رواية الفريده الفصول الاخيره
المحتويات
وطلع من جيبه شريط ستان ولفه على عيون فريدة ومسك ايديها ودخل بيها الباب الرئيسى
فريدة مراد ممكن افهم فى ايه
مراد ثوانى وفك الرباط من على عينيها
شافت الشاليه كله مزين بالورود والشموع وفى منتصف الشاليه مرسوم قلب بالورد وجواه قلب صغير من الشموع وعلى السلالم الرئيسى الا توصلك لاوضة النوم شموع
فريدة وضعت يديها على فمها من المفاجأة ودموع نزلت من عينيها
مراد مالك ياحبيبتي
فريدة مش مصدقة انك عملت كل ده علشانى
مراد انت روحى يافريدة ولسه هيقرب منها تليفونه رن اوف مين الغلس ده
فريدة رد يامراد
رد مراد وكان اسر بيساله ايه رايك وان وصى ليه على أكلة سمك وظبط التلاجة قفل معه ولف لفريدة احنا كنا بنقول ايه
مراد طلع وراءها ووجدت الاوضة مزينة مثل باقى الشاليه اخدها مراد فى وذهبوا لعالم خاص بيهم
أما فى القصر
كانت شوشو تجلس فى الجنينه عندما رن هاتفها وجدت اسم المتصل اسر
شوشو الو
اسر احلى الو دي
شوشو وهى بتضحك وبعدين بقى
اسر بحبك
شوشو اتكسفت ومردتش
اسر ساكتة ليه
شوشو اسر
اسر عيون وقلب اسر على فكرة اول اونكل مايرجع انا هكلمه اننا نتجوز على طول
شوشو لا طبعا لما كمل دراستى
اسر هتكمليها وانتى مراتى وبعدين هساعدك
شوشو إن كان كده ماشى
اسر الله الله
شوشو وبعدين ممكن تقفل علشان احضر حاجات الكلية
اسر اعملى حسابك انى هوصلك بكره سلام
شوشو سلام
أما فى عربية مراد
كان على سايق وهو باله مشغول بفريدة معقول اشوفك بعد السنين دي كلها انت تتجوزى الراجل ده ياه بس ياترى هو عارف علاقتى بفريدة لا مااعتقدش المهم انا لازم اتكلم معاها
أما فى الشاليه
صحيت فريدة من النوم شافت مراد نائم لبست روبها وأتسحبت من جمبه ونزلت تحت تفكر فى حياتها معقول اشوف على بعد السنين دي كلها وهنا وانا مع مراد ده قدر بس ياترى على بيعمل ايه هنا وايه الا رجعوا من بره ولسه مراته على ذمته ولا ايه
وياترى رد فعل مراد هيكون ايه بس انا لازم أقوله ايوه لازم احسن مايعرف من حد تانى فاقت من سرحانها على صوت مراد حبيبتى بتعملي ايه
فريدة ابدا صحيت ومحبتش اقلقك بس
مراد وهو يجلس بجوارها ممنوع تقومى من جمبى لازم اول حاجة افتح عيونى عليها هى عيونك الحلوين دول
فريدة ابتسمت
مراد تعرفى يافريدة انا بحبك اوى لدرجة انى بغير عليكى من اى حاجة مش متخيل انك ممكن تكونى لراجل تانى مقدرش اتخيل ده
فريدة سرحت فى كلام مراد صعبتها عليا اوى يامراد
مراد رجعتى لسرحانك تانى
فريدة ابدا المهم يلا ادخل خد شاور وانا هحضر الفطار
مراد باسها فى خدها ومشى
قامت فريدة تحضر الفطار وخرج مراد وفطروا بس فريدة سرحانة اوى
مراد لاحظ ده وحس انها ممكن تكون مضايقة من حاجة ومحبش يضغط عليها
وبعد الفطار طلعت فريدة غيرت وخرجت هى ومراد يعقدو بره على البحر
