رواية غيرتني ج1
اتفتحت الستاره ودخلت الشمس ملت الأوضة
والممرضه بتصحي ميساء صباح الخيرات يالا علشان نجهز حضرتك للعملية
ميساء بسرعة كدة
الممرضه ايوة مفيش وقت و أوضه العمليات جاهزة.
ميساء هو حمزة لسه مجاش عاوزة أشوفه حاسة إنى ھموت
الممرضة ليه بس بتقولي كدة
ميسا متكذبوش عليا .. كذا دكتور قالي ان الولاده غلط عليا ويا انا يا البيبي اللي في بطنى
الممرضه خلاص بقي والله هتخلينى اعيط .. يلا البسي ده .. تعالي اساعدك
ميسا قامت تلبس ودموعها علي خدها
الباب بيتفتح ميسا واللممرضه بيبصوا ناحيه الباب
حمزه جه و داخل علي كرسي متحرك
صفاء حبيبتى .. معلش اتأخرنا
ميسا بصت لحمزه ووطت عشان تطوله هتوحشنى اوي ياحمزه
حمزه هتقوميلي بالسلامه
ميسا تفتكر
حمزه هتحدي حقيقه المۏت لو هياخدك منى
ميسا مهما ياخدنى ياحمزه هتفضل في قلبي وهفضل في قلبك
حمزه خلاص مش عاوز اشوف دموعك
ميسا دموعي دي عشان هتوحشنى
حمزه لسه جاي يكمل كلامه
الممرضه يلا الترول وصل
ميسا حمزه ابوس ايدك متسبنيش
حمزه بيمشي وهو ماسك ايديها وهو علي الكرسي المتحرك هتقوميلي بالسلامه صدقينى
الترول كان ماشي بسرعه وحمزه مقدرش يحرك الكرسي بنفس سرعتهم عشان يحصلهم وقف في نص الطرقه واخته وراه
صفاء طبطبت علي كتفه هتعيش يا حمزه .. حتى لو ربنا اختارها فهتسبلك حته منها
حمزه حط ايده علي ايديها ربنا يستر يا صفاء
صفاء اخت حمزه من نفس الاب بس الام لا وهي اكبر من حمزه ب 5 سنين متجوزه وعندها يمنى وادم لما مامتها توفت قاسم اتجوز ام حمزه وربتها زي بنتها بالظبط
حمزه الاباصيري 28 سنه من عيله كبيره اووي وهو شغال رجل اعمال كبير بيته ومراته وشغله اهم حاجه عنده حصله حاډثه من 4 سنين ومن ساعتها وهو علي كرسي متحرك .. بس هو مش مشلۏل هو عنده مشاكل في رجله وبيستسسهل الكرسي ومش مساعد نفسه انه يحرك رجليه ويمشي عليها ولا حتى قابل انه يعمل علاج طبيعي
ميسا دخلت اوضه العمليات قبل ما تعملوا اي حاجه انا عاوزه حمزه
الممرضين يامدام مينفعش
ميسا انا عاوزه حمزه وبدات تصرخ
الدكتور ادوها مهدء
ميسا ابوس ايدك لازم اشوف حمزه .. مش هشوفه تانى والنبي نادي اشوفه لاخر مره
الدكتور بص للممرضه تروح تناديه
حمزه قاعد بيقرأ قرأن
الممرضه استاذ حمزه .. المدام عاوزاك
حمزه ميسا جرالها ايه
الممرضه قعدت تصرخ وتقول عاوزه حمزه
حمزه انا جاي اهو
ميسا حمزه .. انا بحبك اووي
حمزه وانا بمۏت فيكي
ميسا سامحنى عشان خاطري
حمزه علي ايه
ميسا سامحنى علي اي حاجه غلطت فيها وزعلتك .. انت احن انسان في الدنيا
حمزه وانتى هتكونى احلي ام في الدنيا
ميسا لو جرالي حاجه اتجوز .. وخليها تربي ابننا وتحبه .. زي خالتو اميمه ماربت صفاء .. والنبي ماتخليها تقسي عليه ابدا.. خليها تهتم بيه
حمزه ميسا محدش هيربي النونو غيرك
ميسا سامحنى يا حمزه والله انا اسفه اووي .. اوعي في يوم تتخلي عن ابننا وسميه وسام فيه من اسمي كتير
حمزه انا مش فاهم اسامحك علي ايه
ميسا اوعي في يوم تقسي علي وسام ده ابنك ..
