رواية غيرتني ج1
يابنتى
احلام بطنى هتموتنى
اميمه انتى كويسه
احلام لازم اروح يا طنط مش قادره بطنى هتموتنى من الۏجع
حمزه طيب ابعت معاكي الشوفير يروحك
احلام داست ع رجله اااااااااه يابطنى
حمزه اتوجع بس مبينش بيوشوشها اعمل ايه طيب
قاسم خدها ع البيت يابنى
احلام اه اه لازم اروح البيت يلا
قامت احلام وماسكها بطنها
حمزه احنا اسفين يا جماعه ع اللي حصل بس شكلها تعبان بجد عن اذنكوا
خرجت احلام من المطعم مبسوطه وخرجنا
حمزه يابنت المجنونه ... انتى ممثله هايله بقي
احلام عيب عليك
حمزه طيب هتودينى فين
احلام هوريك الفرق بين الضحكه المستعاره والضحكه اللي طالعه من القلب
حمزه طيب يلا اركبي
احلام حمزه وعوجت بؤها
حمزه ايه تانى
احلام اخر طلب
حمزه قولي
احلام انسي مره واحده انك غنى واعتبر نفسك فقير ومش معاك غير حق الاتوبيس وتاكل من عربيه فول او ناكل من عربيه كبده ف الشارع
حمزه كبده يا احلام
احلام اه كبده .. انا اعرف واحد ف العباسيه الكبده بتاعته تجنن اسمه النتن
حمزه ههههههههههههههههه هتأكلينى من النتن
احلام وافق بقي
حمزه موافق بيبص للشوفير روح انت ولو حد سألك قولهم اخدت المجنونه دي عند الدكتور
احلام ماشيه وهي اللي ماسكه كرسي حمزه وبتزقه
حمزه هنروح فين
احلام بتوشوا وبتضحك الحسين
حمزه يابنت الايه جاتلك ازاي دي
احلام يعنى ايه جاتلي ازاي
حمزه انا عمري ما رحته تصدقي
احلام يعنى حمزه الاباصيري بجلاله قدره مرحش الحسين .. مدخلتش عليا دي
حمزه وغلاوه وسام عندي مروحتهاش قبل كده
احلام طيب استنى اوقف حاجه نركبها
حمزه ما كنا نخلي الشوفير يوصلنا
احلام قولت ايه اتعامل اننا فقرا
حمزه فيه بذمتك واحد فقير يلبس بدله زي دي ولا واحده فقيره ماشيه بكعب والنبي تتلهي
احلام شاورت لاتوبيس وخلت الناس ينزلوا يشيلوا حمزه يطلعوا
وحمزه مكانش مصدق انه راكب اتوبيس وانها اټجننت وعملت كده ..
الكمسري طالع
حمزه مطلعله 50 جنيه
احلام بتداري الفلوس وبتضحك ضحكه عبيطه وبتجز ع سنانها 50 جنيه ايه بس يا حمزه ..هات 2 جنيه
حمزه بس
الللي في الاتوبيس كانوا بصين لحمزه واحلام بصه استغراب وازاي ناس زي دي راكبه اتوبيس .. فيه حالتين يا مجانين يا ڼصابين
نزلت احلام وماسكه الكرسي وناس بتساعدها
حمزه حس بالعجز شويا وحس انه كسف احلام اوووي
حمزه ماتيجي نروح .. انا حمل تقيل عليكي شويا .. وبعدين الحسين زحمه ولو حصل حاجه .. انا مش هعرف ادافع عنك
احلام نزلت قعدت قدامه عشان تطوله بلاش تحسس نفسك بالعجز انت زيك زي باقي الناس دي بالعكس بقي انت فيك ميزه عنهم كل واحده فينا ياحمزه في ميزه بتميزه عن التانى
حمزه تعرفي ان كلامك بيرحنى اووي .. بحب اووي اتكلم معاكي بحسك بتدينى امل في بكره
بحب ابص اوووي ف عنيكي
احلام اتكسفت ووشها احمر وقامت يلا طيب
قعدوا يلفوا ويتفرجوا علي المحلات .. ودخلوا صلوا ف الحسين .. واتصوروا كتير
واحلام اتصورت وهي لابسه لبس زمان القديم ده ودخلوا قعدوا ف قهوه
