رواية احبه ج1

كمان 
ليان واو حلوه اوى عجبتنى 
سليم برافو عليكى يا خديجه افكارك هايله
نظر الجميع لخديجه نظرات اعجاب بما فيهم زين
حازم تمام على خيره الله يا باشمهندس زين ابدأ فى التنفيذ 
زين تمام خلاص هنبدأ الاسبوع الجاى وشكرا يا خديجه على الافكار 
حازم طيب نستاذن احنا بقى عشان عندى مشوار
انتهى الاجتماع و 
انصرف كلا من حازم وينته وخرج معاهم سليم لايصالهم
زين استنى يا خديجه عايزك 
زين استنى يا خديجه عايزك
خديجه فى سرها ربنا يستر
خديجه حاضر يا بشمهندس زيين
زين خديجه مش انا قلتلك تحتفظى بارائك لنفسك
خديجه بصراحه حاولت كتير لكن بعد ماسمعت راى استاده ليان مقدرتش امسك نفسى واظن ان الفكره عجبتكم
زين بص لخديجه فتره وقالها
بصى يا خديجه منكرش ان الفكره حلوه بس بعد كده متتكلميش غير لما تعرفينى الاول مش بحب المفاجات ومن بكره هتنزلى معايا الشركه هتشتغلى فى قسم التصميمات الهندسيه وهتكونى مسئوله معايا انا وسليم عن المشروع ده والمفروض اننا هنسافر الاسبوع الجاى وطبعا لازم تستعدى للسفر عشان هنعاين الارض هناك ونبدء فى التنفيد ومتنسيش انى حظرتك متتكلميش من دماغك تانى ساعتها هتشوفى وش تانى مش هيعجبك يا خديجه
خديجه خلاص حاضر بس ابقى اسمع رأيى مش هتندم متنساش انى مهندسه برضه صحيح بالنسبه لشغلى هنا كسكرتيره هسيبه ولا هكمل عادى
زين لا طبعا هنفضل زى محڼا اللى هيزيد شغلك بتاع الصبح وافتكر ان دى فرصه حلوه ليكى تثبتى انك مهندسه شاطره فعلا وقولا لسه هتبتسم فريده قالها ومتقلقيش مرتبك ده هيبقى غير ده يعنى هتقبضى مرتين
خديجه على فكره انا مش بسال حضرتك عشان كده انا سالت عشان ابقى عارفه حدود شغلى ايه وماثرش فى اى حاجه
زين ده حقك ولازم تكونى عارفاه
واثناء حديثهم الباب خبط ودخلت نور
نور ها يا زين لسه كتير انا محتاجه اتكلم معاك ضرورى وبصت لخديجه معلش ياديجا انا عايزه زين ضرورى فى موضوع مهم
زين خلاص يا خديجه روحى انتى احنا كده خلصنا شغل انهارده
خديجه سابتهم ومشيت
زين ها يا نور خير ايه الموضوع المهم اللى انتى عايزانى فيه
نور بابا يا زين عايزنا نحدد معاد فرحنا ونتجوز فى اقرب وقت
زين
طيب فين المشكله دلوقتى ولا انتى مش عايزه تتجوزى دلوقتى ولا بتفكرى ازاى
نور بص يا زين عشان ابقى صريحه معاك فى كدا سبب مش سبب واحد
زين اتفضلى انا سامعك
نور اول سبب اننا يا زين لسه مخدناش على بعض بالشكل الكافى اللى يخلينا ناخد خطوه زى د ى
ثانيا انا عايزه اشتغل واعمل حاجه لتفسى عايزه اثبت نفسى لنفسى الاول بعيدا عن بابا والشركه عايزه ابقى انا مش امتداد لحد ومش عايزه حاجه تعطلنى عن ده والجواز يعنى مسئوليه
ثالثا انا مش مستعده حاليا لانى اتحمل مسئوليه بيت واسره انا شايله مسئوليه نفسى بالعافيه هشيل مسئوليه غيرى ازاى
زين طيب ايه المطلوب منى
نور تتحجج لبابا بان انت حاليا مشغول ومش فاضى تحاول تاجل معاه باى شكل بس متقلوش اننا اتكلمنا مع بعض عشان مايجيش ويضغط عليا
زين خلاص يا نور انا هتصرف اطمنى وانا هظبط كا حتجه
نور بجد يا زين شكرا اوى انك قدرت تفهمنى