حمزه ميسا ازعل من ايه يا ميسا ولا اسامحك ع ايه
ميسا لسه هتتكلم
الدكتور استاذ حمزه معلش اتفضل
ميسا سامحنى يا حمزه سامحنى يا حبيبي
ادوها حقنه بنج لحد مانامت وطول ماهي نايمه بتقول سامحنى ياحمزه .. اوعي تقسي علي ابننا
سامحنى يا حبيبي
صفاء ها مالها ميسا
حمزه من التوتر مش اكتر .. قعدت تقول سامحنى وكلام من ده كتير
صفاء اكيد عشان حاسه انها هتسيبك بتقولك سامحها .. ربنا يقومها بالسلامه يارب
حمزه يارب يا صفاء
حمزه باصص علي الساعه والعقرب عمال يدور
الساعه واحده
شويا واحده وربع.. شويا واحده ونص ..شويا اتنين الا ربع .. الساعه 2 بالظبط سمعوا صوت نونه
صفاء ميسا ولدت يا حمزه .. بقيت اب
حمزه انا بقيت اب .. بقيت اب يا صفاء
الممرضه طلعت وماسكه نونه .. مبروك المدام جابت ولد
حمزه خد النونه شاله وشم ريحته والنونو بيعيط وهو بيسكته وبص للممرضه ميسا عامله ايه
الممرضه تعيشوا انتو ربنا يصبركوا
حمزه
صفاء اخدت الولد من حمزه اهدا يا حمزه اهدا يا حبيبي ووحد الله .. ده امر ربنا ياحبيبي
حمزه قالتلي سامحنى .. قالتلي متزعلش منى .. بس انا زعلان اووي يا صفاء .. ميسا سابتنى لوحدي وسابت ابننا لوحده .. ميسا ماټت وسبتنى انا
صفاء ربنا يرحمها برحمته
هو اه ميسا وحمزه مكنوش متجوزين عن حب وحمزه مش بيحبها اووي يعنى .. بس في نفس الوقت دي مراته وبنت خالته والعشره مبتهونش
خلصوا اوراق رسوم الډفن والحاجات دي وروحوا يودوا الولد البيت ويدفنوا ميسا
حمزه داخل البيت
صفاء استنى هساعدك
حمزه بيحرك الكرسي ومبيكلمش حد
بيرنوا الجرس
للعلم فقط هم مش ساكنين لا في بيت في عماره ولا في فيلا بمعنى الكلمه .. هم ساكنين في بيت ليهم كبير وليه جنينه
الباب بيتفتح
داده اشرقت نورت يا بنى .. فين ميسا
صفاء خدي وسام ياداده اهتمي بيه وبلاش حكي كتير
داده اشرقت في ايه يابنتى خير .. ابنى حمزه عامل كده ليه
صفاء ميسا يديكي طوله العمر يا داده
داده اشرقت حط ايديها علي بوءها من الصدمه
لا حول ولا قوه الا بالله .. ياضنايا يابنتى .. لسه ورده مفتحه والله .. ان لله وان اليه راجعون
صفاء والنبي يا داده خلي بالك من وسام علي ما ادخل لحمزه
اميمه في المطار وبتتصل بالبيت ايه امتى الكلام ده يا حبيبتى يا بنتى ده انا جايه جري اشوفها .. طيب وسام صحته كويسه .. طيب انا هجيلكوا ع الترب ياصفاء .. كلمي عبدو يفتح الترب
حمزه دخل اوضتهم وقعد يقلب في صورهم سبتينى لوحدي ليه ياميسا
صفاء دخلت عليه وحد الله ياحمزه مش كده
حمزه البيت بقي وحش من غيرها
صفاء لازم تاخد بالك من نفسك عشان ابنك ده لسه مكملش 24 ساعه ده محتاجكك ..