حمزه بجد مكان يجنن .. انا ازاي
مجتش هنا
احلام انا كنت كل خميس مع الجروب اجي هنا ونقضي يومنا كله
حمزه ياريت احنا كمان نعمل كده .. واهو نغير جو
قعدوا يكلوا وبعدين قاموا يلفوا تانى وهما مروحين قاموا كلوا من عربيه كبده
احلام هههههههههههههههههههه اه يابطنى هتفرقع
حمزه ايييييييي مشطشطه اوووووي
احلام بس حلوه صح
حمزه اووووي تعالي نجيب منها وناكل ف البيت
احلام انت اټجننت انت عاوز طنط اميمه تبهدلنى
حمزه ههههههههههههههههههههه صحيح نسيت .. والله فعلا نسيت انى انا غنى
احلام مافيش احلي من البساطه
حمزه عندك حق والناس هنا بسيطه اوووي .. وفعلا ضحكتهم خارجه من قلبهم .. ومحدش مخبي وش ورا وشه
احلام ولا حد عايش دور مش دوره .. عرفت ليه انا مرتحتش هناك
حمزه انا عرفت ليه انا مرتاح معاكي
احلام احم طيب ايه .. معاك كام
حمزه يانهار اسود معايا 5 جنيه
احلام هنروح مشي يا حمزه
حمزه انتى اللي هتتعبي .. انا ماشي علي كرسي
احلام قلعت الكعب يلا عشان اعرف امشي
حمزه يا مجنونه
احلام ههههههههههههههههههههههه
وصلوا الساعه 6 الصبح
اميمه صباح الخير .. كنتوا فين كل ده قلقتنى عليك يابنى
احلام بصه ف الارض
حمزه كنت بفسح مراتى
اميمه هي مش كانت تعبانه وقالت هتروح
حمزه ودتها للدكتور .. وبعدين حبيت اخرجها
اميمه ده انت مخرجتش انت وميسا ورجعت مبسوط كده
احلام اتنهدت بزعل
حمزه عشان مفرحتنيش كده
احلام يلا انا هطلع انام .. تصبحوا ع خير
اميمه تنامي ايه بقي بقينا الصبح خلاص
حمزه وانتى من اهله يا احلام
دخلوا ناموا وهما مبسوطين وكل واحد نام وهو بيضحك وبيفكر ف التانى
حمزه
حمزه قام يلبس واحلام كمان بتلبس وسام وظبطت نفسها وجايه تخرج وهي مبسوطه
احلام طلعت لقت اللي بيخبط عليها بتفتح الباب
حمزه صباح الخير
احلام صباح النور
حمزه كان يوم حلو اوووي .. وحبيت جنانك اوووي .. حسيت ان بنتى الصغيره مش مراتى ابدا
احلام انا كمان اتبسط معاك اوي يا حمزه .. وارتحت لما خرجنا سوا
حمزه بس ياريت تحطي ف بالك اننا خرجنا كأصحاب مش اتنين متجوزين .. عشان متتعشميش
احلام مش فاهمه
حمزه يعنى بلاش تنسي انك هنا مربيه لوسام
احلام ملامح وشها اتغيرت وظهر عليها الضيق متخفش انا منستش
حمزه يلا خلي بالك من وسام بقي
احلام شكرا
حمزه نزل ركب العربيه .. انا ايه خلانى اقولها كده .. انا اتبسطت اوووي النهارده .. ليه دايقتها بكلامي .. بس انت خۏفت يا حمزه انها تجرحت لانك مشلۏل .. وصعب انها تحب واحد زيك .. لا بس بردو .. كلام احلام معايا مكنش يبين كده .. كان يبين انها في اعجاب بينى وبينها
احلام في اوضتها كل ده وانا لسه مربيه لوسام بيعملنى كأنى خدامه .. مش قادر ف مره يراعي احساسي
.. كل ما احس انى بدأت اقرب منه ليه يبعدنى تانى .. صح هو لسه بيحب مراته بس انا مطلبتش منه انه يحبنى بس كفايه يكون بيعاملنى حلوه .. بلاش يعاملنى انى خدامه عنده
جه بليل وصفاء وجوزها كانوا معزومين عندهم وصفاء قالتلهم انها حامل
