رواية الفريده الفصول من 13_18

اسفه يادادى مقصدش اضايق حضرتك
مراد وهو بيطبطب عليها ولايهمك عموما انا كلمت اكرام وهو هيتصرف
شوشو ازاى
مراد هيشترك ليكى فى النادى علشان تخرجى ويكون ليكى صحاب
شوشو بس فى حاجة حضرتك مش واخد بالك منها
مراد ايه
شوشو الدراسه يادادى هنعمل ايه فيها
مراد انا مش ناسى وكلمت اسر يخلص كل الاوراق بتاعتك ويبعتها لينا واكرام يتصرف 
شوشو حاسة بفرحة عند سماع اسم اسر دادى وحضرتك ناوي تعقد هنا على طول وشغلك هناك خلاص كده
مرادبصراحة أنا نفسى اعيش فى بلدى وشغلى متقلقيش عليه اسر متابعه هناك انا الا مستغربه أنه اسر مش عايزة يرجع متعرفيش ليه
شوشو بحزن لا اكيد عجبته القاعدة هناك
مراد ممكن
وهنا تليفون مراد رن كانت زينات الو 
زينات ازيك يامراد 
مراد الحمد لله ياعمتى 
وهنا استأذنت شوشو وخرجت قبل دموعها ماتفضحها خصوصا بعد معرفتها برفض اسر نزول مصر لنفسها اكيد قاعدة مع الست كريستينا 
زينات اخبارك ايه 
مراد حس انها عايزة تسال على حاجة معينة معقول فريدة تكونها اشتكتلها كل تمام انتي بتسألي على حاجة معينة
زينات وقد اكتشف أمرها عادى اصل بكلم فريدة صوتها فى حاجة 
مراد هى اشتكت ليكى 
زينات بنفى ابدا انا بكلمك انت علشان لو فى حاجة حلها يامراد فريدة حساسة اوى ياريت لو شوشو بتضايقها تكلمها ولو مضايقين منها انا ممكن اكلمها وترجع تانى الدار
مراد بسرعه لا طبعا تسبنى ازاى وقد أدرك ماتفوه بيه قصدى أن حضرتك بتشكرى فيها وفى شغلها فمش هينفع نمشيها رجاء ياعمتى لو هى طلبت كده تكلميها علشان تمشى اقنيعها انها تفضل معانا علشان هى اخدت علينا واحنا كمان اخدنا عليها
زينات وقد ابتسمت وحاسة أن هدفها قرب على التحقيق حاضر المهم حاول انت تلطف الجو مابينها وبين شوشو
مراد حاضر 
وقفل مع عمته انا ايه الاقولته ده معقول اكون مش عايزاها تبعد طب ليه وهى فعلا ممكن تزهق منى لا مستحيل هى اكيد مقدره ظروفى انا اول ماتدخل عليا احاول اعتذر منها وخلاص جرى ايه يامراد انت رجعت مراهق من تانى هى غلطت ومينفعش تتدخل فى شغلى وكمان انا مش عايز اجرى وراء عواطفى ممكن تكون معاملتها ليه مجرد شفقه لحالتى مش اكتر فاق من كلامه مع نفسه على خبط الباب بس فى ساعته عرف ان ده معاد علاجه فتأكد انها هيا 
دخلت فريدة واضح من معالم وشها انها معيطةمن اول عينيها المنفوخة من كتر العياط لحد وشها الاحمر وصوتها 
زعل جدا من نفسه أنه وصلها لكده حب يصلح الموقف لكن اتفاجىء بموقف فريدة الا اتكلمت بجديه اكتر معاد دواءك يامراد بيه 
مراد مستغرب طريقه فريدة والجديه
الا بتتكلم بيها معها غير عادتها فهى طوال الفترة الافاتت كانت تدخل عليه وعلى وجهها ابتسامة وسعادة وضحك لكن المرة دي أعطت له الدواء دون اى كلام اخر وبعد ماخلصت عملها حضرتك تأمر بحاجة تانيه
مراد لا متشكر