حمزه لما بفتكر ان هو اللي قتل امه بحس انى بكر وقبل ما يكمل
صفاء قاطعته اوعي تكمل كلامك ده حته منك وحته منها
بليل
صدق الله العظيم
البقاء لله
حمزه . ونعمه بالله
شد حيلك
حمزه
اميمه لمي الحاجه يا داده ونادي لعثمان يساعدك وخلصي واطلعي ريحي فوق شويا انتى تعبتى النهارده
داده اشرقت ربنا يخليكي ياست هانم .. افضالك مغرقانه
اميمه اصل الصحه لو راحت يبقي علي الدنيا سلام يا داده .. ربنا يديكي الصحه يارب
داده اشرقت تسلمي ياست هانم
اميمه قاعده جمب صفاء ااااه ياركبي مش قادره يوم متعب بشكل
صفاء كان يوم صعب علينا كلنا
اميمه فعلا .. كانت لسه وسطينا من كام يوم سبتهالي المرحومه اختى من كام سنه امانه وانا ودتلها الامانه دي النهارده
صفاء ياتري الدور علي مين المره اللي جايه
اميمه فال الله ولا فالك .. ايه الكلام ده
صفاء المۏت مش بيفرق يا امي .. المهم بابا قاسم عامل ايه دلوقتى
اميمه والله الدكاتره بيقولوا ان الحاله خطيره وبيحاولوا
صفاء ربنا يقومه بالسلامه هو كمان لاحسن اانا اتشائمت
اميمه يارب يابنتى يارب.. فين وسام وحمزه
صفاء حمزه مع وسام في اوضتهم
اميمه هطلع اطمن عليهم
صفاء طيب وانا هروح بقي اشوف جوزي وعيالي
اميمه ماشي ياحبيبتى
طلعت اميمه لقت حمزه نايم جمب وسام وهما الاتنين نايمين نفس النومه
اميمه ياعينى عليك يابنى .. ملكش حظ في الدنيا دي
احلام وامنيه قاعدين بياكلوا فشار
احلام سيبي الاغنيه دي
امنيه ورده حد يسمع ورده
احلام انتى مالك يا بايخه .. عبو شكلك
امنيه طيب والله انتى صوتك احلي منها
احلام يابنتى انا بتعلم الغني منها
امنيه ماشي ياست المغنيه .. احمد لسه متصلش
احلام خلاص بقي يا امنيه كل واحد وراح لحالو
امنيه انا بقيت بخاف من الحب يا احلام
احلام للدرجه دي انا فاشله بالحب
امنيه مش قصدي .. بس انتى اختى الكبيره .. ومن اللي شوفته بقيت اخاڤ
احلام الحب حلو بس احنا اللي بنعيشه مع الناس الغلط
امنيه طيب ماتيجي نخرج
سحر قومي يا زفته يا امنيه
امنيه جرا ايه يا ماما .. كل حاجه زفته زفته
سحر قولتلك تعملي ايه من الصبح
امنيه انشر .. حاضر حاضر
سحر ماهو ده اللي فالحه فيه .. خروج وبس
امنيه قال يعنى بتخرجينى
سحر برطمي برطمي مانا معرفتش اربي يا متربيه
احلام طيب سؤال .. يعنى هي متربيه ولا مش متربيه
سحر اخرسي يا زفته انتى كمان
احلام شكرا يا زوء
الباب بيخبط ..
احلام قامت تفتح توتا .. ادخلي
تسنيم عامله ايه يا وزه
احلام فله .. ادخلي
تسنيم سالخير يا طنط
سحر ازيك يا حبيبتى مالك مسوداها كده ليه
تسنيم كنت جايه من عزا واحده تقربنا
سحر اه البقاء لله يا حبيبتى
.. انتى اتعديتى من احلام ولا ايه
تسنيم ليه بقي
احلام امي بدأت ماخلاص ياماما
تسنيم لا بجد ع ايه
احلام عشان العريس يابنتى .. ماما اصلها كانت حطه املها ف احمد وادي طار
تسنيم خلاص بقي يا طنط .. متفكريش احلام كل شويا
احلام ولا تفكرنى ولا بتاع .. وقامت دخلت اوضتها
سحر مقصدش يا بنتى والله .. بس مش عارفه بقي حالها كده ليه ..