مراد وهو جالس بجوار فريدة انتي عارفة يافريدة انى مجتش الشالية ده من يوم حاډثه مازن كنت بخاف اجاى هنا بس لم اتجوزنا فضلت انى اجاى هنا علشان اتغلب على خوفى وانتي معايا علشان بستمد قوتى منك انت بالنسبالى مصدر قوتى اوعى فى يوم تبعدى عنى أو اتجرحينى لان ساعتها معناها موتى بعدك عنى وچرحك ليه يعنى بتكتبى شهادة وفاتى
فريدة حطت ايديها على اوعى تقول كلمة المۏت دي تانى انت حياتى انا بحبك اوى يامراد
أما فى الكليه عند شوشو قام بتوصليها اسر ونزلت على اتفاق انها قبل ماتخلص بوقت كافى حتى ياتى لاخدها ويعزمها على الغداء
دخلت شوشو الكلية اول ماشافتها رنا جريت عليها شوشو ازيك فينك
شوشو موجودة
رنا على فكرة احنا كلنا بعدنا عن خالد بعد الا حصل
شوشو استغربت أنهم على علم باللي حصل
رنا متستغربيش احنا عارفنه من عمر لم اختفيت فجأة وهو كمان عمر حاول يوصله وبعد ماوصله ضغط عليه اعترف بالعملة الا عملها ومعندكيش فكرة رد فعل عمر ايه واحنا كمان بس صدقينى احنا مكناش نعرف نواياه احنا بجد حبناكى
شوشو خلصتى
رنا اه
شوشو عن اذنك وعلى العموم انا مش زعلانة منكم بس خلاص مينفعش نرجع صحاب تانى ونخرج مع بعض انا مش هقدر اثق فيكم تانى احنا زمايل بس عن اذنك
مشيت شوشو وهى حاسة انها كده بقت مرتاحة اكتر واخدت محاضراتها وقبل محاضرتها الأخيرة طلبت اسر الا اول ماخلصت وخرجت شافته واقف وساند على العربية قربت منه وابتسمت وهو
فتح باب العربية وركبوا وصلوا مطعم علشان الغداء
شوشو حكت لمراد كل كلامها مع رنا
اسر كان من جوه سعيد أن شوشو بدءت تحكيله كل حاجة اتغدوا فى جو من السعادة والبهجة واتكررت طول فترة سفر مراد بس بعلمه واذنه
مر اسبوع على ابطالنا فى سعادة وهنا وجاء اليوم إلا فريدة ومراد راجعين فيه وصل على ليهم واخدهم ورجعوا على الفيلا وكان الكل فى استقابلهم وعملوا حفلة صغيرة ليهم وكانت شوشو صاحبة الفكرة وأعلن مراد فيها موافقة على خطوبة اسر وشوشو
وأصر اسر أن يتمم الزواج فى اسرع وقت
مراد الاول ماكنش موافق بس وافق فى الاخر لما شاف نظرة السعادة فى عين شوشو
عدى كمان اسبوع وكان كله دلع وسعادة وحب
اليوم مراد نازل راح الشركة فريدة طلبت منه أنه يبعت حد معاها علشان عايزة تشترى حاجات
وافق مراد واتفق انه هيبعت على ليها
وبعد شوية وصل على لفريدة خرجت ليه بعد مانعمة بلغتها أن على بره
فريدة خرجت لعلى
على اول ماشاف فريدة ازيك يافريدة
فريدة انت عايز ايه ياعلى وتقصد ايه بشغلك مع مراد
على انا مكنتش اعرف انه جوزك
فريدة وعرفت يبقى اتفضل
على انت عمرك مكنتى قاسېة كده
فريدة قاسېة تعرف ايه انت عن القسۏة لم سبتنى وروحت اتجوزت زميلتي علشان الفلوس وكسرت قلبى
على كان ڠصب عنى
فريدة انتهيت خلاص انت تسيب الشغل مع مراد فورا
على ليه خاېفة يعرف اني كنت خطيبك وحبيبك
فريدة اخرس واسمى فريدة هانم مفهوم
ولم يكونو يعرفو بأن أحد قد سمع
ياترى ايه اللي هيحصل
ومين اللي سمع الكلام
هنعرف الحلقة الجاية
الحلقة ٢٣
