رواية أسر الفصول من 24_28
ساندوتشات جبنة وانا راضى
فأبتسمت سما
طب يلا اقفل
حاضر خلى بالك ع نفسك
وانت كمان
خرجت نهال من المعمل وهى تشعر بالضيق وبرغبة شديدة فى النوم
اخيراا خلصت روحونى بقى
فنظر لها إياد
انتى تعبانة !!
ها !! ابداا بس عاوزة اريح ظهرى
طب تحبوا تاكلوا بارة اكيييد مفطرتوش
فقالت سميرة
ملوش لزوم ولا اقولك تعالى انت النهاردة قضى اليوم معانا ونفطر سوا لما نروح
فنظر إياد إلى نهال
ما نهال عاوزة تنام
فأبتسمت نهال
لا ممكن اقعد معاك بس ابقى فى البيت
فأبتسم كلا من سميرة و إياد
طب يلا
يلا
كانت سمر بالنادى حيث انها تذهب للنادى يوميا لكنها لم ترى أمجد خلال هذا الاسبوع كانت تجلس على احدى الطاولات فى النادى وتشرب عصيرها فى تلك اللحظة المنضدة شاب فنظرت هى لأعلى لترى من وجدت انه أمجد فأبتلعت ريقها
انت !!! انت جاى تعمل ايه !
جاى اسلم عليكى واسئلك عن نهال مش بشوفها خااالص فى النادى
اهااا مع انى مكنتش بشوفك فى النادى اصلا عرفت منين انها مكنتش بتيجى
فأبتسم أمجد ابتسامة خفيفة
زى مانتى ما عرفتى انى مكنتش باجى النادى
ارتبكت سمر وأحمر وجهها
انا اقصد يعنى
فأبتسم أمجد
ممكن اقعد ولا ابقى متطفل !!
تنهدت سمر
بس مفيش سبب تكلمنى عشانه
معاكى حق عموما اخبار نهال ايه !
نهال كويسة الحمد لله هى بس بقت عايشة مع مامتها عشان كده مبقتش تيجى وتخرج كتييير
اممممم ابقى سلميلى عليها وقوليلها انى سئلت
اوووكيه
واسف لو ازعجتك
مفيش مشكلة
تركها وذهب فظلت سمر تنظر له ثم حدثت نفسها قائلة
مش فهماك بصراحة انت ٠٠ قال جاى يسئل ع نهال ٠٠ مچنون ده
جلس آدم فى مكتبه فى المنزل وهو يفحص بعض الأوراق فدخلت عليه نيللى
هاااى
فرفع آدم بصره لها
ايه اللى جابك يا نيللى
جاية اباركلك معرفتش اجى الخطوبة
متتخيليش كنت
مبسوط انك مجتيش
فنظرت له بحدة
ليه يعنى يا آدم
عشان عارف حركاتك القرعة دى وبصراحة مكنتش عاوز سما تضايق او تغير بسبب واحدة زيك لأن مفيش وجه مقارنة
فشعرت نيللى بإهانة كبيرة
بقى كده
الحق حق يا بنت عمى
هنشوف هتفضل مبسوط معاها لحد امتى مش يمكن هى ترميك وتستغنى عنك شوووف انت ظلمت بنات كتيير مش يمكن تتظلم زى ما ظلمت كده
نظر لها آدم نظرة طويلة ثم تحدث پغضب
بقولك ايه فكك من البوقين دول انا مظلمتش حد مكنتش بضړب حد ع ايده عشان يحبنى ولا يبقى معايا وكلهم كانوا عارفين انهم علاقات طيارى
طب وانا يا آدم !
وانتى ايه ! انتى بنت عمى وبس فاااهمة
بس كنت بتحبنى وانت عارف انى بحبك
مكنتش بحبك بس منكرش انى اديتك امل بمعاملتى الناعمة معاكى بس ده مش معناه اطلاقا انى بحبك
ثم قالت لكى تقوم بأستفزازه
امال فين العروسة !
