رواية سليم البارت 23
بارت ٢٣
تيجي نتفق اتفاق تبقي حب بدون فراق تبقي صاحب تبقي فرحه ف وقت هم تبقي ساكن جوه روحب . وابقي حافظك يعني صم تبقي جنه وتبقي ارض تبقي حضن ف ليله برد تبقي وقت الحزن ايد. طبطبت لما اشتكيت
خرجت سميرة للشيخ محمدي
يالا ياحاج اناخلاص جهزت ولبست اهه ..
يالا ياستى امال فينها سحر.. مس جاية معانة والا ايه..
لامش هتيجي . اناقولتلها هنروخ انا ابوك لعمك اباري نزور زوجته قالتلي خلنى اناهنا
محمد بحيره . انا مش عارف البت دى ايه جرالها . من سااعة ما اتخطبت وهي دبلانه . استنى انتى هنا . انا هشوفها ..
سحر قاعده ف اوضتها . وسرحانه . وانتبهت لابوها بيخبط . وقامت بتعب . فتحت . وابتسمت بتمثيل . اتفضل يا بابا .
محمد دخل . ايه ياسحر يابنتى . انتى مش هتيجى معانا .
سحر بتعب . لأ يابابا . انا هفضل هنا ف البيت . روحو انتو ..
محمد مسد ع شعرها . مالك ياسحر . فيكى ايه يابنتى . انتى ع طول شارده وساكته . حتى الموبيل الل كان كل حياتك . رمياه ومبتكلميش عليه حد غير حسن لما يتصل . قوليلى يابنتى مالك . انا قلقان عليكى
سحر غمضت عينيها وحابسه دموعها . احم . وضحكت بتمثيل . مفيش حاجه والله صدقنى . انا بس صعبان عليه فراقى ليكم . و البيت والحاره كلها شهر واآقل واتجوز . واسافر . ويعالم هشوفكم تانى امتى ..
سحر معلش يا بابا سبنى ع راحتى. انا هستنى هنا .
محمد هز راسه . ماشي يا بنتى . وربنا يريح بالك . مش عايزه حاجه اجبهالك وانا راجع إن شاء الله
سحر سلامتك يابابا . ربنا ميحرمنيش منك ..
محمد ولا منك ياحبيبتي . يلا سلامو عليكو.
سحر بۏجع وعليكم السلام ..
محمد خرج وجواه حزن متدارى ع بنته الل هتسافر .
سحر قفلت ع نفسها . وقعدت
حسن اتصل عليها . واطمن عليها . وسحر مثلت انها كويسه ...
حسن قالها انه رايح يحجز قاعه افراح علشان الوقت .. ولما يرجع هيكلمها .. وقفلو
سحر عايزه تقول ل حسن الحقيقه . وف نفس الوقت خاېفه لانها متاكده انه هيسيبها. وكمان فتون مبتتعاملش معاها غير قدام ابوها وامها عشان محدش يلاحظ حاجه. وقالت يارب . يارب سامحنى انا مش عارفه كنت بالشړ ده ازاى . يارب نفسي أكفر عن زنبى ده ف الدنيا . انا خاېفه .. خاېفه اموت وانا عامله مصايب وزنوب ماتتغفرش ااااه يارب ارحمنى يارب ضميرى هيقتلنى نفسي انام زى الاول مرتاحه . وعيطت بصوت عالى . وطلعت كل الۏجع الل جواها ...
فيلا بدر الدين
سليم قرب منهم . وسلم ع خالد . وقال . اذيك يا انسه حنين
حنين الحمد لله تمام . اذي حضرتك
سليم ابتسم بثبات .. وقال انا تمام جدا . ولا ايه يا انسه فتون
فتون اخدت نفس عميق . وابتسمت بسعاده لانه حس بوجودها . وقالت بثقه . طبعا ياباشمهندس سليم . وخصوصا إنك امبارح .عملت إنجاز كبير .ولا ايه
سليم من جواه اتوتر . لكن ظاهر العكس تماما . وقال جواه هي تقصد اعترافي بحبها . ولا الاجتماع
خالد وحنين . واقفين بيبصوا لبعض واتوترو . ياترى فتون تقصد ايه
فتون بصتلهم بنفس الابتسامه بعد اذنكم هطمن ع ماما .. وسابتهم ومشيت
وهي مبسوطه..
سليم من جواه اتغاظ من تجاهلها ليه . وواقف بجمود . وساكت ..
حنين شافت الجو متوتر . قالت خالد انا هروح اقدم الهديه لطنط فريده واشوف فتون ..
خالد هز راسه ماشي يا حبيبتي .
حنين اتحركت . وخالد متابع جمود سليم . وقال ايه ياعم الهدايا الجامده دي . اشتريتها امتى يانمس انت
سليم اخد نفس عميق وقال پخنقه . ابدا انا
خالد اممم تمام . المهم انت تمام
سليم هز راسه ايوه .
