رواية اعاني من 11 15

ليه ياابو مروان معتجبش مانجا ولا ايه ههههههههههه
احمد لا بجيب بس بياكلوها من قبل ما اجي ههههههههههه
منعم ربنا يخليهوملك
احمد عقبال عوضك ان شاء الله
منعم تسلم ياابو مروان
احمد الا متعرفش ياادم اخوك يونس غطسان فين م الصبح ومحضرلنا ايه
ادم لا والله عموما انا هكلمه اهه وانتو روحوا علي العربيات وهنادم علي اخواتي ينزلوا
وعلي احدي السفن النيليه المعروفه بسوهاج كان يونس يجهز مع صديقه سعد لاحتفال غير عادي لأن اليوم هو عيد ميلاد رقية وابنتها سما هو يعرف ذلك لأن مصطفي قد قام بدعوته كثيرا في تلك المناسبه من قبل ولذلك قرر الاحتفال به بشكل غير عادي ومفاجيء للجميع
سعد ايه رأيك بقا ياعم اظن كده كله تمام
يونس حاسس اني في حاجه ناقصه
سعد ايه ياعم دا كأنك بتجهز لفرح مش عيد ميلاد دي جي وفرقه موسيقية وساحر وهيصه احنا معندناش الكلام ده
يونس واحنا مش اي حد ياسي سعد ولا ايه وبعدين متنساش الي ناوي اعمله
سعد انت واثق من الي هتعمله يايونس انا خاېف من رد الفعل
يونس متقلقش كله خير انا هروح بقا اجيب الجماعه.....
علي الساعة السادسة الا خمس دقائق وصلت لرقية رسالة من هاتف يونس محتواهاالبسي احلي لبس عندك وياريت يكون لونه فيروزي لو تقدري ومتسأليش ليه
استئذنت رقية من الجميع لتغير ملابسها
الحاجه سعاد يوه انتي مش
خلاص جهزتي ويونس قال جاي
خديجه وقد لاحظتها وهي تقرا الرسالةيونس ده
رقية تعالي معايا معلش ياماما اصلي مش مرتاحه في اللبس ده هغيره بسرعه
وفي غرفتها
رقية ها حلو ده بس ده فستان خاېفه ماما تضايق
خديجه لا البسي ياختي وبعدين ده هادي وجميل وشيك البسي هو انتي فاكرانا مبنلبسوش غير خيم زي الافلام
ههههههههههههه
رقية بصراحه كنت فاكراكم كده لحد ما جيت وشوفتكم كلامكم عادي وكمان لبسكم وحياتكم عادية وزينا يمكن بس اختلاف في العادات شويه
خديجه طب يالا ياختي يونس تلاقيه تحت
تجهزت رقية بفستانها الفيروزي والذي اظهرها كحورية جميلة وتفأجأ الجميع من يونس والذي ظهر مرتديا بذلة سوداء ورابطة عنق فيروزية اللون ايضا
يونس وبعد ان بدأ الجميع في التهامس فيما بينهم هتفهموا كل حاجه بس يالا كل واحد علي عربيته زينب تعالي معايا انا ورقيه وانتي ياخديجه خدي امك معاكي
الحاجه سعاد بقا كده خدي امك ماشي يايونس 
وصل الجميع علي السفينه ووجدوا الزينة والموسيقي باانتظارهم وصواريخ ڼارية في الجو تنتظرهم وزينة مكتوب عليهاكل سنة وانتي طيبه ياسما ويارقية 
تفأجأت رقية فهمس لها يونس كل سنة وانتي معايا لو تقبلي اكون معاكي ياست البنات
فاطمه امسكيني يازينب هيغمي عليا كل ده لرقية يامراري
الحاجه سعاد ايه الدلع الماسخ ده ناقص يوطي ويقولها تتجوزيني
لم تكمل كلمتها ووجدت يونس وهو يمسك ببوكيه من الورد الأحمر وعلبة صغيره بها دبل خطوبة وهو يجلس علي ركبته وينظر لرقية بكل حب وسط ذهولها وذهول الجميع ويقول تقبلي تتجوزيني
لم تصدق رقية نفسها من هول المفأجاة فلم تتوقع ان يفعل يونس ذلك معها ذلك الصعيدي الصامد ذو الملامح الرجوليه والقلب الطيب كيف له ان يفعل كل ذلك لأجلها فما كان منها الا ان وافقت ولكن في نفسها شيء ستقوله لاحقا لم تستطع احراجه بعد كل هذا
رقية موافقه يايونس 
البسا بعضهما الدبل علي اغنية يادبلة الخطوبة وسط فرحه وصدمه من الجميع فكيف ليونس ان يفعل ذلك ولا الافلام
الحاج فاروق وقد وصل لتوهالف مبروك يايونس ياولدي مبروك يابتي