نظر لها بضيق ثم قال
وهى ايه هيجبها هنا ٠٠ انتى اتجننتى
انا قلت يمكن جت اصل انت مبتضعيش وقت فيمكن عزمتها ع البيت ع طول
فرمقها آدم بنظرة طووويلة
انتى تخرسى خاالص واحفظى لسانك وبعدين بقولك ايه انا ورايا شغل ومش عاوز ۏجع دماغ ٠٠ طريقك اخضر
بقى كده يا آدم !!
فمرر كف يده على وجهه ماسحا إياه بضيق
طريقك اخضر بقى
ماشى هتشوف
اجابها بلا مبالاة
تمام
بينما دخل كل من إياد و نهال و سميرة المنزل فدخلت نهال للداخل وهى تقول
انا هشوف سما صحيت ولا ﻷ
فقالت سميرة
اوك
دلفت نهال داخل الغرفة وجدت سما جالسة فنظرت لها سما
كنتى فين انتى وطنط سميرة دورت عليكوا مش لاقتكوا
مفيش إياد و ماما اتفقوا عليا عشان اروح اكشف
طب وعملتى ايه
الحمد لله الدكتورة طلبت تحاليل عملتها بس النتيجة هتطلع بعد يومين
إن شاء الله خير انا هقوم اجهز الفطار لينا
تعالى هنا البسى اى حاجة طويلة إياد هيقعد معانا النهاردة
هو بارة ناو
ايوة
تمام انا هلبس
اوك وانا هخرج اقعد معاه هو و مامى آدم جاى امتى
ع 3 كده
تمام
بعد ان وصلت نيللى لمنزلها قامت بلأتصال ب أسر
ايوة يا زفت انت هتنفذ خطتك امتى
قريب جدا ٠٠ لدرجة انه ممكن يكون بليل
ياااريت يبقى كده فعلا عشان نفسى افرح فى آدم ولازم تقنع سما بإى طريقة انها توافق بيك فاااهم لازم قلبه يتكسر
انا مش هسيب سما سما اصلا متتسابش
متنرفزنيش انت كمان مالها البت دى يعنى دى ٠٠ متستاهلش اصلا
شعر أسر بالڠضب
لا لسانك يا نيللى اغلطى فى اى حد لكن سما ﻷ
يا سلاااام
بقولك ايه لما انفذ ويحصل المطلوب هبقى اقولك
تمام
جلست نهال مع إياد بالخارج فنظر لها إياد وابتسم
وحشتينى يا نونا اوووى
فأبتسمت نهال
اول مرة تدلعنى وبالأسم اللى بحبه كمان
نظر لها مسبلا عيناه
ومن هنا ورايح مش هعمل حاجة الا انى ادلعك
طب وطى صوتك سما بتحضر السفرة والسفرة قدامنا اهى
وانا مالى ب سما مش عندها خطيب يبقى يسمعها الكلمتين دول
احمرت وجنتى نهال ثم قالت وهى تنظر لأسفل
انا بكسف
وانا بحب كسوفك
انت مش طبيعى النهاردة فى ايه
ها ٠٠ ابدااا حاسس انى نفسى اعرفك مدى حبى ليكى وانك غالية اوووى عندى انتى لازم تعرفى ده يا نهال
هزت رأسها بالإيجاب
حاضر
ولازم تخلى بالك من نفسك ومن صحتك
فقالت نهال وهى تضحك
فى ايه !! هى الدكتورة قالتلك انى عندى مرض واحتمال اموت قريب
وظلت تضحك بشدة فنظر لها إياد پغضب واضح على وجهه
إياكى إياكى تجيبى سيرة الكلام ده ع لسانك
ايه يا إياد انا بهزر
مبحبش الهزار البايخ ده
فأبتسمت نهال
متخافش قعدة ع قلبك شوية
انتى قعدة فى قلبى يا قلبى
شعرت نهال بخجل شديد
بس بقى بجد بكسف
فأبتسم إياد فى ذلك الوقت سما
الفطار جاهز
فذهبت نهال لكى ترى الطعام عندما رأت الطعام واشتمت رائحة الطعام اسرعت نحو الحمام وظلت تتقيئ بينما إياد شعر بالقلق والخۏف عليها فنظرت سما ل إياد
هى الدكتورة قالت ايه دى ع طول بترجع اينعم انا اكلى وحش بس مش لدرجة انها ترجع لما تشوفه امال لو داقته !!