كانت هناك عيون وأذن تتابعهم بدون أن يشعرو.. وأول مامشيوا جريت على التليفون وطلبت رقم الشخص اللي قابلته من فترة
فلاش باك
كانت نعمة العاملة فى فيلا مراد رجعه بيتها بعد ماخلصت شغل وجدت شخص ينتظرها خارج الفيلا
الشخص ازيك يانعمة
نعمة باستغراب وحضرتك تعرفنى
الشخص مش مهم المهم أن عايزك فى مصلحة كده
نعمة مصلحة ايه
اشخص هنتكلم واحنا واقفين كده تعالى معايا
نعمة انت فاكرنى ايه ياجدع انت انا اشرف منك والله لو مابعدت عنى لصوت ولم عليك الناس
الشخص هششش انت فهمتى ايه انا عايز اتكلم معاك فى موضوع لو عملتيه هتاخدى مبلغ حلو يساعدك انت والواد الميكانيكى انكم تتجوزو ويفتح ورشة بدل المرمطة الا هو فيها
نعمة وانت عرفت منين الموضوع ده
الشخص انا اعرف كل حاجة قولتى ايه
نعمة وقد لمعت فى دماغها فكرة قول الاول
الشخص بس ياستى انا عايز اعرف كل حاجة عن مراد بيه تخصه أو تخص أى حد من طرفه ولو عملتيها صح ليكى عندى مبلغ محترم
نعمة تمام اتفاقنا بس نتفق الاول انا هاخد ربع مليون جنيه
الشخص نعم لا كتير
نعمة لا مش كتير واكيد هتكسبوا من ورا المعلومات اللي هقولها كتير اوي
الشخص انتي مش سهلة بس موافق
نعمة دى خبطة العمر يااستاذ الا هرتاح بعدها من الخدمة فى البيوت
الشخص اتفقنا
باك
فاقت نعمة وهى بتحاول تتصل بيه على رقم التليفون اللي عطهولها وفى الاخر رد
الشخص الو ايوه يانعمة
نعمة ايوه يابيه ليك عندى خبر لوز
الشخص قولى
نعمة حكت ليه الا سمعته بين فريدة وعلى
الشخص عارفة لو طلعتى بتلعبى بيا هعمل فيكى ايه
نعمة وهى بتبلع ريقها بصعوبة عيب عليك يابيه حضرتك ممكن تتأكد من كلامى ده
الشخص اكيد هتأكد سلام
بعد ماقفلت نعمة معاه لنفسها ياه يابت يانعمة لو ظبطت واخدت الفلوس دى انا هعمل عمايل فاقت من سرحانها على صوت سميحة يانعمة انت يانعمة راحت فين البت ده
نعمة حاضر انا جايه اهو
فى مكان آخر يجلس وليد ذلك الشخص الذى يعمل لحساب الباشا
وليد بعد ماقفل مع نعمة بيكلم نفسه دى لو الموضوع طلع كده يبقى احلوت اوى وهى ده الضړبة الا مستنايه الباشا بس قبل ماقوله لازم اتاكد الاول
أما عند مراد فى الشركة
وصل مراد الشركة دخل على مكتبه وبعد شوية الباب خبط وكان اكرام صباح الخير ياعريس
مراد وهو بيضحك عريس ايه ياعم ماانتوا نزلتونى من شهر العسل
اكرام اسبوعين وتقول نزلناك ايه ياعم
مراد يابنى هو مش شهر عسل يبقى شهر مش اسبوعين وبعدين تعالى هنا هو اسبوع واحد بس والتانى كنت فى البيت يعنى لو حسبتها اسبوع پس
اكرام ماشى ياعم لم نخلص شغلنا ابقى خد الإجازة الا تريحك قبل مايجى الا يطير النوم من عنيك
مراد حس بۏجع فى قلبه من كلام اكرام لأنه عمره ما هيعيش احساس الأبوة ده خالص وكان نفسه يصارح فريدة بس خاف تبعد عنه لأن اى ست نفسها تبقى ام فاق من سرحانه على صوت اكرام ايه ياعم روحت فين
مراد هه معاك كنت بتقول ايه
اكرام ابدا كنت بتكلم فى تفاصيل مناقصة جديدة