حنين قدمت الهديه لفريده . وراحت وقفت مع فتون يتكلمو مع بعض وبيضحكو ..
رامي حبيبى شريف باشا الله يسلمك ياكبير.
شريف حط ايدو ع كتف رامي . والله وحشنى اوى . ايه ياعم الغيبه دى كلها . انا لما عرفت من ع النت انك رجعت من يومين . قولت بس لازم اتصل عليه واعزمه . واهو فرصه نشوفك .
رامي تسلم ياكبير . انا قولت كدا كفايه اسافر نيويورك سنه وارجع اجازه صغيره واسافر تانى . والله وحشنى انت والواد خالد . وسليم. وخصوصا سليم بعد الل عرفته والل حصل لعينيه زعلت جدا عليه وزعلت اكتر بعد ما هو ورهف الجندى فركشو ..
شريف اتنهد . كلنا زعلنا ومرينا بظروف صعبه جدا . لكن سليم بدء يرجع لطبيعته ورجع للشغل من تانى . تعالى سلم عليه .ده هيفرح جدا لما يعرف انك رجعت ..
رامي يلا بينا ...
حنين بت ياتونا . شوفتى حياة الأغنيا يابت . حفله ع مستوى . ويقولو دي حفله صغيره .
فتون عينيها ع سليم الل واقف متغاظ . وقررت انها تتجاهله تماما ..
. وقالت كله كلام فاضي . الفرحه الحقيقيه ف القلب . ومالها حياة الأغنيا ع فكره عاديه جدا .
حنين يابت وانا قولت حاجه . انا قصدى الديكور . والتصميمات . وياستى ربنا يفرح الجميع . المهم بقى تونا حبيبتى مش هتقوليلى كان مالك امبارح ..
فتون افتكرت اعتراف سليم. وغمضت عينيها بحب كبير . وابتسمت ..
حنين متبعاها وحست ببلاها . ومش فاهمه حاجه .. انتى يابت متتكلمى وقولى كنتى مالك امبارح بوزك كان طالع من شباك العربيه .
فتون هههههه . الله يخربيت فقرك يانونا .
سليم سمع صوت ضحكتها . واتغاظ جداااا . وخالد متابع .. وضحك بصمت ..
فتون يابت
شريف قرب من سليم وخالد .
رامي ههههه وحشنى ياخالد ياعالمى عامل ايه ياض
رامي رجعت من يومين .
خالد
بعدم فهم . يومين . طيب مصطفى اخوك مقالش ليه ده كان معايا امبارح ..
سليم ابتسم . وربت ع ضهرو . حبيبى يارامي ولا نقدر ننساك . حمدلله ع سلامتك . نورت بلدك .
رامي منوره بيك ياكبير . انت ايه اخبارك طمنى عليك ..
سليم هز راسه انا تمام . قولى انت جاى صدفه
شريف طيب ياجماعه انا هروح اشوف الضيوف . نورت بلدك ياعم رامي .. واتحرك
رامي بنورك ياكبير .. وبص ل سليم وقال . بصراحه لأ . شريف كلمنى وعزمنى . لكن انا كنت هجيلك طبعا .
وبص ل خالد وقال وكمان ابارك للعالمى ع خطوبته ههههه والله لما
شوفت ع الفيس بوك انك خطبت . قولت لأ لأ اكيد حد سرق صفحة خالد هههههههه ماهو مش معقول يعقل ويتجوز مره واحده ..
خالد هههههههه واهو حصل يعم
وربنا هدانى . عقبالك كدا لما ربنا يهديك انت كمان وتتلم .
كلهم ضحكو ..
رامي لا يعم انا كدا عايش سلطان زمانى .. انما قولى فين خطيبتك بنت حد اعرفه .. ولا ايه النظام ..
خالد بغيره . وانت بتسأل ليه ..عموما لأ . ريح نفسك هي مش من الوسط ده .
رامي ههههههههه يبنى عيب عليك . دى خطيبة اخويا . يعنى تحرم عليا . وبعدين خلاص زمن الشقاوه خلص اول ما شيلت المسؤوليه مع اخويا مصطفى ..
سليم قبض ع ايديه بغيظ مكبت لما سمع اسم مصطفى ..
خالد شافه . وفهم . وقال عموما يصحبى انا عارف طبعا انك راجل جدع وصاحب صاحبه ..
محروس بيقدم الضيافه للضيوف . ورامي بياخد الكاس .. عينيه جت ع فتون . وقال ل خالد .. مين الل واقفه هناك دى
ياخالد انت تعرفها
خالد ابتسم
رامي يبنى الل واقفه مع بنت تانيه لابسين حجاب .