الحاجه سعاد يوه يعني كنت عارف ياحاج
الحاج فاروق وقد اخذها بعيدا عن الحضور يونس جالي الصبح الارض وشاورني وقالي انه عابز يفرح ويفرحها وانا قولتله وماله ياولدي افرحوا بكفيانا حزن باركيلهم ياحاجه
خديجه الف مبروووك ياروكا مبروووك
يا يونس لولولولولولولولوي
رقية الله يبارك فيكي
يونس الله يبارك فيكي
يونس لسما وهو يقدم لها هديتهاكل سنة وانتي طيبه ياست سما 
سما شكرا وحضرتك طيب هو العيد ميلاد ده ليا انا ياعمو
يونس ايوة ياحبيبتي عجبك
سما جميل اوووي طيب ده عيد ميلاد. ماما ولا ماما عروسة
رقية هههههههههههه الاتنين ياقلب ماما
سجى الله حلو اووووي ياعمو وانتي حلوة ياماما
يونس يعني موافقين انا وماما نتجوز ونبقي عريس وعروسه
سما ايوة موافقين
سجى ماشي بس تعملي عيد ميلاد كبير زي ده اد البحر
يونس من عنيا ياست سجى يالا روحوا العبوا مع والساحر لحد ما التورته تيجي ونطفي الشمع
زينب مبروك ياحبايبي مبروووك ربنا يسعد كم بس ايه يايونس دا انت عامل زي الافلام كنا فاكرينك غلبان
يونس الله يبارك فيكي ياختي الافلام مش احسن مننا ولا ايه
رقية الله يبارك فيكي يازينب يارب
فاطمه مبروووك ربنا يتمم لكم بخير بس بصراحه جميل قووووي المكان ده
احمد هعملك كده يابطة
متقلقيش
فاطمه ومستني حد يقولك يعني معملتش ليه من زمان فاكر خطوبتنا كانت ازاي
احمد ههههههههههه متفكرنيش
يونس عارفة يارقية احمد جابلها الدهبات واول ما جه يلبسها الدبل اشي مطر وبرق ورعد والنور قطع وكان يووووم
فاطمه ڤضحتنا ماشي ههههههههههه اسكت لاديكم عين الجو يقلب
رقية هههههههههههه وعلي ايه الطيب احسن
منعم لخديجه انا بحبك قووووي
خديجه وانا بموووووت فيك
منعم سامحيني لو فيوم زعلتك
خديجه بس انت مبتزعلنيش
خديجه يعني لو في اي وقت زعلتك
سامحيني وخلاص واعرفي اني والله ما اقصد
خديجه حاضر هسامحك ومسمحاك المهم اننا سوا وكمان انا فرحانه قووووي لخديجه ويونس 
الحاجه سعاد وقد كانت تشعر بالاغتياظ مبروووك بس ليه ده كله ده حتي مرتك ارملة يعني
شعرت رقية بنغزة في قلبها وتذكرت مصطفي فهربت دمعه من عينيها لخديها في الحال
يونس وقد اخذ امه بعيداايه الي بتقوليه ده ياما ياشيخه بتنكدي عليها ليه بكفيانا هم
الحاجه سعاد انت بالي بتعمله ده بتخليها تشوف نفسها علينا اكتر ما هي شايفه
ادم في ايه ياما في ايه يايونس 
يونس امك لازم تسم بدن البنية مستكترة عليا نفرحوا شويه
الحاجه سعاد اخوك كنش طايقها ولا هي طايقاه ايش غير الحال انا خاېفه علي اخوك ياولدي
يونس خاېفه من ايه عايزة افهم انا مالك بيها فهميني
ادم خلاص يايونس مش دلوك لينا بيت نتكلموا فيه روح لعروستك انت
يونس ماشي ياادم بس قول لامك تسيب الليله تعدي علي خير
فاطمه مالك ياما بس خلاص نصيبه كده انا عرفاكي كان نفسك تجوزيه بت صغيرة بس رقية مش كبيرة مش باين عليها انهااتجوزت اصلا
الحاجه سعاد الي قالقني وتاعبني اني خاېفه تاخد يونس كيف ما خدت مصطفي وتبعده عننا خاېفه افقده يابتي
فاطمه مټخافيش ياما مفيش حاجه وحشه هتحصل ويونس مش هيسيب ابويا
الحاجه سعاد مصطفي وحشني قوووي لما بشوف يونس جمب رقية بفتكره وافتكر كد ايه كنت بزعله بسببها
فاطمه يبقي متزعليش يونس كمان ياما الحي ابقي من المېت
زينب وقد جلست في ركن في السفينه بعيدا تنعي حظها وكان يلاحظها سعد وهو ارملا قد فقد زوجته منذ عامان بسبب مرضها....