مراد معاك
ظل مراد طوال اليوم مابين اجتماعات علشان المناقصة
أما عند فريدة فطلبت من على أنه يوصلها المقاپر لزيارة والداتها فقد فاتت معاد الذكرى السنوية لۏفاة والدتها وهى فى شهر العسل
وصلت امام قبر والداتها قرأت ليها الفاتحة وبعدها اخذت تكلم والداتها انا اسفة انى أتاخرت عليكى بس انتي اكيد حاسة بيه وعارفة انا كنت سعيدة ربنا وعوضنى ياماما بمراد انا بحبه اوى وهو كمان كان نفسى تكونى معايا وتشاركينى فرحتى وبدأت الدموع تنهمر من عيونها بس خاېفة ماما أن السعادة دي كلها تروح منى بسبب ظهور على لو عرف طبيعة علاقتنا مش عارفة هيكون رد فعله ايه وخصوصا أن مراد بيغير اوى مش عارفة أقوله ولا لأ كنت محتاجة اوى ياامى وحشتينى اوى القپر وأخذت تبكى عدى وقت وفريدة لم تخرج خاف على ليكون أصاب فريدة مكروه دخل وجدها تجلس امام القپر وحالتها يرثى ليها صعبت عليه قرب منها
على فريدة فريدة لم يسمع منها اى رد فعلم انها اغمى عليها حاول يفوقها وفى الاخر فاقت
فريدة بدأت بتفتح عيونها اتفاجئت أن الا بيحاول يفوقها هو على بعدت عنه بسرعة انت ازاى تمسكنى كده
على وهو بيرفع أيديه بمعنى أهدى انا لم لقيتك اتاخرتي خۏفت يكون حصلك حاجة فدخلت وراكي وشوفتك وانتي مغمي عليكى ففوقتك بس وبعدين مالك يافريدة دى انا على بردو
فريدة بعد كده متتدخلش فى حاجة متخصكش وتفضل يلا وصلنى
ركبت العربية معه لحد ماوصلوا الفيلا من غير ولا كلمة نزلت من عربية وبعد مامشيت لفت لعلى الاحسن ليه وليك انك تمشى مفهوم وسابته ومشيت دخلت الفيلا وراحت على اوضتها حمدت ربنا أن مكنش حد موجود فضلت تاخد حمام دافي حتى تهدىء اعصابها
عدى وقت وسمعت خبط على باب اوضتها سمحت بدخول كانت عائشة ممكن ادخل
فريدة تعالى ياشوشو
شوشو باستها فى خدها بتعملى ايه سالت داده عليكى قالت انك من ساعة مارجعتى وانتى فى اوضتك
فريدة ابدا اصل رجعت تعبانة فقولت اريح شوية
شوشو مالك ياديداه
فريدة ابتسمت مفيش شوية إرهاق ممكن
وهنا دخل مراد معقول الشمس والقمر مع بعض فى نفس الوقت وقرب منهم وباسهم
فريدة حمد لله على سلامتك ياحبيبى
مراد الله يسلمك
شوشو وهى تقوم تقف هاروح انا اشوف الاكل وانت ياسى بابا شوف دايداه ملها شكلك مزعلها
واول ماخرجت شوشو مراد لف لفريدة وقرب منها وملس على شعرها بحنان مالك ياحبيبتى
فريدة مفيش
مراد طب ايه معنى كلام شوشو ده
فريدة بملامح حزينة ابدا اصل روحت زورت ماما النهارده علشان كانت سنويتها واحنا فى شهر العسل
مراد وقد احس بالحزن طب ليه ياحبيبتى مقولتيش كنت روحت معاكى
فريدة محبتش اشغلك
مراد وهو بيقرب من فريدة انا عمرى ماانشغل عنك انت متعرفيش انا بحبك ازاى
فريدة ربنا مايحرمنى منك
لسه مراد هيبوس فريدة الباب خبطت
فريدة ضحكت على أن كل مايكون فى لحظه حلوة شوشو تقطعها
مراد اضحكى اضحكى ناكل وبعد كده نشوف الموضوع ده