تسنيم متقلقيش يا طنط هتبقي كويسه
تسنيم دخلت الاضه تصدقي انتى قليله الذوق
احلام ليه بقي
تسنيم جيالك .. وانتى تقومي وتسبينى
احلام ع اساس انك غريبه
تسنيم طيب وبعدين وياكي يا احلام
احلام انا عملت حاجه
تسنيم المشكله انك معملتيش
احلام ودي مشكله ف ايه بقي
تسنيم يعنى .. حاسه انك مش احلام القديمه
احلام انا غلطت لما حبيت احمد
تسنيم ده سؤال ولا بتعرفينى
احلام الاتنين
تسنيم مش عارفه .. بس هو ميستاهلش حبك
احلام عاوزه انساه .. انا مش زعلانه عليه والله .. انا زعلانه ع نفسي اللي اتظلمت وياه
تسنيم هتنسيه يا حبيبتى صدقينى
احلام نفسي اسمع صوته .. معقول هيكون مع غيري وهينسي كل ايامنا الحلوه
تسنيم خلاص بقي يا لولو والنبى متعيطيش
بعد اسبوع
داده اشرقت حاضر حاضر والله بعملها اهو
اميمه مش عارفه ليه بقي يعيط كتير كده .. مش هعرف اسيبه وامشي .. ولازم اسافر
داده اشرقت كل ما ابنى حمزه يشوفه كده يقعد يعيط
اميمه صعبه اووي الولد بقي من غير ام يا داده
داده اشرقت ماتجيب مربيه ليه
اميمه لا طبعا انتى مبتسمعيش المربين بيعملوا ايه
دلوقتى في الاطفال
داده اشرقت خلاص جوزوا ابنى حمزه
اميمه بصوا اقولها ايه وتقولي ايه .. يعنى انا مش عاوزه اجبله مربيه اجبله مرات اب
حمزه واقف علي الباب وسامع كلامهم
اميمه هوو هووو هووو بس يابطه بس نامي هووووه .. مش عارفه بس مالك عاوز ايه
داده اشرقت ياست هانم والله دوري انتى علي بنت حلال تاخد بالها من الواد .. انا لو كان فيا صحه زي الاول ماكنت بخلت عليه وانتى لازم تبقي جمب قاسم بيه محتاجك
اميمه استحاله اجيب لابنى مرات اب .. بعد ميسا
بنت اختى مافيش
حمزه دخل عليهم بس ياريت يا امي من النهارده تدوري علي واحده تربي الولد .. محدش فيكوا فاضيله هنرميه في ملجأ يعنى
اميمه يابنى انا مكملتش
حمزه قاطعها متكلميش يا امي .. انا هدور انا علي واحده تقبل بيا وبأبنى
اميمه ازاي تفكر بعد ميسا تتجوز .. ده لسه تربتها منشفتش
داده اشرقت ياهانم مش بأيديه ..انتى شايفه وسام عامل ازاي
اميمه روحي ياداده شوفي انتى شغلك
احلام ماما انا نازله
سحر عند تسنيم بردو
احلام اه يا ماما
سحر والعريس اللي متقدم يابنتى هنوافق عليه
احلام اتنهدت وبأبتسامه بارده وافقوا يا ماما
سحر بنتى مش عاوزين نعمل حاجه ڠصب عنك
احلام خلاص ياامي مبقتش تفرق
احلام بتزعق وانا اعمل ايه ياعنى اذا كان اللي كنت بحبه نفسه اتجوز والنهارده صبحيته
اعمل انا ايه يا امي .. هي مۏته ولا اكتر ان شاء الله لو يكون قد جدي هقبل بيه وهتجوزه عشان انسي الۏجع اللي جوايا
احلام نزلت ورزعت الباب
سحر ياحبيبتى يابنتى
امنيه مين اللي نزل يا ماما
سحر دي احلام اختك
امنيه ومالها مټعصبه ليه كده
سحر جواها ۏجع يهد جبال
امنيه كله من زفت الطين احمد منه لله .. الهي اشوف فيك يوم يابن مديحه المبقعه
سحر امنيه .. ايه الالفاظ دي انتى بنت