الكل فرح بيها وباركلها
صفاء الله يبارك فيكي يالولو .. عقبالك انتى وحمزه
احلام بتحاول تبعد عنه شويا وبتضحك ضحكه مزيفه ان شاء الله
الكل رايح ينام
احلام انت ازاي تجيب ليهم السيره دي
حمزه تقدري تقولي بمثل الدور
احلام مستفز
حمزه هتنامي فين
احلام عند وسام
حمزه طيب انا هدخل اراجع شويا شغل
احلام ااااه قولتلي شغل .. بابتسامه بارده لا بتتعب ربنا يعينك ومشيت
حمزه ضم حواجبه باستغراب قصدها ايه البت دي
دخلت احلام الاوضه
غيرت وقعدت جمب وسام وهي عارفه كالعاده ايه اللي هيحصل في اوضه المكتب
احلام ايه رأيك يا وسام .. من حقي ادايق صح .. باابا مش بيحترمنى خالص .. انت الوحيد اللي بتسمعنى وبتحس بيا .. قولي اعمل ايه يا ويسو .. تفتكر اروح دلوقتى ولا بلاش ادايق نفسي .. لا يا ويسو انا مش بحبه بس انا بردو عندي احاسيس مش كده .. يعنى ازاي بابا يبص لسعاد دي مش فاهمه بجد .. ويسو خليك هنا وانا هرجعلك لازم اعرف ايه اللي هيحصل بقي زي كل يوم ولا لا
خرجت احلام من الاوضه وقعدت تمشي علي طراطيف صوابعها واول ما سعاد شافتها دخلت اوضه المكتب بسرعه وبدأت تعمل زي كل مره
احلام اه يابنت ال كل والله انا هوريكوا مين هيا احلام .. دي مبقتش عيشه دي
حمزه جي من وراها هتوري لمين يا احلام انتى اتجننتى وبتكلمى نفسك
احلام بدا علي وشها علامات الاستغراب امال مين اللي مع سعاد
حمزه نعم ياختى
احلام تعالي اسمع بنفسك
حمزه وسعي كده
سعاد لا يا استاذ حمزه .. انا مش هاجيلك المكتب تانى بجد ميصحش .. احلام بدات تلاحظ هيههيههي
حمزه بدا يتعصب ايه القرف اللي بيحصل ده
احلام مادام انت مش معاها اامال مين اللي جوه
حمزه حاسبي كده وفتح الباب سعاد اتخضت لانها كانت واقفه ورا الباب انتى بتعملي ايه هنا
سعاد بلجلجه انا كنت انا اصلي
حمزه انا سمعتك وعرفت انتى بتعملي ايه .. انتى واحده زباله ورخيصه .. متعرفيش انى انا متجوز وبحب مراتى ولا مسمعتيش عن ده ها .. اطلعي بره البيت ده انتى توسخي البيت اللي تدخليه
احلام خدت بالها من كلمه بحب مراتى دي بس عملت من بنها براحه يا حمزه خلاص .. عرفناها غلطها
حمزه شد سعاد من دراعها انتى بتعملي كده من امتى
احلام انا اول يوم اسمعها هي مبتعملش كده من بدري صح ..وبصت لسعاد
حمزه انتى مداريش علي واحده زي دي .. لمي قرفك وبره البيت ده
احلام حمزه الدنيا ليل حرام بنت هتروح بليل كده فين
حمزه يبقي مشوفش وشك لحد الصبح
سعاد قعدت ټعيط والله انا ماهقررها تانى .. انا اسفه يا ست الهانم
حمزه كلمه تانيه وهمد ايدي عليكي
احلام خلاص مش كده يا حمزه هتصحي البيت وسام عيط عجبك كده انت كده ارتحت
حمزه بيكلم سعاد غوري من وشي انا قرفان من شكلك .. قال مش هقررها تانى قال
احلام دخلت لوسام .. وحمزه حصلهم
احلام بتبص علي الباب ورجعت دورت وشها
حمزه دخل وقفل الباب انا عرفت دلوقتى انتى ليه كنتى قالبه وشك عليا .. وربنا يعينك ومش اول مره .. واحترمنى والكلام ده ..