قعدوا مع بعض على السفرة واتغدوا وطبعا كان فيه بعض مناوشات من شوشو بس مراد لاحظ أن فريدة سرحانة
بعد الغداء دخل مراد هو وفريدة على اوضتهم
مراد مالك يافريدة
فريدة مفيش ياحبيبى
مراد لا فيه انت من ساعة الغدا وانت سرحانة
فريدة معلش ممكن مشوار الصبح هو إلا عمل فيه كده هنام شوية ان شاء الله هبقى كويسه
مراد تمام علشان هنخرج بليل
حاولت فريدة تنام لعلها تجد من النوم حل لمشكلتها
صحيت من النوم وجدت مراد ينظر إليها كل ده نوم ياحبيبتى
فريدة وانا نمت كتير
مراد بيبص فى ساعته الساعة دلوقتى ١٠
فريدة ياه
مراد شكلك كنتى تعبانة وكمان ضعيت علينا السهرة
فريدة معلش ياحبيبى انا اسفة
فريدة وهى بتقوم حاضر
طلب مراد أن العشاء يتجهز فى اوضتهم وتم تزين الغرفة بالشموع
خرجت فريدة من الحمام وهى لفة جسمها بالمنشفة عملت كل ده امتى يامراد
مراد وهو بيقرب منها ساعة مادخلت الحمام
فريدة انت لم تكمل كلامها لان مراد
وفى الصباح استيقظ ونزلوا على الفطار
وهم بيفطروا تليفون مراد رن صباح الخير ياست الكل
زينات صباح النور يابكاش ايه من يوم متجوزت وانت مسالتش عليه ايه من لقى أحبابه
مراد بضحكة لا بس بتقولى كده دى انت الحب الاول ونظر لفريدة وجد عينيها بطق غيرة الحقينى احسن فى أسلحة دمار شامل جمبى خدي كلميها
اعطى مراد لفريدة التليفون واول ما قالت الو
اتها صوت زينات اهلا بالناس الوحشه الا مش بتسأل
فريدة اهلا ياطنط سامحينى
زينات هسامحكم بشرط تحضروا حفلة المعاش بتاعتى
فريدة بس كده من عينى هى امتى
زينات يوم الخميس الا جاى
فريدة حاضر
زينات تمام سلميلى على مراد وشوشو
فريدة حاضر
قفلت فريدة مع زينات وبلغتهم بكلام زينات واتحمسوا كلهم وخصوصا شوشو
مراد خلاص لو عايزين تنزلوا تشتروا حاجات للسفر تمام كلمونى وابعت على ياخدكم
فريدة مرة واحدة لا على لا
مراد ليه يافريدة
فريدة تدراجت انفعالها ابدا قصدى انى هنزل مع شوشو ونلف براحتنا
مراد زى ماتحبى
خرج مراد واتفقت شوشو مع فريدة على النزول
وفى المساء فى منزل على
كان يجلس على يفكر فى كلام فريدة بأن لابد من ترك عمله عند مراد وفجأة جرس الباب رن
على لنفسه ياترى مين الا جاى
فتح على الباب وجد شخص اول مرة يراه مين حضرتك
وليد وهو يخلع النظارة ممكن ادخل ونتكلم جوه
على شاور بايده معنى ادخل
دخل وليد وقعد على اول كرسى وضع ساق فوق ساق طبعا انت متعرفنيش بس اللي احبك تعرفوا أني أعرف عنك كل حاجة من اول ماكنت خاطب فريدة الا هى دلوقتى مرات مراد الحناوى مرورا لما فسخت خطوبتك منها واتجوزت زميلتها فى الشغل علشان السفر وسفرت معاها والبت ياحرام اول ماظبطت حالها مع واحد سعودى لفقت ليك قضية محترمة واترخلت من هناك واتمرمطت فى النوادى لحد ما اشتغلت عند مراد ايه رايك بقى
على انت مين وعايز ايه منى يخليك تجمع
كل المعلومات دي عنى
وليد وهو بينفخ دخان السچائر انا مين انا وليد وعايز ايه عايز مصلحتك