فنظر لها إياد
ادعى ليها يا سما
نظرت له سما بقلق واضح على وجهها
هو فى ايه قلقتنى
فى تلك اللحظة دخلت سميرة
امال فين نهال
كانت سما ستخبرها ولكن إياد قاطع سما
فى الحمام وجاية يا طنط
ظلت سما تنظر ل إياد وهى لا تفهم شئ حتى اتت نهال فقالت لها سميرة
يلا عشان تاكلى
ها !! مش قادرة يا مامى معدتى وجعانى اووووى
فقال إياد
مش هاكل لو ماكلتيش
يا سلااام
اه هو كده
تنهدت نهال
طب هاكل جبنة بس
كلى اى حاجة بس كلى
نهال وظلوا يتناولون اﻹفطار جميعا
بينما كانت نورا تجلس مع يسرية فى حديقة القصر
هو فين إياد يا طنط
مش عارفة لاقته خرج من الصبح ومعرفش فين حتى بتصل بيه مبيردش
شعرت نورا بالحزن
يعنى مش هشوفه النهاردة !
استنى بس يا حبيبتى
اومال فين ست زفتة
نهال !!! غااارت من هنا سميرة امها خدتها تعيش معاها
احسن عشان متبقاش عزول بينا
هزت يسرية رأسها وهى تبتسم على نورا
مټخافيش يا حبيبتى
جلس إياد مع
سما التى كانت تنتظر ان تقوم نهال حتى تسأله عن صحة نهال فنظرت سما ل نهال
بقولك ايه يا نونا اعمليلى كوباية شاى من ايدك
ما تقومى انتى
لا الشاى بتاعك حلو
يوووووه طيب
فأبتسمت سما حتى غادرت نهال ونظرت بشدة ل إياد
انت شكلك مش مريحنى نهال فيها ايه !
سبينى فى حالى يا سما
يعنى ايه اسيبك فى حالك انا لازم افهم انت متعرفش انا بحب نهال اد ايه
تنهد إياد
متقوليش ليها ولا تقولى لطنط سميرة
فى ايه قلقتنى انطق
الدكتورة شاكة ان نهال عندها کانسر لسه التحاليل هتبين اكتر
وضعت سما يدها على فمها ثم تحدثت بنبرة حزينة
انت بتقول ايه ! انت اكيييد كداااب
ونزلت دموع من عيناها فنظر لها إياد بحدة
بقولك ايه لو نهال حست بحاجة متعرفيش ايه ممكن يحصلك قومى اغسلى وشك ومش عاوزها تحس انا مش ناقص
فحاولت سما مسح دموعها فنظر لها إياد
مش هينفع اغسلى وشك كله
طيب طيب
ركضت سما نحو الحمام وكانت تشعر بالحزن الشديد على نهال حاولت ان تتماسك وان لا تظهر شئ ل نهال وما أنةقامت بغسل وجهها حتى
خرجت من الحمام وجدت إياد ومعه نهال فنظرت لهما وابتسمت فقال إياد
انا رايح اصلى الجمعة وابقى اشوفكوا بعد الصلاة فردت نهال و سما
اه إن شاء االله
ونظرت نهال إلى سما
عملتلك الشاى اطفحى
فأبتسمت سما
حاضر هطفحه كله
فرفعت نهال حاجبها لأن سما لم تعارضها على كلمة اطفحى ولم تشاكسها كالعادة ثم نظرت لها
انا هروح العب شوية ع الفيس
اوووكيه