احلام اانا اسفه بس كنت فاكره انك بتكون جوه
حمزه انا رقم واحد في
حياتى يا احلام احترامي لنفسي .. عشان اللي قدامي يحترمنى .. واظن مشوفتيش منى حاجه وحشه في خلال الشهرين دول
احلام انا عارفه .. بس بجد متأسفه علي اللي حصل النهارده
حمزه صحيح كلمه انا متجوز وبحب مراتى دي مكنتش اقصدك بيها .. كان قصدي ميسا في لحظه نسيت ان ميسا ماټت وانى اتجوزتك
احلام اتنهدت متبقاش
حمزه استاذ
احلام انا بكون معاك مربيه وسام وتحت فانا مراتك ولا نسيت كلامك
حمزه شاطره بدأتى تعرفي تمثيلي كويس
احلام انت ليه بتعمل معايا كده .. ليه دايما بتحاول تحسسنى انى قليله اووي كده
حمزه عشان انتى عمرك ماهتشوفينى غير الراجل اللي مشغلك
احلام صح عندك حق .. مكنش ينفع اعدي حدودي واخرج معاك انا هنا خدامه عند حضرتك ودلوقتى بعد اذنك عاوزه انام
حمزه مش قولتلك يا احلام .. مبحبش ادي لنفسي حجم مش حجمي ولا حجم عمره ماهيبقي حجمي ع العموم عدي عليا الصبح في المكتب
احلام اقفل الباب وراك
حمزه استغرب من طريقه كلامها .. بس في نفس الوقت كانت هي معاها حق حمزه احرجها اوووي بكلامه
احلام اول ما حمزه خرج مسكت الفازه ورمتها اتكسرت وفضلت قاعده طول الليل مټعصبه
تانى اليوم قاعدين علي السفره
حمزه سعاد .. يا سعاد
سعاد ماسكه شنطه هدومها افندم
حمزه قدام كل اللي قاعدين اتأسفي لاحلام مراتى
قاسم ليه يابنى ايه حصل
حمزه الهانم ولسه هيكمل
احلام مسكت ايده ڠصب عنها خلاص يا حمزه دي مهما كان بنت حرام
حمزه بص علي ايديها اللي ماسكه ايده واحلام شالتها بسرعه
حمزه اتنهد وقالها اتأسفي
سعاد انا اسفه ياست هانم .. غلط في حقك
احلام خلاص يا سعاد .. محصلش حاجه كلنا بنغلط .. يلا قومي علي شغلك
حمزه اطلعي بره البيت ده يا سعاد
احلام حمزه مش كده
اميمه هي عملت ايه يابنى
حمزه بعد اذنك يا امي .. سمعتى ومراتى كانوا هيضيعوا بسببها
احلام خلاص انا هحل الموضوع .. تعالي معايا يا سعاد
سعاد نعم ياست هانم
احلام بصي احنا لازم نسمع كلام البيه لان ده بيته بس انا هعوضك عن الشغل ده
سعاد ازاي ياست هانم
احلام انا امي ست كبيره شويا .. هودييكي ليها تعمللها الشقه كل اسبوع وبمبلغ مش بطال ماشي
سعاد ايدك ابوسها ياست هانم
احلام بطلي هبل
سعاد قلبك طيب اووي .. سمحتينى بعد ما عملت فيكي كده
احلام من اللي شوفته في حياتى اتعلمت لازم اسامح .. لان الحياه اقصر من انى ازعل عشانها .. خدي المبلغ ده خليه معاكي وياريت تشتغلي بعد كده بشرف
سعاد توبه والله ياست هانم
احلام ربنا معاكي
احلام رجعتلهم علي السفره
احلام حمزه راح فين
اميمه مستنيكي يابنتى في اوضه المكتب
قاسم نزليلي وسام اقعد معاه شويا
اميمه اه والله واحشنى الواد ده
احلام حاضر يا بابا عن اذنكوا
احلام ودت وسام ليهم وقعددوا يلعبوا
اميمه يلا اجدعنى بقي عشان تجبلنا زيه
احلام بضيق ان شاء الله
قاسم ربنا يرزقكوا يابنتتى بيبص لوسام انتى يا صغنونه ياحلوه انتى
احلام بتخبط ممكن ادخل
حمزه والله المفرود ان مراتى تتدخل من غير ما تخبط
احلام انت زي ماتكون ما صدقت انى بجد مراتك .. الكلام ده تحت قدامهم
حمزه طيب اذا كان كده اتفضلي رمالها ظرف
احلام ايه ده
حمزه مش انتى معايا مربيه وسام خدي بقي
احلام ايه الفلوس دي
حمزه مرتبك اشتغلتى شهرين
احلام فقدت اعصابها وبدا صوتها يطلع انت ليه بتعمل معايا كده ليه محسسنى انى خدامه عندك .. انا عمري ما كنت اتخيل انى هعيش في القرف ده .. مع واحد مش بحبه .. انا اللي مصبرنى عليك وعلي ايامي معاك انى بجد اتعلقت بوسام ليه غاوي تجرحنى وتوجعنى بكلامك .. كل ما احاول اقرب منك تبعدنى مسافات ..