على مصلحة ايه
وليد بس كل اللي احنا عايزينوا اننا ندمر مراد وقبل متسأل ليه هجاوبك وأقولك انت مالك
على هساعدكم ازاى
وليد هتصحى الحب القديم من تانى وده الا هيكسر مراد
على ولو رافضت
وليدوهو يدفس السجارة فى الطافيه لو رفضت احنا هنقول لمراد الحقيقة بس ساعتها هنزود شويه تحبيش من عندنا لكن لو وافقت هتاخد مبلغ محترم ممكن تاخد الموزة كمان قبل ماترد فكر وطلع من جيبة كارت لما توصل لحل كلمنى بس ادامك يومين بس سلام
خرج وليد تحت نظرات على اللي مستغرب ازاى قدر الشخص ده يعرف عنه كل حاجة وكمان بيهدده لو رفض ممكن ينتقموا منه ولو وافق هيستفيد ممكن فريدة ترجع ليه وبعد تفكير طوال الليل كان حسم قراره واتصل بوليد وبلغه موافقته بس وليد حذره لو فكر يلعب بديلوه
عدى باقي الايام من غير اى احداث لحد ماجاء صباح يوم الخميس صحيوا من بدرى ونزلوا تحت وجدوا شوشو واسر
مراد . صباح الخير ياولاد
شوشو واسر معا صباح النور
مراد وهى بيبص على أسر انت هنا من امتى
اسر من بدرى اصل بعد اذنك قررت انا وشوشو اننا نسافر مع بعض وحضرتك وفريدة تسافروا مع السواق
مراد بس انا متفقتش معه
اسر متقلقش انا كلمته وهو على وصول
مراد ده انت مرتب كل حاجة
اسر وافق
مراد وهو بيبص لشوشو
فبدلته نظرة معناه وافق
مراد امم موافق
شوشو جريت على مراد باسته فى خده شكرا يابابا
خرجت شوشو مع أسر تحت نظرات مراد الا بتتمنى ليهم السعادة
بعد شوية نزلت فريدة وجدت على وجه مراد ابتسامة صباح الخير ياحبيبى
مراد صباح النور
فريدة ممكن اعرف سر الابتسامة دي
مراد ابدا السر فى وجودك انتى وكمان سعادة الا فى عيون شوشو
فريدة وهى تدور على شوشو
مراد متدوريش كتير هى سابقتنا مع أسر
فريدة واحنا
وقبل مراد مايرد كان جرس الباب رن ده اكيد على
عند سماع فريدة اسم على حست بضيق
مراد لو جهز يلا بينا يانعمة
اتت نعمة . ايوه ياافندم
مراد افتحى الباب وهاتى الشنط
على صباح الخير ياافندم
مراد صباح النور من فضلك خد الشنط من نعمة حطهم فى العربية
راح على اخد الشنط من نعمة وخرج بيهم
مراد حس بضيق فريدة قرب منها مالك ياحبيبتى
فريدة مفيش بس كان نفسى نسافر مع بعض
مراد معلش مااحنا هنعقد مع بعض
فريدة هزت راسها بالموافقة
خرجت فريدة وهى ممسكة بيد مراد كأنها تستمد منه القوة واول ماوصل عند العربية مراد معلش ياحبيتى اركبى انتى وانا نسيت حاجة هجبها وهجي علطول
مشى مراد وجاءت فريدة تركب العربية وجدت من يمسكها وحشتينى يافريدة كان هذا على
فريدة وهى تنفض ايديها وبعصبيه انت اټجننت ازاى تمسكنى كده
على
فريدة اوعى ايديك دي عنى واوعى تنسى نفسك تانى مفهوم
كاد على يرد لكن لحظ مراد اتى عليهم اركبى ياهانم مراد بيه جاى
ركضت فريدة ناحية مراد كأنها تبحث عن الأمان وجدته بمجرد رؤية مراد
استغرب مراد من رد فعل فريدة خير ياحبيبتى مالك
فريدة مفيش اصلك اتاخرت
