لا أرتاح انتا وانا ساعه زمن وجايه طوالي
مصطفي ماشي بس عدي على السوق خدي فاكهه وحلويات متخليش على البت بإيدك فاضيه لازم نكبرها قدام أهل جوزها 
مايسه بهزه راس اه طبعا من عنيا يلا انتا ادخل ريح جتتك شويه وانا هاخطف العبايه صد رد
دخل مصطفي يرتاح ولبست مايسه ونزلت جري 
سنيه خدت بالها من مايسه اللي طالعه جري ندهت عليها بعلو صوتها يأم محمود يا أم محمود 
مايسه بصبر خير يا حاجه
سنيه رايحه فين الساعه دي وسايبه جوزك لوحده وواخده في وشك زي القطر
مايسه رايحه لمي ياسر ضربها وانا مرضتش اقول لابوها الا لما اشوف ايه العباره الأول واعرفه ان بنتي متنضربش
سنيه بضيق طيب استني اللبس عبايتي وجايه معاكي نشوف الشملوله عكت ايه وهببت إيه 
لبست سنيه وطلعت وطول الطريق وهي بتشحن متيسه وتقوي قلبها على مي لحد ما وصولوا ورنت الجرس 
فتح ياسر اللي بصت لحامته بخوف لانه عارف حماه راجل شديد ومي عنده خط أحمر خير يا ماما خطوه عزيزه
مايسه فين بنتي
ياسر بقلق جوه اتفضلي
مي اول ما سمعت صوت أمها طلعت تجري وتوقعت ابوها معاهامي بإنهيار وهي مرميه في  أمها ماما شوفتي اللي حصلي
بصت متيسه لوش بنتها اللي وارم وجسمها وبصت لياسر وسكتت
سنيه طيب يا اختي دخلنا السلم والطريق قطعوا نفسنا
دخل الكل ومي بتبص على الباب مستنيه ابوها سندها 
مايسه ايه اللي حصل 
مي بإنهيار ضربني يا ماما عشان بقوله مش هانتقب كل يوم خناقه شكل وضرب شكل 
مايسه بصت لياسر تنقبها ليه معيوبه ولا معيوبه
ياسر والله يا حماتي انا راجل دكي حامي ومحدش حد يبص لمراتي وكمل كذب وقلب الكربيزه على مي وبنتك كل يوم التاني طالع البلكونه بهدوم عريانه والجيران تقف تبص وتترصص
مي بعيون مبرقه من كدبه كداب والله العظيم كداب انا بدخل البلكونه بالاسدال ومتغطيه من ضفر رجلي لشعر راسي انا اللي من يوم ما اتجوزته وكل يوم يهد فيا لما اللبس حلجه ماهناك لا شكلها وحش انتي حاسبه نفسك ست انتي مش عارفه ايه وتختم بإهانه ودلوقتي عايزني اتنقب زي مرات اخوه 
سنيه بسرعه وفيها ايه حقك تفرحي انه راجل دمه حامي ودمه حر بصي يا ابني مراتك ويحقلك تعمل ما بدالك الراجل مراته زي القبر وحشراته واكسر للبت ضلع يطلع اربعه وعشرين انا اللي بقولك اهو وبصت لمي بشده وانتي معدتي تشتكي ابوكي قال البت مادام راحت بيت جوزها يبقى خلاص مسؤله منه لحد ما تموت فهمتي يلا يا ام محمود همي بينا نطمن ابوها انها بخير وانه دلع بنات ونحكيله انه بنته عايزه تدور على حل شعرها 
ومشي الكل وساب مي مصدومه
ياسر بشر لما اتأكد أن الكل رمي مي في ناره مسك مي من شعرها بقى بتتصلي بأهلك بتشوفين يابت الكلب طيب اهو ابوكي وامك ورموكي وكمل ضرب فيها لما كسر ايدها واخد تليفونها منها واجرها تلبس النقاب وخلفت بنت والتانيه ومل خلفه كان يسم بدنها انها جابت بنت وكل داه وأبوها لا يعلم شيئ عن شيئ
ومرت السنين يا تري مصطفي هابعرف اللي بيحصل في بنته ولا لاء والقدر مخبي إيه تاني
الفصل الثاني 
مرت سنين ومي عايشه في ذل وأمها وجدتها كل يوم تشهد على عذاب بنتها وتسكت بحجه ان مش اول ست تتضرب والكلمه العقيمه في ذهن المجتمع عيشي
حتى لا تكوني مطلقه وكل داه في الخفا بعيد عن عين مصطفي اللي ميعرفش اي حاجه من اللي بيحصل لبنته طول السنين اللي فاتت كل زياره في وجود ابوها لازم يكون ياسر موجود واصبحت تخفي كل كدمه بالمكياج اللي أصبحت تتقنه حتة تخفي آثار الضرب ولما تيجي تتكلم أمها تقفل عليها في الكلام ومرت أيام وسنين وادي الحال مي راجعه تجر كسره جديده
نهايه الفلاش باك 
مسحت مي دمعه شارده وتلاها شلال خفاه النقاب عن العيون زي ما خفت كسرتها وضربها طول السنين اللي فاتت في روحها اخيرا وصلت البيت ودخلت 
ليان بطوله وبراءه مالك يا ماما
مي بإبتسامه وجع من روحها المكسوره مفيش يا قلبي يلا خدي لين ويلا غيروا هدومكم وعلى اوضتك على ما اجهز الأكل دخلت واتحركت كأنها إنسان الي فقد روحه تماما بتتحرك بكسره خلصت البيت والأكل واكلت بناتها وصل ياسر وبصوت عالي من على باب الشقه الأكل يا هانم هاتعملي عيانه ومكسحه يلا بدل ما اجي اكمل عليكي 
مي بدون صوت طلعت وحطت الأكل وسابته ودخلت المطبخ 
ياسر بسخريه وداه معناه ايه بتعملي لنفسك كرامه يعني 
مي بصتله وسكتت وقبل ما تتحرك 
ياسر بعصبيه مسكها من دراعها لما اكلمك تقفي زي الكلب لما سيده يخلص أمره انتي هنا زيك زي الخدامه تسمعي وتقولي حاضر وطيب ولا خلاص جتتك نحست من كتر الضرب وكمل بسخريه علشان يقضي على الباقي من روحها انتي ملكيش حد اهلك ورموكي رميه الكلاب ومصدقوا خلصوا منك يعني مهما اعمل فيكي محدش هايسمعلك ولا حتى ييجي يعاتب اخيييه مالكيش تمن بالمعنى الأصح 
مي بصتله بسخريه وسابته ومشت وأول ما دخلت الحمام دموعها المحبوسه نزلت تغسل روحها وتطيب عليها من كل وجع 
مرت الأيام واليوم يوم مميز يوم حنه محمود اخوها والكل فرحان 
مي وهي بتجهز البنات يلا يا لين متغلبنيش هاتي الفساتين بتاعتك وبتاع اختك
لين بغضب طفولي لذيذ يا مامي مش عايزه الفستان داه فستان ليان احسن
مي بإبتسامه وحنان امومي فستانك زي سندريلا شوفي جميل ازي يلا بقى انتي قمر في كل حالاتك يلا يا قمر علشان منتأخرش 
ياسر الله الله بتجهزي وتحضري ولا أكن ليكي راجل تستأذنيه 
مي يعني ايه مش فاهمه حنه اخويا ورايحه لازم اخد الأذن منك اظن اهلي كلموك 
ياسر