خديجه دخلت المكتب عشان تدى زين الملاحظات بعد ما كتابتها word وطباعتهم وشافت زين ونور حاضنين بعض وحست بنغزه فى قلبها ولسه هتمشى شافها زين ونده عليها
زين استنى يا خديجه فى حاجه رجعتى تانى ليه
خديجه بتوتر حاولت اخفاؤه انا اسفه بس انا خبطت ومحدش سمعنى فدخلت عشان اسيبلك الملاحظات دى اللى حضرتك كنت طالبها منى وماكد عليا اكتب اى حاجه هيقولوها انا كتبتها على اللاب وطبعتها وجبتها لحضرتك
نور خلاص يا زين زى انا ماشيه وزى ماتفقنا معلش عطلتكم
زين هاتى يا خديجه الملاحظات كويس
انك فكرتينى تمام كده يا خديجه تقدرى تمشى واستعدى لبكره هتيجى معايا الشركه عشان نبدا فى التعديلات اللى حضرتك ضفتيها كده خلاص انهارده خلصنا شغل تقدرى تمشى
مشيت خديجه وراحت اوضتها وفضلت تكلم نفسها هو انا هفضل كده لحد امته هو مش حاسس بيا ولا هيحس بيا وحتى لو حس مش هينفع نور طيبه وتستاهل كل خير ووقفت جمبى كتير دخلت خديجه اتوضت وصلت وفضلت تدعى ربنا كتير انه يصلح حالها
عند سليم فضل يفكر فى ليان انه عايز يعلمها الادب وياخد منها موقف وفى نفس الوقت مش عايز يتهور عشان المشروع اللى مابينهم وان شركته هتستفاد كتير من ورا المشروع ده ونام سليم وهو بيفكر فى ليان
مر يوم جديد على ابطالنا
فى الصبح جهزت خديجه بدرى وهبت الشركه مع زين ودخل زين وخديجه مكتب زين وماقعدتش مع نها زى كل مره وده خلى نهى تضايق زين اتصل على مكتب نها وطلب منها انها تتصل بمشمهندش فاروق وتبعتله يروح عند زين المكتب واول لما يوصل تدخله
وبالفعل اتصلت نها بماشمهندس فاروق وبلغته انه بانتظاره واجلت دخول الورق اللى محتاج امضت زين عشان تدخل مع باشمهندس فاروق وتعرف ايه اللى بيحصل وليه خديجه مخرجتش تشتغل معاها
دخل فاروق المكتب ودخلت نها وراه
فاروق زين بيه ازى حضرتك
زين اهلا يا باشمهندش فاروق اتفضل اقعد
فاروق خير يا زين بيه حضرتك طلبتنى فى مشكله او حاجه
زين بص بقى يا باشمهندس دى باشمهندسه
خديجه هتبدا معايا فى المشروع بتاع شركه حازم الخديوى فانا بقى عايزك تعرفها على قسم التصميمات لانها هتشتغل معانا هنا فى الشركه فانت هتعرفها الشغل وتدرب تحت ايدك ومافيش طبعا افضل منك يعلمها ده
فاروق بس كده يازين بيه انت تامر وهتبدا معايا من امته
زين من دلوقتى هى هتروح معاك وتبدا شغل من انهارده
خرج فاروق وخديجه من مكتب زين متجهين للدور الخاص بقسم التصميمات
نهى باشمهندش زين هى خديجه هتشتغل فى قسم التصميمات هنا
زين اظن انك واقفه وسامعه الحوار
نهى مش قصدى انا اقصد يعنى هى مش هتشتغل سكرتيره مع حضرتك فى القصر
زين لزمتها ايه الاسئله الكتيره دى يا نهى
نهى مقصدش انا فكرت انها لو مش هتشتغل من القصر فانا ممكن اجيب لحضرتك حد بدالها
زين لا متتعبيش نفسك خديجه هتفضل زى ماهى هتشتغل هنا وهناك وانا لو محتاج حاجه هطلبها مش هستنى حد يعرض عليا وهطلبها على طول واظن كده خلاص اتفضلى على مكتبك
نها خرجت من المكتب وهى فى قمه الڠضب واتصلت على شخص ما
الشخص ايوه يا نها فى جديد مش صابره لما تمشى من الشغل وتكلمينى
نها احنا لازم نتقابل انهارده
الشخص ايه اللى حصل