مراد ابدا متاخرتش انا كنت بجيب مفاتيح شقتنا فى اسكندرية بس يلا شكلك بتدلعى
مشيت فريدة مع مراد وركبت معه العربية تحت نظرات على ونظرات شخص آخر كان يلتقط الصور لفريدة وعلى ممسك بيدها
ظلت فريدة طول الطريق ممسكة بذراع مراد حتى راحت فى النوم
أما فى العربية مع أسر
ظل اسر ممسك بأيد عائشة طوال الطريق
شوشو بكسوف وبعدين يااسر
اسر تعرفى ياشوشو نفسى فى ايه
شوشو اتكسفت وحطت وشها
اسر ضميرك وحش
شوشو ضړبته فى كتفه
اسر اه
شوشو تستاهل
اسر كده حبيبك يهون عليكى
شوشو اه
اسر انا بحبك اوى نفسى اخطفك ومسك ايديها وباسها
شوشو وانا كمان
اسر كده ماينفعش انا اول ماوصل اسكندرية هگلم اونكل نتجوز على طول
شوشو اكتفت بابتسامة
أما فى اسكندرية
كانوا وصلو اسر وعائشة الاول الى الدار
وبعد شوية وصل مراد وفريدة
اول ماوصلت فريدة جريت على الناس إلا فى الدار وسلمت عليهم وكان فيه طبعا رجالة ومراد اتغاظ جدا
شوشو لاحظت ده قربت من فريدة خفى أحسن فى ناس هتولع وكانت تقول كلماتها وهى تنظر لمراد
فريدة راحت ناحية مراد حبيبى
مراد بغيظ حبيبك
فريدة طبعا وروحى انت بتغير يامراد
مراد اه بغير من الهواء من فضلك راعى شعورى شوية
فريدة حاضر
وبدأت الحفلة وتم تكريم زينات وايضا فريدة وكانت مفاجأة ليها
وبعد كده كانت كتب كتاب كمال وكوثر وفرحوا الكل
اسر راح لمراد وطلب منه أنه يوافق على جوازه بسرعة ومراد وعد بالتفكير
أما فريدة استأذنت مراد انها تتكلم مع ماما سعاد
ماما سعاد فيكى ايه يافريدة
وكأنها بتلك الكلمات اعطتتها إشارة بالعياط
ماما سعاد وهى بطبطب عليها أهدى اتكلمى
فريدة حكت ليها عن ظهور على وأنها خبت على مراد معرفتها بيه
ماما سعاد مراد لازم يعرف
فريدة بس
ماما سعاد من غير بس احكيلوا
فريدة هحاول
مراد جه عليهم واستأذن منهم وأخد فريدة
ظلوا يومين فى اسكندرية حاولت كتير تقوله لكن كانت بتتراجع فى الاخر
عدى حوالى شهرين او اكثر كانت فريدة خلالهم تتجنب الخروج لوحدها حتى تتجنب رؤية على
لكن فى يوم وفريدة فى البيت جالها تليفون خرجت على أثره تجرى
ياترى مين اللي كلم فريدة
هنعرف الحلقة الجاية
الحلقة٢٤
بعد مرور حوالى شهرين او اكثر كانت فريدة خلالهم تتجنب الخروج حتى لا يصر مراد على خروجها مع على
وفى يوم وفريدة فى البيت جالها تليفون على الارضى واستغربت مين اللي هيكلمها على الارضى رفعت السماعة الو
أتها صوت ليس غريب عليها وتأكدت عندما قالت المتصلة فريدة انا محتاجلك كان هذا صوت اختها علا وكانت تبكى
فريدة بقلق علا مالك فيكى ايه
علا بصوت مملوء بالدموع انا محتاجلك اوى
فريدة انت فين
علا انا فى البيت
فريدة انا جاية
وخرجت فريدة بسرعة بدون حتى أخبار أحد او الاتصال بمراد وكان عقلها مشتت باختها ماذا حدث معها
اخيرا وصلت فريدة تحت منزل اختها ركضت بسرعة على السلم دون انتظار المصعد فمنذ سماع صوت اختها وهى فى حالة يرثى لها وصلت إلى الشقة اخذت ترن الجرس مرات متكررة