خرجت فريدة من عند مراد قابلت سميحة فريدة يابنتى مالك شكلك معيط
فريدة وهى بتحاول تدرى دموعها سلامتك ياداده مفيش 
سميحة قربت منها فضفضى يابنتى اتكلمى يمكن مكنش قد المقام ولا اكون متعلمة زيك بس ممكن انصحك
فريدة وهى رأسها متقوليش كده انت مقامك عالى بس صدقينى اول مقدر اتكلم مع حد هتكونى انتى اعذرونى بس 
سميحة وهى بتطبطب عليها بحنيه ربنا يروق حالك 
أما عند شوشو اول ماخرجت من عند بابها طلعت على اوضتها واترمت على السرير ټعيط على أسر وتقول لنفسها معقول احساسى كدب عليا وانا بالنسباله ولا حاجة بس ازاى وانا اول ماكان ياخدنى فى كنت بحس بالأمان معقول احساسى غلط اكيد كده ماهو مش معقول يكون بيحبنى بس الا بيحب حد بيكون عايز يشوفه لكن دادى قال إن رافض ينزل مصر يبقى ازاى بيحبنى عموما وهى بتمسح دموعها انا لازم انساه وأخرج واصاحب واتعرف على ناس جدد وحياتى مش هتقف عند حد وقامت ودخلت تاخد شاور وقررت تنزل تستأذن من بابها انها تخرج تروح مول تشترى شويه حاجات 
أما عند اسر غرق نفسه طول الفترة الافاتت فى الشغل علشان يحاول ينساها بس للاسف اول مابيغمض عينه بيفكر فيها ڠصب عنه وصورتها بتيجى فى باله على طول خصوصا لم طلب منه مراد أن يخلص كل إجراءات نقلها للجامعه فى مصر وحس ناحيتها بمسئوليه فهو يعلم جيدا أن قطته شقيه وخاېف عليها من الناس لانها ممكن تتصرف اى تصرف بعفوية بس يتفهم غلط فلازم يكون جمبها حتى لو هى رفضه قربه ده بس يحاول يحميها من بعيد لبعيد لان حاسس بالمسئوليه ناحيتها حتى لو مكنتش حبيبها فقرر أن يخلص مشروع مراد وينهى كل اعمالهم بره ويرجع مصر يستقر فيها وكمان يكون والده خلص علاجه وقرر أنه يتصل بمراد وبوالداه ويفتح معاهم الموضوع 
أما عند مراد استغرب من تصرف فريدة معه وتجاهلها ليه طول النهار فهى لاتدخل اوضته الا عند اعطائه العلاج أو فى وجود دكتور العلاج الطبيعى وبس وهو لايجد فرصة الكلام معها لأنها لا تعطيه فرصة فهى حديثها معاه فى إطار دورها كممرضة 
دخلت عليه شوشو تستأذن انها تروح المول الا جمبهم بس مراد اعترض لأنه خاېف عليها وطلب منها تأجل مشوراها حتى يتمكن من اخبار اكرام وتوفير سائق لها 
عدى اسبوع والوضع بين فريدة ومراد لم يتحسن فريدة لم تعطى فرصة لاى حديث غير مواعيد الدواء وجلسات العلاج 
جاءت زينات للاطمئنان على مراد وفريدة 
عند رؤيه فريدة لزينات ابتسمت وفرحت وكانت أول مرة مراد يشوف فيها فريدة مبتسمة كده بعد الاحصل 
فريدة بفرحة حمد لله على سلامه حضرتك
زينات الله يسلمك يافريدة عاملة ايه اوعى يكون حد مزعلك هنا كانت تقول هذه الكلمات وهى بتبص ناحيه مراد وشوشو
فريدة لا مفيش وبعدين انا هنا فشغلى وبس 
مراد اهو ياستى اتاكدت بنفسك أن مفيش حد مزعلها المهم انتي اخبارك ايه