امنيه اسفه يا ماما.. يلا انا نازله بقي
سحر متتأخريش
احلام نزلت ركبت تاكسي ووصلت عند تسنيم
احلام لولا انك زنيتى عليا مكنتش جيت
تسنيم
احلام انا هتجوز
تسنيم نعم ياختى وده مين بقي
احلام عريس جديد
تسنيم هتتجوزي واحد متعرفهوش ولا بتحبيه
احلام يعنى اللي حبيته عملي ايه
امنيه نزلت وقاعده ف كافيه
زياد مونى اتأخرت
امنيه اقعد مش فيقالك
زياد مالك مكشره ليه ع الصبح
امنيه زياد انا
زياد انتى ايه
امنيه مش هقدر اكمل معاك
زياد نعم !! .. انتى بتتكلمى جد
امنيه وجد الجد كمان .. ايه اخرت الحب ده .. هتيجي ف الاخر تقولي سوري انا هتجوز غيرك
زياد امنيه انتى اتجننتى
امنيه احلام حصل معاها كده .. وانا مش مستعده اتوجع زيها واشوفك مع غيري يا زياد
زياد مين قالك انى هعمل كده.. هي عشان احلام حبت واحد وطلع ابن ستين ف سبعين يبقي انا كمان كده .. ماتعقلي الكلام اللي بتقوليه يا امنيه
امنيه سوري يا زياد .. ده قراري ومش هرجع فيه
زياد يبقي هتخسري وهتندمي علي حبي اللي ضيعتيه
امنيه عارفه .. بس خاېفه اتوجع
زياد وبعدي عنك مش هيوجعك
امنيه هيوجعنى بس مش اكتر ما اشوفك مع غيري
زياد مسك ايديها انا عمري ما هبص لغيرك
امنيه نفس الكلام اللي كان بيقوله احمد
زياد يادي ام احمد .. انا غاير من وشك .. وانتى حره بقي .. سلام يا امنيه
امنيه اووووووف
ثريا ياعينى يا تسنيم علي حمزه واللي حاصله
تسنيم ايه يا ماما
ثريا بعد ما ميسا ماټت وهو يعنى حالته النفسيه زفت .. لسه قافل معايا وعارفه عاوز ايه
تسنيم ايه
ثريا بيدور علي واحده يتجوزها وتربي وسام ابنه
تسنيم ياعينى يا ميسا مشيت وسبتهم متبهدلين
ثريا الله يرحمها يارب وينور قپرها
احلام ده قربيكوا اللي قولتيلي عليه
تسنيم اه مراته ماټت وهي بتولد
احلام الله يرحمها
تسنيم ماما مالكيش انتى دعوه بالموضوع ده انتى عارفه لو طنط اميمه عرفت .. دي بنت اختها بردو
ثريا ياستى انا مالي.. انا الواد صعب عليا والصراحه عاوزه اساعدو ده ياعينى شال الهم بدري .. ده ياعينى يا احلام لسه صغير
احلام سندت راسها علي ضهر السرير وسرحت ياتري يا احمد بتعمل ايه دلوقتى .. مبسوط معاها ولا بتتخيلنى انا مكانها .. فلاش باك من 6 شهور
احلام احمد بكره هتيجي معايا الكليه
احمد لزمته ايه يعنى
احلام هعرفك علي صحابي
احمد ياحبيبتى انا مش عاوز اعرف غيرك
احلام بتحبنى اوووي
احمد بعشق امك
احلام امي بقي دي عاوزاك تخلي بالك عليا اوووي
احمد انتى في عنيا يا لولو
احلام ايه لولو دي انا كلبه
احمد واحلي كلبه في الدنيا
احلام
احمد مقصدش مقصدش
احلام ماشي يا احمد .. يلا نيمنى بقي
احمد البوسه بتاعتى فين
احلام امواااااااااااااااااااااااه
احمد ياخربيتك بحبك كده ليه
احلام هههههههههههههههه يلا نيمنى
احمد احكيلك حدودته
احلام لا
احمد كان ياماكان
احلام قولت لا
احمد طيب حاضر .. ياسعد يا كرام مايحلي الكلام
احلام احمد انت عبيط بقولك لا
احمد الا بذكر النبي