نهى البنت اللى اسمها خديجه دت اشتغلت هنا معانا فى الشركه فى قسم التصميمات ومش بس كده دى مسكت معاه اهم مشروع فى الشركه حايا وبرضو هتفضل تشتغل معاه سكرتيره شكل الموضوع مش مجرد سكرتيره تشتغل من القصر غير كده بتمشى معاه وتيجى معاه زى مايكون عايشه معاه فى القصر
الشخص انتى هتخلصى الشغل انهارده امته
نها هخلص 5 ممكن نتقابل الساعه 8 فى كافتريا 
الشخص خلاص تمام هتلاقينى هناك
نها خلصت المكالمه وقاعده بتفكر ازاى تتخلص من خديجه
نهى هو انا لسه هستنى انا لازم اعمل حاجه اخلص بيها منها على ماشوف صرفه وابعدها
خالص وفكرت فى فكره شيطانيه
زين اتصل على نها وطلب منها انها تبعت لخديجه
نهى حاضر يتزين بيه
اتصلت نها بقسم التصميمات وبلغت خديجه ان زين منتظرها وقامت بوضه ملف فاضى على الارض واول مادخلت خديجه المكتب وقعت ورجليها التوت نها ابتسمت فى سرها
كده طبعا هتترزعى فى البيت كام يوم مش هنشوف خلقتك مكنتش رقبتك كمان تتكسر عشان نرتاح خالص
فاقت من شرودها على خروج زين من المكتب على صوت خديجه
زين ايه ده فى ايه اللى بيحصل وايه الصوت ده وفاجاه وقعت عينه على خديجه الجالسه على الارض وتتالم بسبب الوقعه وقال في ايه يا خديجه ايه اللى حصل وقعتى ازاى
خديجه پبكاء معرفش انا جيت ادخل زى ماحضرتك طلبتنى دست على الملف ده من غير ما اشوفو وققعت
بص زين نها وقال نها ايه اللى جاب الملف ده هنا
نها تتصنع الحزن والخۏف على خديجه
انا كنت براجع الملفات وبرتبها داخل الدوسيهات ووقع من ايدى ڠصب عنى الملف ولسه هروح اجيبه لقيت خديجه داخله بسرعه ملحقتش اوقفها ولقتها داست عليه ووقعت
زين بص لخديجه طيب هتقدرى تقومى نروح للدكتور
خديجه حاولت تقوم لكن من الۏجع وقعت مره اخرى ومقدرتش تدوس عليها
زين بص لنها وقالها اتصلى بالدكتور بسرعه خليه يجى دلوقتى وراح على خديجه ووضه يده اسفل راسها والاخرى اسفل ركبتيها وسالها وډخلها المكتب ووضعها على الكنبه فى المكتب بتاعه
وبعد قليل دخل الدكتور وكشف على خديجه وداها مسكن قوى وادويه
زين خير يا دكتور رجليها مالها
الدكتور رجليها التوت هى بس لازم متتحركش عليها لان الحركه ممكن
تعملها مضاعفات ولو التزمت خلال يومين هتبقى كويسه
زين شكرا يا دكتور
واثناء حديثهم دخل سليم المكتب بتاع زين ونظر لخديجه
سليم ايه اللى حصلك يا خديجه فى ايه ورجلك ماعل
خديجه حكت لسليم على اللى حصل
سليم طيب هتروحى ازاى دلوقتى الموظفين كلهم مشيوا
خديجه شكرا لاهتمامك يا سليم الدكتور ادانى ادويه ومسكن وانا هقدر امشى ان شاء الله
سليم بس الدكتور قالك متحملش عليها
خديجه لا منا همشى براحه
سليم طيب استنى هشيلك انزلك للعربيه
خديجه ايه لالالالا طبعا يا يا بشمهندس انا هقدر امشى
زين نظر لسليم وخديجه بنظارات ناريه وراح عند خديجه وبدون مقدمات وضع يده اسفل راسها والاخرى اسفل ركبتها وشلها وخرج بيها وحطها فى العربيه تحت نظرات سليم ونها المندهشين من رد فعل زين واهتمامه بخديجه وابتسم زين ابتسامه جانبيه
دخل زين وخديجه القصر وزين شايل خديجه وشافتهم ورده وجريت عليهم مخضوضه
ورده خديجه مالك يا حبيبتى الف سلامه عليكى حصلها ايه يا زين