زينات الحمد لله أنا عارفة انى مقصرة معاكم بس خلاص متقلقش كلها كام شهر واطلع على المعاش واجي اقعد معاكم وتزهقوا منى 
مراد انا عمرى مزهق منك 
زينات ايه ياشوشو من ساعة ماقعدنا متكلمتيش
شوشو بغيظ ابدا عادى واضح أن فى ناس عندك اهم منى وبصت ناحية فريدة 
زينات لحظت كده قربت منها مفيش حد اهم منك 
فريدة اتحرجت من كلام شوشو فستأذنت انها تقوم تحضر الدواء مراد فضل متابعها لحد مااختفت وطبعا زينات ملحظه كده وكانت فرحانة 
بعد شوية حضروا الغداء الا اعتذرت منه فريدة بحاجة انها فطرت متأخر مش هتقدر تاكل 
وعلى بالليل كان الكل اجتمع واكرام كمان وأصرت زينات على وجود فريدة 
قعدوا الكل يتكلمو ويفتكروا فى ايام زمان وطبعا مراد متابع فريدة الا بتبتسم وسعيده 
مراد خلاص
بقى ياعمتو كفاية 
زينات ماشى صحيح يافريدة ابقى كلمى كمال احسن من ساعة مامشيتي عامل اعتصام
فريدة حاضر أنا عارفة انى قصرت معاه ومعاكم وهو وحشانى اوى 
فجأة مراد اتعصب اوى وحاول يزق نفسه بنفسه وطبعا الكل استغرب ماعدا زينات الا قصدت تقول كده علشان تتأكد من حاجة هى ملاحظها فى نظرات مراد لفريدة وتأكدت لم مراد اتنرفز من سيرة كمال ضحكت 
اكرام أهدى يامراد انا هزقك
مراد بنرفزة انا مش عاجز ومش محتاج مساعدة من حد انا هزق نفسى بعد اذنكم
شوشو ماله دادى انا اول مرة اشوفه متنرفز كده
اكرام صحيح ايه الاحصل
زينات هى الوحيدة الاعارفه معلش انتوا عارفين الحالة الا فيها مراد متزعلش منه يااكرام 
اكرام عمرى مازعل منه عن اذنكم
اما مراد دخل اوضته وهو متنرفز مش عارف ايه السبب ليه ضايق كده من فكرة أن فريدة ممكن يكون فى حد فى حياته طب ماهو طبيعي وجود حد هى صغيرة وحلوة انت ازاى انانى كده هى طبيعي تكون بتحب 
بعد شوية الباب خبط ودخلت زينات على مراد ممكن ادخل 
مراد اتفضلى
زينات ممكن افهم انت اتنرفزت فجأة ليه
مراد عادى مش عايز اتعب الا حواليا
زينات بس تتعب نفسك انت
مراد تعب نفسى علشان زقته نفسى
زينات مراد انت فاهم أن اقصد ايه وشاورت على قلبه افتح ده هترتاح وتريح
مراد تقصديه ايه 
زينات انت بتحب فريدة
مراد برق بعينيه وحاول يزق نفسه وبيبعد بحب لا طبعا مستحيل
زينات متكذبش على نفسك اولا وانا ثانيا نظراتك ليها عينيك فضحتك ونرفزتك لم جاءت سيرة كمال 
مراد بضحك عمتى حضرتك خيالك واسع اوى
زينات اضحك اضحك بكرة تعرف على فكرة فريدة شبهك اوى هى كمان ضحيت علشان خاطر الا حواليها زيك بالظبط حاول انت وهى تعترفو لبعض علشان تعوضو بعض عن الا فات وقامت مشيت اتحركت ناحية الباب بس قبل ماتخرج على فكرة كمال ده يبقى بابا كمال بالنسبة لفريدة تصبح على خير
وخرجت وسابت مراد فى حيرة معقول اكون حبتها طب ازاى وامتى وفعلا ممكن إبداء معها من جديد بس ازاى وانا عاجز كده هظلمها معايا أني اتجوزها كده بس انا فعلا كنت مبسوط النهاردة وانا شايفها بتضحك وضايقت لم عرفت انها ممكن تكون بتحب بس لا مش لازم اكون انانى انا لازم انساها 