احلام هههههههههههههههههههههههه مچنون
احمد والله مچنون بضحكتك
تانى يوم صحيت احلام وشربت نسكافيه ولبست هدومها ولسه بتفتح الباب
سحر نازله بدري ليه
احلام هشوف احمد
سحر تانى احمد
احلام تانى وتالت ورابع ها
سحر خلي بالك من نفسك ربنا يسعدك يابنتى ويجعلك في كل خطوه سلامه
احلام اموووواه يا سوسو
سحر قفلت الباب يارب لو في خير في احمد قربه من بنتى يارب لو شړ ابعده عنها يارب
احلام واقفه مستنيه احمد
احمد معلش اتأخرت
احلام اتحرقت من الشمس
احمد انتى اصلا محروقه
احلام بتتريق عشان سمرا
احمد بس عارف احلي من مليون بيضا
احلام بيضا دي اللي بتبضها الفرخه ها
احمد يااا نفسي الف بيكي واقول للناس بحبهاااااااااااااااااااا
احلام يامجنون
وصلوا الكليه
هدي احلام وصلت علي البوابه قوله لامير بسرعه
سامي بس مين اللي معاها ده
هدي صحيح مين ده .. دول ماسكين ايدين بعض
سامي لايكون حبيبها .. ده امير كان راح فيها
هدي يانهار اسود .. انا هتصل بهدير تقوله انها مش جايه اي حاجه بقي
سامي بسرعه علي ما انا اعطلهم
احلام سامي اعرفك احمد وانكجته بدلع حبيبي وقريب هيكون خطيبي
سامي اهلا ابو حميد
احمد اهلا بيك ياباشا
احلام فين باقي الجروب
سامي محدش جه للأسف
احلام محدش جه ايه .. في الجروب بتاع الاسره كتبتوا انكوا جاين
سامي ووللاسف محدش جه
احلام طيب حاسب انا داخله
سامي استنى بعد ما مشيت نهار اسود
سامي راح لهدي كلمتيهم .
هدي لا هدير مش بترد هروح انا
سامي هيهيهيههييهي خلاص احلام سبقتك
احلام اول ما دخلت الحرم اللي بيتجمعوا فيه
وهي داخله مبسوطه هي واحمد لقت يافته كبيره مكتوب عليها احلام وامير
marry me
u r my sweety
والجروب اول ماسقف بص علي احلام ولقاها ماسكه ايد احمد
سكتوا
احلام مصدومه من اللي عاملينه
احمد ساب ايد احلام ومشي وسابها
احلام خلاص هتعيط ايه ده يا امير
امير مين اللي كنتى مسكه ايده ده
احلام ده حبيبي .. انت ممكن تفهمنى ايه اللي كتبه ده واحلام دي انا
امير حبيبك ها ممممم حبيبك وانا بحبك ..
احلام امير احنا اصحاب
امير متقوليش صحاب .. انا مريض بيكي مسكها من درعتها وقعد يهز فيها جامد بهستريه انتى ليا لوحدي وهتتجوزينى .. انا بعمل كل ده عشانك وانتى تقوليلي حبيبي
سامي سيب البنت مش كده
امير احلام دي ليا فاهمين .. محدش هياخدها منى
احلام مش مستوعبه اول مره تشوف امير كده .. كأنه بالظبط حد مچنون
جريت بره الكليه تلحق احمد وتفهمه لقيته عند الميدان
احلام احمد ممكن تسمعنى
احمد لا عرفتى تمثلي
احلام مش فاهمه
احمد تعالي معايا الكليه واعرفك علي صحابي .. وطلعتى عاوزانى اشوف القرف ده
احلام احمد انت بتقول ايه انت مش فاهم حاجه
احمد لا فاهم .. انتى اللي غبيه مثلتى الدور غلط
احلام احمد انت بتتكلم كده مع احلام حبيبتك
احمد من النهارده انتى مش حبيبتى
احمد مشي وسابها وهي واقفه مش مستوعبه اللي حصل هو ده بجد !!