خرجنا واتفسحنا وضحكنا واټجننا وتوجعنى بكلامك .. معتقدش ياحمزه انك بتعمل كده مع مربيه بجد
حمزه طيب ممكن تهدي .. انتى بس عصبتينى لما قولتى انك مربيه وسام فخلتينى اعاملك علي انك مربيه .. وبعدين اانا حلمت انك
احلام بټعيط وبتسكته ششششششششش مش عاوزه اسمع منك حاجه حتى لو .. كان ممكن تدينى الفلوس بطريقه افضل .. علي الاقل تجاملنى وتقولي اشتري بيهم حاجه .. بس انت قلبك اقسي من الحجر ده الحجر ممكن يرق عنك حرام عليك بقي نفسي في مره احس بحنيه منك ياسيدي عاملنى انى اختك مشيت وسابته
حمزه رمي كل الحاجه اللي علي المكتب بعصبيه هو انا ليه بعاملها كده ليه غاوي ادايقها .. يارب بقي
يارب صبرنى
اميمه ايه يابنتى صوتكوا علي ليه
احلام انا اسفه بس عصبنى شويا
اميمه ربنا يهديكوا .. كنت عاوزه اسألك في البيبرونه
احلام هجبها وانزلكوا
اميمه ماشي يا بنتى
نزلت احلام واكلت وسام وفضلت قاعده هي وقاسم واميمه
قاسم يااا ايام الطرب الجميل ده الواحد مفتقد الاغاني دي
احلام بس كده تحب تسمع ايه
قاسم بتعرفي تغنى يا احلام
احلام هم بيقولوا كده .. هسمعكوا وانتوا احكموا
قاسم ياسلام مرات ابنى موهبه
احلام هطلع اجيب الجيتار
طلعت احلام ونزلت بالجيتار
قاسم هتسمعينا ايه
اميمه انا عاوزه اسمك لورده
قاسم ااااه ياسلام ورده وجمال ورده
اميمه ايه جمال ورده دي
قاسم اقصد جمال صوتها .. هو في غيرك في قلبي
كلهم هههههههههههههه
مسكت
قاسم ياسلام جايه في وقتها
احلام كان ده كان .. كان اسمه حبيبي .. كاااااااااان .. ده كااااان .. كان يوم من نصيبي وكان .. ضحيت بعمري معاه .. مشوار مشوار مشوار اسمه حياااااه . وكان .. انا ... انا اللي بينكم هنا .. رضيت بالعڈاب لحد ما قلبي داب .. ولا دوقت يوم هنا انا .. وانا ياما اتحملت انا .. قسيت ولا اشتكيت .. ولا جيت يوم بكيت منه لكم هنا
حمزه سمع صوت حد بيغنى بص من الشباك لقي احلام ماسكه الجيتار وبتغنى ليهم وقف يسمعها
احلام لا عتاب هيشفي جراح .. ولا هيجيب اللي راح .. دي حكايتى مع الزمان .. حكايتى مع الزمان .. رسملي علي السما .. جنه فيها الهنا .. قولت احلوت سنينى وبنالي في الخيال قصور من الامال .. وقال مافيش محال نمت وغمضت عينى .. ومرت الايام وصحيت من الاحلام .. ملقتش غير الالم وعذاب مستنينى وانا اللي بينكم هنا
حمزه نزل وكان متعصب .. هو كان فاكر ان الكلام ده بتغنيه لاحمد
احلام وانا اللي بينكم هنا مش عارفه رايحه فين .. ولا فاكره جايه منين جابنى الطريق لكم هنا
حمزه بزعيق ممكن اعرف بتغنى الاغنيه دي لمين
احلام انت بتزعق كده ليه
قاسم اهدا يابنى في ايه .. اانا اللي طلبت منها ده
حمزه والله وحبكت الاغنيه دي يعنى
احلام كانت فاكره انها بتشتكي من حمزه بطريقه غير مباشره عشان كده هو ادايق متخفش مش ليك
حمزه امال لمين ياست المحترمه
احلام لا بقي دي مبقتش عيشه دي عن اذنكوا .. ورمت الجيتار وجريت علي فوق
لقت مامتها بتتصل ردت
احلام بتكتم صوت عياطها الو يا ماما
سحر ازيك يا حبيبتى وحشتينى
احلام وانتى كمان وحشتينى اووووي يا ماما
سحر مالك يا احلام .. بټعيطي !