فضل مراد طول الليل يفكر ازاى ينهى المهزله دي وميكونش انانى فى حبه لحد ماطلع النهار واتفاجئ بفريدة خبطت ودخلت ومعاها الفطار والعلاج صباح الخير مراد بيه
مراد صباح النور
فريدة خدت صينية الفطار ولسه بتقربها من مراد 
مراد مسك ايديها الاتنين وبص فى عينيها بصه كلها حب وشوق انا اسف 
ياترى ايه الا هيحصل معاهم تانى
الحلقه
فريدة حضرت الفطار ودخلت عند مراد بيه حطتها على التربيزة وجات تمشى مراد مسك ايديها الاثنين وبص فى عينيها بصه كلها حب وشوق وقالها انا اسف
فريدة اتفاجئت بنظرة عينيه ومسكت ايديه وكلمة انا اسف هى كمان بدلته نظرة حب وفى نفس الوقت عينيها اتملت بالدموع 
مراد هو مازال ماسك ايديها اسف صدقينى لا واقولك أن دي اول مرة اتأسف لحد ومتسأليش ليه لانى حاسس أني جرحتك هتقبلي أسفي 
فريدة انتابها شعور غريب من اول مامسك ايديها حست برعشه فى جسمها كله وحست إن قلبها هيطلع من مكانه صوتها مش قادر يطلع اكتفيت بهز رأسها دليل على الموافقة
مراد مازال قابض على ايديها عايز اسمع صوتك
فريدة حست أن قلبها هيخرج من مكانه وبتحاول تخرج صوتها اه قابلته قالت كلماتها وهى تحاول سحب ايديها منه وكادت تخرج من الاوضه الا أوقفها صوت مراد على فكرة لو ماكلتيش معايا هعتبرك لسه زعلانة وكمان مش هاكل وزم بشفيفه زى الاطفال ومش هاكل ايه رأيك 
فريدة برقت من طريقه كلامه وابتسمت
مراد ايوة كده خلي الشمس تنور اوعى ابتسامتك تفارق وشك تانى ايه رأيك نعمل اتفاق تقبلي اننا نكون اصدقاء بس مؤقتا دلوقتى
فريدة ده شئ يشرفنى يامراد بيه
مراد كشړ الاتفاق فيه بنود أولها انى اسمى مراد مفيش بيه او استاذ اعتقد مفيش صحاب بينهم القاب يعنى انتى فريدة وانا مراد تمام
فريدة حاولت تعترض لكن مراد كان أسرع منها لو مرفعتيش الألقاب هعتبرك لسه زعلانة 
فريدة اصل مش هينفع يا
مراد هه وقولى ورايا مراد هه جربى
فريدة مراد وحطت وشها فى الارض
مراد ضحك عليها ارفعي وشك يافريدة اوعى تنزلى وشك تانى فى الارض وشوفتى أسمى سهل يلا نكمل باقى الاتفاق
فريدة لا خلاص يلا افطار علشان العلاج
مراد وقد احس باحراج فريدة فحب ينهى الاحراج يلا ونكمل بعدين
جلسوا سويا يفطرون وكل واحد جوه فرحة ولم يرو من يتابعهم وڼار الغيرة تسيطر عليها نعم انها عائشة التى كانت تريد الدخول لوالدها لكن أوقفتها تلك الكلمات التى يقولها لفريدة فواقفت تسمع باقى الحديث
كانت سميحة تخرج من المطبخ عندما رأت عائشه تقف بالقرب من باب غرفة والداها كأنها تتصنت عليه ايه ده ياشوشو بتعملي ايه
شوشو وهى بتلتفت لسميحة بخضه فى ايه داده خضتينى 
سميحة انتي بتعملي ايه واقفة عندك كده ليه
شوشو پغضب بتفرج على والدى العزيز وهو بيترجى فى حتت ممرضه عشان تسامحه