بعد محاولات كتير منها انها تكلمه وهو مش بيرد
بعد شهر
احمد بعت مسدج لاحلام
هشوفك
احلام ع قد ما كانت زعلانه منه بس فرحت اوووي وفعلا نزلت وقابلته
احمد قاعد ساكت مش عارف ابدأ منين
احلام انا عارفة عاوز تقول ايه وانا م زعلانه منك .. ونسيت كل اللي عملته واللي حصل .. ونسيت كمان الفتره اللي بعدنا فيها ... بس اياك تبعد عنى تانى
احمد احلام انتى مش فاهمه
احلام انا بفهمك وانت ساكت بفهمك من نظره عيونك .. مش عاوزه اشوف الندم في عنيك انا مش زعلانه صدقنى
احمد طلع من جيبه كارت وحطه علي الترابيزه
احلام ضحكت علي مستغربه ايه ده وبتمد ايديها تفتحها
لقت كارت دعوه فرح
قعدت تضحك والدموع غرقوا وشها
احلام جايبنى عشان تقولي انك هتتجوز
احمد احنا يا احلام خلصنا مافيش نصيب بينا .. بلاش اظلمك ماشي
احلام طيب عن اذنك
احمد مش عاوزه تقولي حاجه
احلام اه عاوزه اقولك مبروك
في الوقت الحالي
تسنيم ياااا حاجه نحن هنا .. ايه روحتى فين
احلام انا موافقه اتجوز حمزه
تسنيم وثريا ها
احلام زي ما سمعتوا قوليلوا يا طنط لقيت واحده تقبل بيك
2
في الوقت الحالي
تسنيم ياااا حاجه نحن هنا .. ايه روحتى فين
احلام انا موافقه اتجوز حمزه
تسنيم وثريا ها
احلام زي ما سمعتوا قوليلوا يا طنط لقيت واحده تقبل بيك
تسنيم لا انتى بتهزري ده متجوز
احلام كان متجوز .. طنط ثريا كلميه بعد اذنك
ثريا بس مامتك يابنتى
احلام كلميه يا طنط بعد اذنك
ثريا يابنتى متخليش شكلي وحش قدام الراجل
تسنيم بطلي جنان شويا هترمي نفسك في الچحيم بأيديك
احلام ما انا كده كده في چحيم هتفرق ايه يعنى.. انا لو متجوزتهوش هتجوز واحد تانى معرفهوش ومبحبهوش
تسنيم حوشي يابت ده اللي واقعه في غرامه اوووي ياعنى .. ماما دي مجنونه سيبك منها
احلام علي الاقل هربي نونه يتيم ..هاخد ثواب .. وفي حاجه هتصبرنى علي اللي هبقي فيه .. لو ليا معزه عندكوا كلموا دلوقتى
ثريا اخر كلام ..
احلام بصت لتسنيم وكأنها بتتحدي حد اخر كلام
ثريا طيب يا بنتى زي ما تحبي
احلام يلا انا لازم امشي بقي
تسنيم ما لسه بدري اقعدي شويا
احلام هنزل اتمشي شويا ..
تسنيم ليه بقي
احلام محتاجه اشغل وقتى بأي حاجه
تسنيم طيب يا حبيبتى لما توصلي رنيلي
ثريا بس خلي بالك لو اتجوزتى حمزه هتشيلي المسئوليه بدري
احلام مش يمكن هو ميوفقش بيا
تسنيم وليه ان شاء الله هو يطول واحده في السن ده ولسه
متجوزتش وترمي نفسها الرميه السوده دي
ثريا بس حمزه مش وحش
تسنيم واحلام يا ماما لسه صغيره
احلام صغيره مش صغيره .. انا حبيت واحد وراح لحاله .. ومش هحب تانى
تسنيم طمنينى عليكي لما توصلي
احلام طيب .. وميرسي يا طنط بجد
ثريا ع ايه يابنتى .. ده انا هشيل همك كده
احلام متشليش هم .. انا بجد مقتنعه باللي بعمله
ثريا اللي فيه الخير ربنا يقدمه
احلام يلا سلام
اميمه داده اشرقت .. ياداده
داده اشرقت نعم ياست هانم
اميمه كنتى فين
داده اشرقت بنيم الولد
اميمه ونام
داده اشرقت غلبنى والله ياست هانم ..يلا الحمدلله
اميمه حطت ايديها علي كتفها انا هكفئك علي تعبك اللي بتبذليه معانا ده يا داده .. بصي انا هعليلك مرتبك بس متزعليش انا هجيب خدامه تاني تساعدك