زينب تحدث
نفسها فينك ياعلي مش لو كنت كويس معايا كان زمانك معايا هنا وواقف جمبي ويدك في يدي ليه عملت فينا كده حتي عيالك بطلوا يسألوا عليك من قساوتك عليهم وكأنهم ما صدقوا خلصوا منك ليه ياعلي عملت فينا كده
سعد وقد كان منذ زمن معجبا بزينب ولكنه لم يجرؤ ان يبوح ليونس بذلك ابدا من قبل ولكنه وبعد ان علم بتلك المشاكل الكائنه بينهم وبين علي ظهر له بصيص امل ولكنها ما زالت علي ذمة رجلا آخر فلابد له من احترام ذلك الي ان يحين وقت اللقاء او الفراق للأبد
رقية وبعد ان انتهي الجميع من المباركه لهم انت عملت ليه كل ده يايونس 
يونس عشان عايزك تعرفي وتتأكدي اني مش هتجوزك عشان خسړت وردة ولا عشان كلام
ابويا عايزك تعرفي اني اني....
رقية انك ايه
يونس اني بحبك بحبك يارقية 
رقية بتحبني بالسرعه دي دا انت لسه الي من كام يوم كنت بتعشق وردة 
يونس انا سبق وقولتلك اني اتاكدت اني مكنتش بحبها بس الي واثق منه اني بحبك انتي
رقية بس يايونس اديني وقتي انت عارف انك غالي عندي بس اديني شوية وقت
يونس انا معاكي للآخر وعند وعدي ليكي
رقية ربنا يخليك ليا
يونس التورتة وصلت
ها قد وصلت تورتة الخطوبة وتورتة عيد الميلاد المميزتان من صنع توتا البدري المعروفة بالتميز في صنع حلوي في تلك المناسبات بسوهاج فكانت تورتة الخطوبة عبارة عن علبة بيضاء مزينة باللولي الفضي بداخلها خاتم من الالماس وكذلك تورتة سما مجسم عن اميرات ديزني اطفوا الشموع فسأل يونس بهمس رقية عن امنيتها
يونس هتتمني ايه
رقية اتمني تكون فعلا بتحبني واحبك اضعاف حبك ليا
يونس بحبك
انتهي الحفل علي خير ولكن ما كان ينتظرهم باليوم التالي شيء غير متوقع علي الاطلاق
قضت رقية مساءها تتطلع الي دبلتها بحب وكذلك يونس والذي احس ان تلك المرة الأولي التي يشعر فيها بالحب فما كان قبل ذلك ليس حبا علي الإطلاق......
زينب في غرفتها وبعد تناول الجميع العشاء بعد رجوعهم من الحفل كانت تبكي حالها حزينة منكسرة لا تعرف ما مصيرها ولكنها قررت ان تفاتح ابيها في موضوع طلاقها فنسيانه لها ولاولادها قد جعل قلبها يقسي عليه
اما عن ليلة فاطمه واحمد فكانت ليله حالمه فلربما كانت تود تعويض كل ما شعر به من فقد تجاهها..
احمد ربنا يخليكي ليا
فاطمه ويخليك ليا يارب قولي يااحمد ندمان انك طلقت ريهام
احمد ايوة ندمان
فاطمه ايه!!