اخيرا فتحت ليها علا وكان وجهها شاحب وعينيها حمراء من كثرة البكاء ومحلقة بالسواد حولها واول ماشافت فريدة اترمت فى واخذت تبكى بشدة وبصوت وفريدة تربت على ضهرها محاولة تهدئتها
بعد محاولات من فريدة لتهدئة علا اخيرا هديت ممكن افهم فى ايه وفين أخوكى وولادك وجوزك ايه الا حصل
علا مابين شهقاتها ذنبك ربنا انتقم منى
فريدة ذنب ايه وانتقم ايه انا مش فاهمة حاجة
علا انا هحكيالك الحكاية بدأت تحكى ليها عن انانيتهم وحبهم الفلوس الاعمهم ولعبهم عليها وسړقت أرباح الشركة وكل تصرفاتهم
كانت فريدة تسمع الى علا وهى فى حالة صدمة غير مستوعبة أو مصدقة أن اخواتها الا ضحيت بكل حاجة عشانهم يعملو فيها كده
علا طبعا انتي مش مصدقة اننا ممكن نعمل كده بس ده الا حصل كان الطمع عمينا انا كلمتك علشان تسامحني وتعرفى أن ربنا اخد حقك منى
وطمعهم فيها كملى ايه الا حصل
علا من حوالى شهر اتخانقت انا وعلاء مع بعض واتفقنا اننا نفوض الشركة وفعلا هو اخد نصيبه واخد مراته وولاده وسافر بره وانا مسكت الشركة لوحدى كان فى مناقصة وكنت محتاجة سيوله فجوزى اقنعنى اننا ناخد قرض من البنك بضمان الشركة وانا وافقت واخدنا القرض وحظنا الفلوس فى البنك المهم انا كتبت توكيل لجوزى استغل ده وسحب الفلوس وحاولها على بره واخد الولاد معه على أساس فسحة وانا هحصلهم لكن للاسف من حوالى اسبوع وصلنى جواب منه فى ورقة طلقى اټجننت طبعا وعرفت انا حول الفلوس ومش بس كده اتجوز السكرتارية بتاعتى شوفتى اڼتقام ربنا ومع اخر كلماتها كانت اڼهارت من العياط
فريدة احست بشفقه على اختها أهدى كده وهتعمل ايه
علا هعمل البنك هيحجز على الشركة وكمان الشقة ده باعها والمفروض امشى بس مش عارفة هروح فينا
فريدة وهى بتاخد علا فى مش عارفة هتروح فين هتروحى بيت ابوكى
علا بعدت عنها بيت بابا وهو فين ده
فريدة بيتنا الا اتربنا فيه ده مقفول من ساعة ماسافرت اسكندرية كنت لم بجى ازور بابا وماما افتحوا شوية ورجع اقفله تانى
علا بس ده بيتك انتى احنا بعاينا نصيبنا فيه
فريدة انتي هبلة البيت ده هيفضل طول عمره بيتنا الا اتربنا فيه خدي وراحت مطلعة المفتاح من الميدالية وادتهالها
فريدة ازاى ايه
علا ازاى عندك القدرة دي كلها على التسامح
فريدة شاورت على دراعها علشان الا بيجرى ده دمنا احنا اخوات ومهما حصل هنفضل اخوات
علا بس جوزك وانا مش عايزة اتسبب فى مشاكل معه وهو يعنى اخر مرة وانا والله مش زعلانة هو كان معه حق
فريدة متشغليش بالك ولو على مراد هو قلبه ابيض واكيد هيقف معانا
علا فريدة جامد سامحينى
فريدة ياهبلة انتي اختي المهم نوصل لعلاء ونكلم مراته علشان تكلم اخوها علشان خاطر الاولاد
علا بضحكة تهكمية كلمته اقفل السكة فى وشي وقال متسببيش فى مشاكل مع مراتى ومسالش عليه
فريدة باسف متزعليش انت عارفة أن علاء طول عمره ضعيف الشخصية المهم قومى لمى هدومك وتعالى معايا
متابعة القراءة