داده اشرقت الله يسمحك ياست هانم ده انا اخدمكم بعنيا ولا اشتكي ابدا
اميمه يا داده انتى مش خدامه عندنا انتى واحده مننا .. وانا بخاف عليكي ولا علي صحتك واحنا كبرنا مبقناش صغيرين ومحتاجين راحه
داده اشرقت اللي تشوفيه ياست هانم
اميمه متخفيش مرتبك هيزيد عن الاول وشغلك هيقل انتى هتبقي مسئوله عن كل حاجه في البيت ده
داده اشرقت متحرمش منكوا ياست هانم
اميمه انا
هكلم الشوفير يشوفلنا بنت تشتغل
حمزه هاتلي يابنى الملفات اراجعهم وكلملي المحاسبه في فلوس طالعه من الخزنه بدون علمي
الست هانم والده حضرتك هي اللي سحباهم
حمزه طيب ناديلي مدير الحسابات
اوامرك يا فندك
السكرتيره ف واحده عاوزه تقابل حضرتك
حمزه مقالتش مين
السكرتيره لا يا فندم
حمزه داخليها .. اهلا اهلا .. ازيك وحشانى والله
منه زعلت اوووي ع اللي حصلك يا حمزه ونزلت اوام مصر اطمن عليك واشوفك
حمزه فيكي الخير من ايام الكليه والله
منه بس الخير ده مش مع اي حد صدقنى
حمزه تشربي ايه
منه عصير مانجا.. فاكر يا حمزه
حمزه ابتسم وكلم السكرتيره تجيب العصير وحط تانى السماعه قوليلي ايه اخبارك
منه واحشنى بس .. احكيلي ايه سبب العجز اللي حصلك ده
حمزه بص ع رجله وبضيق اتنهد سيبك منى احكيلي .. ايه اخبارك ف الغربه
منه والله يا ميزو مافيش جديد بس بقيت ديزينر مشهور ف لندن .. بتشوف الاعلانات
حمزه طبعا .. وبقول ياااه يا زقرده اتشهرتى امتى كده
منه عشان تعرف بس يا ميزو ان منون بيجي من وراها حاجات محدش يتخيلها
حمزه انتى هتقوليلي
منه صحيح البقاء لله
حمزه ونعمه بالله .. قل لا يصيبنا الا ماكتبه الله لنا
منه عندك حق بس اكيد فراقها موجعكش اووي .. انت كنت متجوزها عشان ترضي اهلك فاكر ولا نسيت
حمزه دي بنت خالتى اللي ياما ضحكنا وهزرنا سوا .. لو فراقها موجعنيش لانها مراتى اكيد وجعنى لانى خسړت صاحبه وبنت خاله
منه قلبك طيب منه يومه يا ميزو .. لفت ناحيته وقعدت ع المكتب ايه رأيك نخرج اليوم هفسحك وهغيرلك مودك خالص
حمزه بس انا ف الحال ده مبعرفش اخرج
منه نقول للشوفير يوصلنا .. بجد هتتبسط هوديك مكان تحفه انت بتحبه
حمزه فين !!
حمزه ومنه داخلين كافيه
حمزه ياااااه يا منه .. انتى بعد غيبتك الطويله لسه فاكره ايام كليتنا
منه مش هقدر انسي المكان اللي كنا بنتحمع فيه
حمزه طلعتى لئيمه يا منه ههههههههه بس بجد المكان لسه زي ماهو متغيرش
منه لا اتغير .. بقينا فيه انا وانت بس لوحدينا
حمزه انتى بقيتى جريئه كده من امتى
منه ههههههههههههههههه وغيرت الموضوع تشرب ايه
حمزه قهوه
منه تؤ مش قهوه بتبص للجرسون اتنين فراوله
حمزه حط ايده ع وشه ودور وشه الناحيه التانيه والله مجنونه لسه فاكره كمان كنا بنشرب ايه
حمزه بيبص جمبه لقي واحده
احلام كانت بتتنهد بصمت وبتفكر ايه مصيرها مع حمزه ده
حمزه اعجب ببراءه احلام وحزنها ف وقت واحد وازاي حد رقيق كده يبقي مليان بالحزن ده فعلا الحلو مبيكلمش
احلام دورت وشها لقت حمزه باصص لها بصت بقرف ورجعت تانى تبص ع الشباك
حمزه اتحرج رجع بص لمنه ها كنا بنقول ايه
منه عجباك
حمزه ها
منه اصل عيب لما يكون ف واحده جمبك وتبص ع غيرها
حمزه منه انتى فهمتى غلط
منه طيب خلاص انسي
احلام جالها