سميحة وهى بتشد شوشو بعيد عن الباب ايه الكلام الغريب ده 
شوشو زى مابقولك دادى بيترجى الملكة فريده
سميحة تعالى نطلع فوق نتكلم 
طلعت شوشو مع سميحة على اوضتها 
سميحة ممكن افهم فى ايه بالظبط وايه الكلام الغريب ده وبعدين تعالى هنا انت ازاى واقفة تتجسسى على باباكى 
شوشو انا مكنتش بتجسس ولا حاجة انا كنت نازلة اقنع دادى انى اخرج شوية سمعتوا وهو بيتأسف للممرضه دب وبيترجها كمان تقبل اسفه شوفتى ياداده
سميحة مستغربة من كلام شوشو
شوشو شوفتى ياداده اهو انتى كمان مستغربه انا قولت البنت ده مش سهلة ومعرفش نانا ازاى بتثق فيها
سميحة عادى ياشوشو ممكن باباكى يكون زعلها وانتي عارفه كويس مش بيحب يزعل حد وبعدين فريدة بصراحة طيبه جدا انا مش عارفة انتي مالك ومالها من يوم ماجيت دى حتى يوم
وقبل ماتكمل سميحة كانت شوشو بتقاطعها حتى انتي كمان ياداده بتدافعى عنها البنت ده مش سهلة دى داخلة البيت وعينيها على دادى
سميحة طب ودى فيها ايه كمان 
شوشو پصدمة انت عايزة دادى يتجوز بعد العمر ده
سميحة عمر ايه يابنتى مراد بيه لسه شباب ده فيه فى سنه متجوزوش لسه
شوشو انا لا يمكن اسمح أن ده يحصل
سميحة اولا احنا بنفترض مش متأكدين وبعدين أهدى كده علشان متزعليش مراد بيه منك انا هنزل اشوف الغداء وبعد ماوصلت للباب رجعت لشوشو اخدتها فى تطبطب عليها انت بتحبى باباكى 
شوشو هزت راسها بالموافقه
سميحة يبقى تحبى تشوفيه سعيد وبعدين مش يمكن بيعمل كده من باب الذوق أنه زعلها وميكونش فى باله حاجة تانية انا هنزل وانتى فكرى 
خرجت سميحة وهى بتدعى بالهدايه لشوشو 
أما عند مراد فبعد ماخلص فطار طلب منها أنهم يخرجوا يعقدوا فى الجنينه شويه خرجوا يعقدوا بره ويضحكو وكانت بتابعهم شوشو من بلكونة اوضتها وقررت تنزل 
نزلت راحة ناحيتهم كانوا بيضحكوا اول ما مراد شافها بمنظرها الا لايبشر بالخير عرف انها ممكن ټجرح فريدة بأى كلمة فطلب من فريدة انها تجبله التليفون واول ما مشيت فريدة تحت نظرات شوشو الا كانت كفيله بحرقها 
مراد مالك ياشوشو 
شوشو ابدا اصل اظاهر أن حضرتك نستنى خالص 
مراد وهو بيشد ايديها حتى تجلس على الكرسى المقابل له انا انساكى طب ازاى ده انت بنتى وحته من قلبى وعموما انا منستكيش والنهارده بالليل عمو اكرام هيجى ويجيب معاه كارنيه عضوية النادى علشان تخرجى 
شوشو بفرحة وهى بابها ربنا يخليكى ليه وجاءت تقوم لمحت فريدة جايه عليهم تانى جامد وبصت لفريدة نظرة بتثبت فيها أن بابها ملكيه خاصة ليها وبس 
كانت متابعة الموقف كله زينات وخصوصا بعد ماسميحة حكيت ليها عن الكلام الا قالتو شوشو ليها هى طبعا سميحة حكيت من باب انها خاېفة على فريدة من تهور شوشو لقيت فريدة الا بتحط ايديها على كتفها وبتقولها مشوراك صعب يافريدة بس متاكده انك هتعرفى تكسبى قلبها زى ما كسبتى قلبه 
فريدة اتفاجئت بتصرفها ده