بعد الصلاة كان آدم يرتدى ملابسه فى غرفته فدخل عليه عمر
انت رايح فين
رايح لخطيبتى
خدنى معاك
ايه التناحة دى ! هما عزمانى ع الغدا انت تيجى معايا ليه
اخو خطيبها
يا ساااتر غور البس عقباال ما أكمل لبس
تمام
ارتدى آدم بنطال أسود و قميص بلون البنفسج وتذكر الچاكت الذى أحضرته له سما هدية وابتسم واخذه وقام بارتدائه فوق ملابسه ثم قام بوضع عطره الخاص وقام بتمشيط شعره وابتسم للمرأة ٠٠
كان إياد يجلس مع نهال فنظر لها وقال
ايه رأيك يا نهال اكلم عمى ونتخطب
مش قلنا شوية كده بس لحد ما يفوت فترة ع فسخ خطوبتى الأولى
وايه يعنى طظ المهم احنا وسعادتنا وبصراحة غيرت من سما و آدم منفسكيش تلبسى الدبلة بتاعتى
ابتسمت نهال بخجل
خلاص كلم بابا وماما
فأبتسم إياد ورن جرس الباب فقالت نهال
ده اكييد آدم هروح افتح
تمام يا قلبى
فذهبت نهال لتفتح الباب وجدته هو وطفل فإبتسمت لهما وقالت
ده اكيييد عمر صح سما حكتلى عنه
فإبتسم عمر لها
هو انتى عينك بقت خضرا امتى !
فأبتسم أدم
بس ياااض دى مش خطيبتى دى اختها
اووووه انا برده بقول شكلها متغير شوية
فأبتسمت نهال
طب ادخلوا ادخلوا
فدخلوا جميعا نظر آدم إلى إياد وابتسم قليلا فبادله إياد ابتسامة هادئة له بينما جإت سما نظرت ل آدم وقالت بنبرة هادئة
ازيك يا أذآدم
فنظر لها آدم وهو متعجب من نبرة صوتها
ازيك عمر كان عاوز يشوفك
فإبتسمت سما ل عمر ابتسامة بسيطة ثم نظر لها آدم شعر انها ليست على ما يرام ٠٠
جلس كلا من إياد و نهال و آدم و
يلا يا ولاد الغدا جاهز
فقالت نهال
يووووه بقى انا مش قادرة اكل
فقال إياد
لا هتاكلى يعنى مينفعش اكل لوحدى
فنظرت لها سما بشدة وقالت بصوت عالى قليلا
يعنى ايه مش هتاكلى انتى لازم تاكلى
فنظر إياد بحدة ل سما وقالت نهال
انتى مالك بتزعقى زى ما تكونى مدرسة وانا تلميذة عندك كده ليه
لاحظ آدم نظرات إياد ل سما بينما سما نظرت لأسفل وشعرت بالخجل فقالت سما
بهزر بهزر يلا ناكل
وذهبوا ليتناولوا الطعام وبعد ان انتهوا نظر آدم ل سما وقال بصوت خاڤت والجميع مشغول
مالك يا سما فى ايه
فى ايه
انا اللى عاوز افهم شكلك متوترة ومش مبسوطة
تنهدت سما
انت حسيت !
لو مكنتش احس بيكى احس بمين !!
ابتسمت سما قليلا وقالت وهى تنظر تجاه نهال وجدتها وقفت متجهة نحو الحمام لتغسل يدها
نهال يا آدم الدكتورة بتقول ان احتمال يبقى عندها کانسر
شعر أدم بالصدمة
بتقولى ايه !!