خديجه كانت مكسوفه ووشها كلها احمر عشان مكسوفه ان زين شايلها واول مره تبقى قريبه منه اوى كده وكان نفسها تفضل كده دايما بس هى كانت محرجه من نظرات اللى بيشفوهم
خديجه مافيش يا ماما ورد انا وقعت على رجلى يومين وهبقى كويسه وحكت لها اللى حصل وكلام الدكتور ونسيت ان زين لسه شايلها
زين ها خلصته وراح لاقرب كرسى سفره وحطها عليه وقالها خليكى هنا لحد الغدا وابقى اطلعى نامى
ورده ندهت على الشغالين وخلتهم يحضروا الغدا بسرعه ويجهزوه على السفره
فى جهه اخرى عند نور
دخلت نور شركه للازياء وعجبتها الشركه جدا وعجبها الديكور واتمنت انها تقدر تشتغل هنا واثناء سرحنها خبطت فى شخلص
نور معلش انا اسفه جدا مخدتش بالى
الشخص بصلها بتامل وقالها لالا ولا يهمك المهم انتى بخير
نور اه شكرا لحضرتك عن ازنك
الشخص اتفضل ولما نور مشيت الشخص لف وجهه ونظر لنور من اول شعرها حتى قدميها الى ان اختفت
دخلت نور مكتب السكرتاريه الخاصه وسالت على استاد مازن ادريس
ملحوظه مازن ادريس صاحب الشركه وعينه زايغه وله علاقات نسائيه كتير وبالرغم من كده الا انه ملتزم فى شغله وصارم جدا
السكرتيره اتفضلى حضرتك ابلغه مين
نور انا نور صالح وعندى انترفيو معاه انهارده
السكرتيره اتفضلى هو موجود بيشوف حاجه وجاى حالا اول ما يجى تقدرى تدخلى على طول
واثناء جلوس نور دخل الشخص اللى نور خبطت فيه ووقفت السكرتيره وعرفته على نور
السكرتيره مستر مازن فى واحد بتقول ان اسمها نور وعندها معاد مع حضرتك دلوقتى
مازن دخليها المكت
دخل المكتب والسكرتيره دخلت نور بعده
نور نظرت لمازن پصدمه واعتزرت منه مره تانيه وعرفته بنفسها
مازن ولا يهمك يا نور اتفضلى نبدا الانترفيو
وبدا الانترفيو بين مازن ونور وسال مازن نور العديد من الاسئله بخصوص التصميات وشاف التصميمات بتاعتها
مازن انسه نور تصميماتك حلوه جدا وانا مش بجاملك علشان معنديش مجاملات فى الشغل خصوصا شغلنا 
نور انا متشكره جدا لحضرتك كلامك ده ادانى دافع انى اخرج تصميمات افضل ان شاء الله
مازن ده اللى انا هنتظره منك وحيث كده بقى تحبى تبداى معانا شغل من امته
نور من بكره طبعا لو حبيت
مازن خلاص يا نور من بكره تبداى شغل معانا معادنا الساعه 10 الصبح
خرجت نور من مكتب مازن فرحانه جدا وقررت انها تروح تزور ورده وخديجه وزين ودخلت نور القصر لقيتهم قتعدين
على السفره بيتغدوا جريت عليهم وقاعدت معاهم
نور نفسى مره اجى الاقيكوا بتتكلموا بتهزروا بتعملوا اى حاجه لكن كل مره اجى الاقيكم قاعدين على السفره
ورده بضحك ازيك يا نور عامله ايه وايه سر السعاده دى
نور الحمد لله انا فعلا انهارده اسعد واحده
خديجه يارب دايما يا نور مبسوطه بس فرحيناامعاكى ايه اللى مفرحك اوى كده
نور فاكره يا ديجا شركه بتاعت الازياء اللى قلتلك عليها
خديجه اه فاكره انتى مابتبطليش كلام عليهم وعلى تصميماتهم تقريبا لبسك كله من تصميماتهم
نور من فتره بعتلهم ال c v بتاعى وكنت حاطه فيه كام تصميم من بتوعى ومن كام يوم لقيتهم بيتصلوا بيه وكان عندى انهارده معاد انتر فيو معاهم واللى عمل معايا الانترفيو مستر مازن ادريس بنفسه وعجبه شغلى