احمد ايوة ندمان بس مش اني طلقتها ندمان اني في يوم من الأيام عرفت واحده عليكي واني اديت فرصة لعيني تشوف حد غيرك واني يوم ما حتي اخترت غيرك اخترت واحده غلط تقلل مني وندمان اني محكتلكيش ومعاتبتكيش علي بعدك كنت ساكت وده اكبر غلط كان مفروض اقولك كل حاجه في نفسي نحيتك متزعليش مني سامحيني
فاطمه مسمحاك يااحمد وانت سامحني لو فيوم قصرت فحقك كنت فاكرة اني اهتمامي بالبيت والعيال هما كل حاجه اتاري اهتمامي بيك اهم من اي حاجه لانك ملكش غيري تهتم بيك
احمد ربنا ما يعيدها ايام
فاطمه يارب يارب
اما عن ليلة خديجه فكانت مختلفه قليلا عن العادي فمنعم شارد ليس كعادته
خديجه ايه ياعم امال مصدعني بحبك ووحشتيني ومتغبيش تاني ومن سعت ما جيت ولا بتنطق حتي
منعم لا ابدا بس مشاكل في الشغل
خديجه ومن امتي مشاكل شغلك بتنسيك خوخه حبيبتك
منعم لا ابدا يالا انا هنام تصبحي علي خير
خديجه وهي متعجبه من ردة فعله وانت من اهله يامنعم 
انزعجت خديجه ورغما عنها ربطت بين رسالة الصباح وبين حال منعم ولكنها كانت متعبه فنامت بعد القليل من التفكير
في الصباح استيقظت رقية من نومها تتحسس دبلتها فلعلها كانت تحلم ولكنها ابتسمت حينما عرفت ان ما حدث حقيقة وما ان افاقت حتي وجدت رسالة هاتفيه من يونس صباح الخير ياروكا
ابتسمت وردت علي الرسالهصباح الفل يايونس 
يونس افتحي الباب بسرعه
فتحت الباب مسرعه فوجدت هديه فتحتها فوجدتها سلسله من الفضه لآية الكرسي فقبلتها ولبستها
يونس عشان تحفظك من العين ياقمر
رقية ربنا يخليك ليا
طرقت زينب الباب علي رقية ولاحظت رقية عليها الاجهاد..
زينب صباح الخير يالا يارقية عشان نفطروا سوا كلنا تحت
رقية صباح النور حاضر كنت هصلي وانزل علطول بس انتي مالك فيكي ايه
زينب مفيش
رقية بس شكلك تعبانه وكمان معيطه باين اوووووي
زينب يعني هعمل ايه قلبي واجعني علي نفسي وعلي عيالي الي ابوهم نسيهم ده
رقية طب ما تكلمي يونس يشوفه
زينب لا انا قررت اطلق منه معدتش عايزاه
رقية انتي متأكده
زينب ايوة متأكده وفي اثناء حديثهم سمعوا طرقا علي الباب الرئيسي للبوابه بشده
فتح ادم الباب فوجد رجلا من اهل القرية ېصرخ بهفين الحاج
ادم في ايه ياعم مرسي جرا ايه
الحاج فاروق 
في ايه يامرسي 
مرسي جوز بتك اټوفي في حاډثة القطر الصبح...
الحاج فاروق جوز بتي انهي ما تنطق
مرسي علي ياحاج علي كان جاي من مصر والقطر اتقلب وانا كنت هناك عالمحطه وعرفته وكان مېت جيت اقولكم البقاء لله ربنا يصبركم
زينب علي يالهوي يالهوي علي ماټ ياما
الحاجه سعاد استني يابتي يمكن مش هوه.
رقية ان شاء الله مش هوه
يونس احنا هنروحوا نشوفوا الي حصل ونيجوا ان شاء الله مش هو يازينب متقلقيش
زينب واولادها يبكونلا ياعيال اكيد مش ابوكم
الحاجه سعاد ما تسكتي بقا عشان العيال يعني هو كان زين قوووي
زينب مهما
كان ابو عيالي يالهوي يامراري
رقية وهي تحاول تهدئتهاحرام عليكي يازينب استني نتأكد ان شاء الله خير.....
في منزل خديجه وفي شقة حماتها كانت شيماء كالعادة تحاول ان تلعب بعقل حماتها
شيماء انا قلت اجي افطر معاكي
ام منير تعالي ياختي ليكي كتير مش ظاهره
شيماء من سعت موضوع خديجه وظلموني قلت اقعد فشقتي كافيه خيري شړي بس بصراحه مقدرتش اطول لانك وحشتيني قوليلي بقا ايه الاخبار
ام منير الحمد لله يابتي
شيماء يوه ما تقوليلي اخبار ست خديجه ايه سمعت انهم هيسيبوا البيت
ام منير ايوة منعم قال كده بس يارب يكون كلام وخلاص
شيماء شوف البت عايزة تفرقكم عن بعض بتقسيه عليكي ما هي لو جربت الضنا وغلاوته مكنتش قالت كده الله يسامحها انا لو منك مسكتلهاش ابدا
ام منير يعني هعملها ايه ما ولدي فطوعها
شيماء هو بيقدر يتنفس قدامها مش يمكن ساحراله
ام منير تفتكري كده
شيماء كل شيء ممكن هقوم اعمل الشاي
تركت حماتها تكاد تجن من التفكير 
وفي شقة خديجه استيقظت من نومها فلم تجد منعم بجانبها ولكن كيف له ان يذهب بدون ان يودعها اخذت هاتفها فوجدت رساله من ذات الرقم محتواهاايه لسه مش مصدقة طب بذمتك مش متغير.....
تتبع......