إياد لسه قايلى وانا مضايقة حاسة انى خاېفة عليها اوووى
اهدى بس اهدى إن شاء الله تتعالج
بينما كان إياد فى الشرفة فدخلت نهال عليه
بتعمل ايه
فنظر لها
مفيش شكلى هروح بقى
ليه خليك قاعد
لا ما هنا مش قصر عمك عشان نقعد ع كفينا سوا
ابتسمت قليلا
مااشى براحتك براحتك يا مراد
فأبتسم قليلا
يااااه بقالك كتير مقولتيش ليا مراد
مانا زعلانة
اتجوزينى وانا ابقى معاكى طول الوقت
اممم افكر
تفكرى فى ايه يا هبلة ده انتى بتجرى ورايا
فرفعت نهال حاجبها
بتقول ايه !
فتحدث إياد ببراءة
انا !!! ابدا مقولتش حاجة
فهزت نهاال رأسها بأسى
بينما كان آدم يتحدث مع سما
مش عاوز اشوفك زعلانة كده
ظلت سما شاردة فتحدث آدم مرة اخرى ثم قال
مش واخدة بالك من الچاكت طيب ٠٠ ده فى مزة جامدة كانت جيبهولى هدية
اشتعلت عينان سما ڠضبا فهى لم تنتبه لملابسه ونظرت له وكانت على وشك الانفجار بوجهه حتى لاحظت انها هى من احضر ذلك الچاكت فقال آدم
كنتى هتشتمى صح
فقالت سما وهى تهز رأسها بإسى
هتفضل مچنون
بس بيحبك
شعرت بخجل ونظرت ل عمر الذى بجواره وقالت
مچنون برده
فمط آدم شفتاه بعدك رضا ثم قال
ما تدخل يا حبيبى لعمو إياد جو فى البلكونة
لا انا عاوز اقعد مع سما
فضحكت سما كثيرا فقال آدم بضيق
بس دى خطيبتى انا ٠٠ مش عارف ايه اللى خلانى اجيبك
فنظر عمر إلى سما ثم قال
مضايقة انى جيت
لا خالص يا حبيبى
فشعر آدم بالغيظ ثم قال
حبك برص يا هاااانم ٠٠ قال حبيبى قاال
ثم نظر إلى عمر وقال
بقولك ادخل البلكونة شوفهم بيعملوا ايه مينفعش تسيبهم لوحدهم كده
هز عمر كتفاه بلا مبالاة ثم قال
من شوية كان بيسبل ليها وبيقولها عاوز اخطفك من هنا ونعيش لو٠٠
وضع آدم يده على فم شقيقها وقال
الله ېخرب بيتك بتتصنت بجد !!
بينما هزت سما رأسها بأسى وضحكت فحاول آدم ان يقول وهو مازال يضع يده على فم عمر
ده٠٠ ده ٠٠
فقاطعته سما قائلة
ده أخوك ٠٠ اتوقع منه أى حاجة
فأنزل آدم يده من على فم عمر وشعر بالخجل قليلا ثم ضړب رأس عمر بخفة وهو يقول
جيبلى الكلام كده
فى المساء كانت سما تجلس فى غرفتها فسمعت صوت هاتفها فأخذت الهاتف وجدت ان المتصل رقم غريب لم تجيب فى البداية ولكن عندما وجدت ان المتصل يصر على الأتصال فأجابت
السلام عليكم
فأتى صوت شاب على الجهة الأخرى
وعليكم
حضرتك مين
انا آسر صاحب آدم مش فكرانى !
أندهشت سما
وحضرتك جبت تليفونى منين
من تليفون آدم
افندم!!! بقولك ايه انا مش راضية اقول ل آدم ع حركاتك دى لو عرف هيتصرف معاك تصرف مش هيعجبك
ابتسم أسر قليلا
لا مانتى لازم تعرفى حاجة مهمة آدم اصلا مش بيحبك ده واخدك تسلية مجرد رهان
انت بتقول ايه !!!