احلام بعيط عشان وحشتينى انتى وامنيه
سحر طيب تعالي يابنتى ده بيتك ولا نسيتى
احلام حاسه انى لو رجعتلكوا مش همشي من البيت ده تانى
سحر للدرجادي مدايقه
احلام امي هقفل دلوقتى وسام بيعيط
سحر انا جيالك ياضنايا
احلام تنوري يا ماما .. سلام معلش
احلام قفلت وقعدت ټعيط وتمسح وشها وتمسك قلبها ااااااااااه مش مكتوبلي ارتاح ليه يارب ... يارب صبرنى بقي
قاسم مينفعش اللي عملته ده اطلع اعتزر لمراتك
حمزه وانا معملتش حاجه اعتزر عليها
قاسم انا بقولك اطلع
حمزه واانا مش هطلع .. ومحدش يدخل بينى وبينها .. داده اشرقت
داده اشرقت نعم يا ابنى
حمزه حضريلي هدومي خارج
قاسم رايح الشركه
حمزه اه احسن من القرف ده
قاسم والله مافي قرف غيرك يا حمزه .
حمزه هو انا اللي ابنك ولا هي
قاسم بس هي مغلطتش يبقي انت تاخد فوق دماغك .. مستحمالك ومستحمله قرفك انت وابنك
اميمه خلاص وطوا صوتكوا الواد نايم
حمزه والله لو مش عاجبها تمشي من البيت ده
اميمه انت اټجننت دي مراتك
حمزه قعد طول اليوم بره البيت وكان مع منه صحبته
اميمه طلعت لاحلام هدتها وقالتلها تنزل معاها يعملوا شوبنج ويشتروا هدوم
اميمه بصي يا احلام المحل ده
احلام بكسوف نعمل في ايه
اميمه انا ملاحظه ان انتى وحمزه بعاد عن بعض .. تعالي بس
احلام صدقينى يا طنط مالهوش لازمه
اميمه ازاي ملهوش لازمه ده جوزك وانتى مراته .. متخليهوش يبص بره
احلام بس يا طنط
اميمه مبسش .. اتفقنا علي ايه .. غيري الجينز والبيجامات الاطفالي اللي بتقعدي بيهم دول وادخلي هنا اتفرجي
احلام طنط مش هينفع
اميمه وليه بقي ان شاء الله مش هينفع
احلام لاننا مش متجوزين انا وحمزه مش متجوزين
اميمه لا معلش ازاي مش متجوزين بس ده انتو كتبتوا كتباكوا قدامنا
احلام فعلا كتبنا الكتاب بس كتب كتاب بس
اميمه نعم
احلام زي ما قولتلك يا طنط
اميمه وحمزه موافق ع ده
احلام حمزه هو اللي عرض ده .. لان هو لسه بيحب ميسا
اميمه يا حبيبتى يابنتى .. شايله ده كله في قلبك وساكته .. طيب وربنا لاربيه
احلام لا ياطنط والنبي ماتقوليله .. احنا اتفقنا علي كده .. وانا مبسوطه كده لانى انا بصراحه مش بحب حمزه .. ووافقت اتجوزه بس عشان اربي وسام
اميمه مين يستحمل كده يابنتى
احلام احسن ما اكون مع واحد مبحبهوش ولا ايه
اميمه بس حمزه طيب وغلبان
احلام بس مش معايا صدقينى
اميمه طيب يلا نروح الكوافير ده نعمل نيولوك ووعد منى هخلي الواد حمزه يقع في حبك
احلام بس انا
اميمه قطعتها مبسش يلا مهما كان انتى مراته
احلام بضحك بردو مراته
اميمه بنفس الضحكه علي ورق اه بس اسمك مراته
احلام بتتنهد وهي في بالها مش عاوزه تتزين لحد غير لاحمد حاضر
روحت احلام البيت ومكانش لسه حمزه جه
اميمه حمزه لسه مجاش
داده اشرقت لا ياست هانم
احلام انا هطلع اشوف وسام لاحسن وحشنى
داده اشرقت البيه الصغير مع البيه الكبير في الجنينه
احلام بجد طيب كويس ..
قاسم اهلا ايه الجمال ده كله
احلام بجد يابابا
قاسم لا ده انا هحسد حمزه
احلام كلك زوء يابابا
بليل
حمزه في اوضته واحلام في اوضتها
حمزه اروح اعتزر ولا بلاش
احلام اي الخنقه دي وانت ياسي ويسو نايم وسيبنى امووواه وطت باسته مامي هتستأذن تروح في الجنينه شويا
حمزه واقف في الشباك
لقي احلام نازله الجنينه وقاعده وباصه للسما وفجأه لقت اللي بيغمي عنيها
احلام حمزه
